قبـل لا ترمـي الشرهـه علـيّ .. وتقـفـل البيـبـان
وتعطـي عـمـرك الـراحـه .. وتـرتـاح وتريّحـنـي
أخذ كـل القصيـد اللـي يخصّـك وأحـرق الديـوان
فــدى للعـشـرة الـلـي عذّبتـنـي قـبـل تذبـحـنـي
أنـا ما نـيـب يــا سـمـح المحـيّـا شـاعـر ٍ مـنّـان
ولا عمـري كتبـت الشعـر لجـل النـاس تمدحنـي
يغيـض ويمتلـي صـدري وأغنّـي بالفـم الملـيـان
وراسـي تنسحـب عنـه الهبـوب اللـي تناطحـنـي
خلاص أجمع بقايا سيرتك وأرحل مع النسيـان
ولا تنـسـى تفـرمـت ذاكــرة مـخـك وتمسحـنـي
تلوّنـت وعيونـي وش تسـوّي مـع عمـى الألـوان
ولا تـنــلام لا قـامــت عـــن التـلـويـن تنصـحـنـي
قضينـا وأنتهينـا مــن حـيـاة الـزيـف والبهـتـان
ترا ماهوب قصـدي لا كسـرت الخاطـر المحنـي
أبدعي لك مثل ما أدعي لنفسي والكريـم معـان
عسى ربيّ يسامحك .. وعسى ربّي يسامحني !
"""""""""""""""""""""""""""""""""""""""""""""""""" """""""""""""
يــا مـيّـت الـنــار ولّـــع نـــورك الـطـافـي
خــيّــم عـلـيــك الــظــلام وســبّــل ردونــــه
.
هـبـت هـبــوب الـبــراد ومـرقــدك دافـــي
لا تـبـتــرم مــــن وراه وتـنـســدح دونـــــه
.
أن كـان ماهـوب صاحـي قلـبـك الغـافـي
الـنـاس لـــو صـوّتــت لـــه مـــا يصـحـوّنـه
.
تبـغـا تـسـنّـف عـلــيّ وتـصـبـح سـنـافـي
هيـهـات والـلـي سـواتـك نـكـحـل عـيـونـه
.
شــواربــك جـالــهــا حــالـــق ونـتــافــي
حتـيـش لـــو لحـيـتـك بالـسّـمـن مـدهـونـه
.
رميـتـنـي بالتـهـايـم مـيــر يــــا كــافــي
الشعـر ماهـوب أنـا الـلـي يـسـرق لحـونـه
.
ديـوانــي الـيــا عـرضـتـه عـنــد عــرافــي
مـا شـكّ فـي شكلـه ولا شـكّ فــي لـونـه !
.
مـن فضـل ربـي وأنــا شـاعـر ومتعـافـي
مغـنـيـنـي الله عـــــن الـفــنّــان وفـنــونــه
.
أقــدح بـزنـدي وأعــدّي كــلّ مـشـرافـي
وأخـلـيّ المنبـطـح يـزحـف عـلــى هـونــه
.
مثلـك وشـرواك مـا يصعـد علـى أكتـافـي
شف غير راسي .. وروح أصعد على متونه
.
مـيـر الحقيـقـه بـعـد غـنـيّـت بـــك قـافــي
لــك الـشـرف وأغـسـل لسـانـك بصـابـونـه
.
راحــت علـومـك بـعـد مــا بـيّــن الـخـافـي
عجـوز عـمـيـا وتـمـشـط راس مجـنـونـه !
"""""""""""""""""""""""""""""""""""""""""""""""""" """"""""""""""
لا يـا بعـد مـن تعـرف الشـوق والغـيـره
و الضحك والفرفشه والضيـق والحـرّه !
كـلامـهـا تخـتـلـط عــنــدي تـعـابـيـره
بالجـابـه الحـلـوه .. وبالجـابـه الـمــرّه
والـشــكّ لا مـرّهــا صــفــرّ بـصـفـيـرّه
وقامـت علـى جرّتـه تستلـحـق الـجـرّه
الله لايـنـعـم عـلـيـه ولا كــثــر خــيــره
ليـتـه يـكـافـي وذاه وخـيــره وشـــرّه
خايـف علـى ضغطهـا لا يرفـع امبيـره
ويرجع على قلبهـا يضغـط علـى زرّه !
ويآخـذ عـلـى شوقـهـا لـفّـه وتـدويـره
وتاريـخـي المعتـمـد تنـسـاه بـالـمـرّه
لـو أن حسـن السـلـوك يجـمّـل السـيـره
ماكـان بـيـن الحبـايـب جــات مفـتـرّه
نمسـي وغصـن الغـلا تلعـب عصافيـره
ونصبح على ملاكمه ومصارعه حرّه !!"""""""""""""""""""""""""""""""""""""""""""""""""" """""""""""
تــعــال والاّ روح .. وألاّ كـلــهّــا روح وتــعـــال
حقّك على اللـي مـا يشيـل الكحـل لعيـون العمـي
خـرّبــت قـانــون الـرفـاقـه والـصـداقـه لاتــــزال
مـالـك علـيّـه غـيـر مايرضـيـك والمـوقـف حـمـي
يـارجـل عـيّـت تلـزمـك معـنـا مـلازيــم الـرجــال
أستـح علـى دمّـك قـبـل نـرجـع لتحلـيـل الـدمـي
حسـبـي علـيـك الله ونـعـم الـلـي علـيـه الاتـكــال
رفعـتـك وحفظـتـك وصـديّــت وأكـلــت إلـحـمـي
يا كـمّ نصحتـك لاتجيـب العيـد فـي بيـض الليـال
وأثـرك جنـيّ خالقـك ربـيّ علـى شـكـل آدمــي
وشلون تختلني وأنـا راسـي مثـل روس الجبـال
لاتحسب أنيّ كل ما هـبّ الهـوى ضـاق إنسمـي
معـذور مـا تـقـدر تجاوبـنـي عـلـى قــدّ الـسـوال
العولـمـه خلّـتـك فـــي تـالــي زمـانــك عـولـمـي
شخصيّـتـي ماهـيـب فـرصـه سانـحـه للانتـحـال
وش دخّلك تآخذ مـن أوراقـي وتكتـب بقلمـي ؟
طبـعـك غـريـب ولا يحـبـوّنـه كريـمـيـن الـسـبـال
تزعـل ليـا منـيّ علـى المـرقـاب رزيّــت إعلـمـي
أنـتـه شـديـد الفرقـعـه وأنــا سـريـع الإشـتـعـال
فرقـع وأوّلـع فـيـك لـيـن تهـيـد ويـخـفّ الـرمـي
خيـر الـكـلام وزبـدتـه حــرام ذبــح ابــن الـحـلال
يـا اللـي تشيـل البندقيـه والفـشـق مــن محـزمـي
نرفـع جـدار البيـت ميـر البيـت مــا جـالـه ظــلال
مـالـه وصـيـف ولا شـبـيـه ولا حـلــيّ ولا سـمــي
خـذهــا وروّح بالـسـلامـه والعـمـامـه والـعـقـال
وأحفظ لسانك في فمك وأحفظ لساني في فمي
"""""""""""""""""""""""""""""""""""""""""""""""""" """""""""""""""""