أحبـك .. والمحبّـه هكـذا وأهـل المحـبّـه هـيـك @ تعيـش ولـو يجـور الوقـت مـا يخـلـف هقاويـهـا
"""""""""""""""""""""""""""""""""""""""""""""""""" """"""""""""""

لاشاب راسي وقافي شـاب
شبّبـت قافـي عـلـى راســي
ولبّسته امـن القريـض اثيـاب
وجريّـتـه وقـلـت .. لابـاســي
لـو كنـت مـن جرّتـه منصـاب
وبلشان فـي جـرّة أنفاسـي
كـم ليـلـةٍ جـيـت لــه مـرتـاب
شاكيـه مـن وقتـي ونـاسـي
وخلـيّـتـه يـعــديّ الـمـرقـاب
ودفـيّـتـه وطـــاح مـتـواسـي
وعــوّد علـيّـه بشلـفـا ذيـــاب
وسمحت له يطعن أحساسـي
مـن ميـزة الشـاعـر الـكـذاب
يصدق قصيده مـع الناسـي !
دوبـك علـى الـنـار ياشـبـاب
ـ مـاوديّ أضـحـك لمقبـاسـي
صحيـح مـا يـزعـل الحـطـاب
الاّ .. عـلـى طـابـخ الفـاسـي
مفـتـوح قلـبـي ولا لــه بــاب
كـم فيـه طرقـي وعسّـاسـي
ياصاحبي يوم كنّا أصحـاب
ـ ل الـحـبّ دقـيّـت الأجـراسـي
اصـيـح لــك والـهـوى غــلاب
وجوارحي تضرس اضراسي
سميّـتـك اسـطـورة الأحـبـاب
يــا النـاعـم اللـيّـن الـقـاسـي
يامـا كتبتـك غـزل وإعجـاب
وش ذنب حبري وقرطاسـي
وأسقيتنـي سـمّ نـاب الــداب
وعـروقـي الخـضـر يبّـاسـي
محبّـتـك ..فــصّ مـلــح وذاب
ـ وذكـراك مـا طوّعـت بـاسـي
لاحـلّ هجـري وطيفـي غـاب
عسـاك مـا تونـس اوناسـي
مـيـر الـبـلا ريـحـة الأحـبـاب
تـهــبّ وتــذكّــر الـنـاســي !
"""""""""""""""""""""""""""""""""""""""""""""""""" """"""""""""""""

يــا مـصـدر الإلـهـام لا تـقـفـل الـبــاب
بـيـنـي وبـيـنــك حــاجــة ٍ تفتـهـمـهـا
.خذني على هونك وأنا أجيك منسـاب
وسقهـا لا تفصـل ساقهـا عـن قدمهـا
.ما قد غزاك الشيب يا الهاجس الشاب
لـكــنّ سـلّـمـهـا مــعــي وأستـلـمـهـا
.يــفــرّنـــي دولاب .. وأفــــــــرّ دولاب
والـلــي تــمــرّه فـرصـتــه يغتـنـمـهـا
.تجمّعـت فـي خاطـري عــدّة أسـبـاب
وتقسّمـت والـلـي قسمـهـا .. قسمـهـا
.وكتبتهـا مـن فيـض تقديـر وإعـجـاب
قـصـيـدة ٍ هــــبّ الـنـسـيـم بنـسـمـهـا
.كفيّـت يـا المرقـاب عـن كـلّ مرقـاب
يـا طيـب هـومـات الـرجـال وهممـهـا
.والـلّـه مـــا كـنّــك غـيــر كـلـيّـة آداب
تجمـع مـن أصحـاب المعالـي قممهـا
.لو ف الشهـاده جـرح مزمـن ولا طـاب
الشمـس بـان وجـودهـا مــن عدمـهـا
.يــا صـفـوة الشـعّـار مـانـيـب كـــذاب
أردّ مــنــطــوق الـحـقـيـقــه لـفـمــهــا
.حقيقـة ٍ تشهـد لهـا أجـنـاب وأقــراب
صـفّـت ضمايـرهـا وصـانــت ذمـمـهـا
.مـــن حـقّـنــا مــــدام لـلـحــقّ طــــلاب
وأهـل المكـارم تفتخـر فــي كرمـهـا
.ننشـر علـيـك الوافـيـه سـتـر وحـجـاب
ـ وتستاهـل البيضـاء مـع أوّل سهمـهـا
.من غيرك أصدر بإسم شعّـاره كتـاب
جـمــع فـرايـدهــا بـعـقــد ونـظـمـهـا
.يــا منـفـرد بالسـبـق وشـلـون تنـعـاب
وأنـت الوحيـد اللـي بحكـمـه حكمـهـا
.إلـيـا شـذبـك مــن المساكـيـن شــذاب
جــــرادة ٍ درعــــا وتــرعــا سـلـمـهـا
.تفداك وأهـل الناقصـه مالهـا حسـاب
الـلـي عـطـاك مـــن التـمـيّـز حـرمـهـا
.تعصبّت وإليـا قضـت حـرب الأعصـاب
نـطـوي صحيفـتـهـا ونـرفــع قلـمـهـا
.الأوّلـه ( صـوت الشعـر ضـدّ الإرهـاب)
والثانـيـه .. بـكــره يـرفــرف علـمـهـا """""""""""""""""""""""""""""""""""""""""""""""""" """"""""""""""قــام يطويـنـي مــن حـبـال القـريـحـه طـــاوي
الشـعـر يعـقـد هجـوسـي لـيــن أحـــلّ لـحـونـه

