انا تل قلبي تل دوجٍ عليه سهـــيــــل ....بعد ماتسنن دق سلـــفه بمــفــتاحــه
ولجت سيوره والمكينة هدت بالحيـــل...وكفخ له برجله كفخة الطيربجناحــه
يبى له لزومِ عجل مايقبل التاجــيـــل...لزومٍ مناديـبه تحثـــه بــمــسراحـــه
توكل على اللي بالعطايا ماهوب بخيل...وتنصا فريقٍ بين سفوه وبطــاحــــه
يجاذب سراب الحزم والبعد قبل الليل...وقلبه يسج وهاجس الوقت يجـتاحـــه
ومر المرابع عقب شدوا وطاها السيل...بوقتٍ طويل وعادة الــبدو نزاحـــــه
وجاله بحزمٍ مرتفع وأظهر الدربيــل...وهوجس شوي وقام يومي بمسباحــه
على اللي لعبي لعبة الريح بالمنديـل...ذبحني بعينٍ ترسل الموت بسلاحــــــه
يتل الضماير تلت الغرب فوق الحيل....ويلعب بقلبي لعب طفلٍ بمرجـــاحـــه
dr,g lfhv; fk l'gr hgykhld (lfhv; hgujdfd)