حنا العرب يا مدعين العروبه =
وحنا هل التوحيد وأنتم له اجناب
وحنا شروق المجد وانتم غروبه =
وحنا هل التاريخ وانتم به اغراب
يوم الفقر شلتوا علينا عيوبه =
واليوم عقب النفط جيتوا لنا انساب
ويوم الفقر فينا البداوه سبوبه =
واليوم صرتوا مثلنا بدو وعراب
لو الهواء منكم منعتوا هبوبه =
لاشك رزاق الملاء رب الأرباب
ولو المطر منكم منعتو صبوبه =
لاشك رزق الخلق من عند وهاب
جيش الحسد سقتوا علينا حروبه =
كلن يبا يزرع على جسمنا ناب
حربن على المحسن تراها عقوبه =
ياالله عساكم ماتفيدون حراب
ياما عطينا ماندور مثوبه =
آلا من الي من ترجاه ماخاب
وياما نصرنا صاحبن ضيقوبه =
عاداتنا نقدم إلى مر ذيهاب
وياما نصانا من تعثر ادروبه =
يدخل حمانا من تعذره ألأصحاب
حنا بنينا دارنا من طيوبه =
وأنتم سلبتوا داركم كل ما طاب
الله سقانا من بحرنا عذوبه =
وانهاركم مثل البحر هدر تنساب
وحنا زعنا الحب بأرضٍ خصوبه =
وانتم زرعتوا كره ألأجيال بتراب
وحنا دعينا السلم نوبه ونوبه =
وانتم حمام السلم بعتوه بغراب
يامن دعاء للحرب ما ادرك اخطوبه =
لا تحسبن الحرب تهديد وخطاب
من شب نار الحرب يصلى شبوبه =
ومن ثور الفتنه تعرض للأسباب
ما يستر الرجال ملبوس ثوبه =
الدين وأفعال الكرامه له أثياب
وما يقبل الرجال بحماه حوبه =
مادام له حق ( ن ) وللحق طلاب
شعر صاحب السمو الملكي خالد الفيصل حفظه ورعاه
رد على المصري الذي أستهزاء بتاريخ السعوديه
pkh hguvf