أتـمــثّــل والـمـثـايــل .. دربــهـــا مـتــســاوي
خـاطــري مـكـسـور مـيــر القـافـيـه مـوزونــه

الجـبـل راســي .. وراســه فـيـه ذيــب ٍ عــاوي
كــلّ مـاهـب الـهـوى شــال الحـجـر بسـنـونـه

يضرس مع الضرس ناب وشاب راس الشاوي
والشعـيـب الممتـلـي قـامـت تـفـيـض ركـونــه

يـاعـرب شفـنـا وعـفـنـا كـــل نـجــم ٍ هـــاوي
وفـــي مـرابـيـع الـنـجــوم قـلـوبـنـا مـفـتـونـه

عـن سوالـف ليـل نسـمـع وش يـقـول مـخـاوي
لـيــن ابـــو غـلـيـون تـآكــل جـمـرتـه غلـيـونـه

ونـلـتـوي ف البرتـقـالـه لـــو ثـمـرهـا خـــاوي
ـوراعـــي الـزيـتـون يـلـحـس زيـتــه وزيـتـونــه

عـلّـقـوا كــبــد الــعــراق .. وعـلّـهــا عــــلاّوي
حكـمـه مـوّقــت وراســـه نـاشــب ٍ ف امـتـونـه

مـــاش طـــب ولا لقـيـنـا لـلـجــروح مــــداوي
ـكـــل بــــادي شــمــس دمّ وجــثّــة ٍ مـدفـونــه

الـلــغــم ثــايـــر وحــــــسّ الـمـدفـعـيّــه داوي
وأن نصـيـنـا الـسّـلـم نـيــران الـحـرايـب دونـــه

لا سلمـنـا مــن فـتـاوي يـوســف الـقـرضـاوي
مــا سلـمـنـا مـــن جـهــاد الـفـرقـه المجـنـونـه

طبـخ فـوس وقطـع روس ومـن يــردّ الـغـاوي
كـــلّ مـــا يـقــرأ كـتــاب الله تـزيــد شـطـونـه

ســـارح بـفـعـل الـجـبـان وبالـمـذلّـه ضـــاوي
ويــتــعــزوا ف الـــظـــلام ونــيّــتــه مـلـعــونــه

كـيـف مــا تـرحـم قـلـوب المسلمـيـن وتـــاوي
غـيّـروا فـــي شـــرع ربـــيّ سـنــة ٍ مسـنـونـه

لا يضـيـع الـديــن بـيــن المـحـتـرف والـهــاوي
مــن يـهـاب الله مــا يخـلـف شـرعـه وقـانـونـه

والشـيـوخ أهــل الفـتـاوي مــا تـضـمّ الــواوي
مـنــزوي بـيــن الـرحــا والـحـبّــه المـطـحـونـه

هيـبـة الأســلام ضـاعــت والـكــلاب تـصــاوي
بيّنـه واعمـى البصيـره وش تـشـوف عيـونـه ؟

لعنبـو مصعـب عـلـى ابــو مصـعـب الـزرقـاوي
ـيــا عـسـاه يـمـوت بـكـره .. لحيـتـه محسـونـه

"""""""""""""""""""""""""""""""""""""""""""""""""" """""""
شكرا جزيلا على التطنيش
أقرا الرساله وطنشني

سلمت يا صاحبي وتعيش
وعن الهوى لا تناقشني
...
ما دمت تبغى الجفاء حتيش
اللي خلقني يعيشني

مانيب من يقبل التهميش
عزيز .. والعزّ ينعشني

رميت عن نقطة التفتيش
حبّك قبل لا تفتشني !

وعن خطّ حبّك فصلت الفيش
بلـّغ طيوفك .. لا تنبشني