ذبــــاحـــــة الــحـــــايـــل عـــمــى مـــن يـــزوفـــي
 

بسم الله الرحمن الرحيم

اهلاً وسهلاً بكم يا ابا دخيل الله حياكم الله وبياكم بمنتدى الهيلا الرجال الميامين ورحمة الله على الشيخ الشاعر/ دخيل الله بن محمد الشكره الدوسري رحمةً واسعه

الرجل الفريد بكلمته وبشعره الذي يتصف بالحكمه والجزاله والله يبقي الحيين ذخراً لنا واخص بالشكر الأستاذ/سلطان بن دخيل الله الشكره

الذي يحض على دروب الغانمين ويقف وقفة الرجال النبلا ولاهي غريبه من أبن الرجال الذين سطرو في التاريخ كل علم طيب ومشرق فحياكم الله وبياكم في منتدى
الهيلا الرجال الميامين ولكم هذه الوقفه البسيطه.



بـديـت بسـم اللي سلم من ترجاه ** غـافـر خطـايا اللي بمكه يطوفي

الـواحد اللي تسجد الناس لـرضـاه ** جل وتعالى اللـي بعبده يـروفـي

الـلـه إلـه الكـون مـامثـلـه اشبــاه ** الغـافـر القـادر بخـلقـه عطـوفـي

اهـلاً هـلا يـابن الـرجـال المسـماه ** حمـايـة البل يوم ضرب الشلوفي

سلطان سلطان السعد ماله احلاه ** ماهو على بذل المكارم حسوفي

الجـود فـي يمناه والطـيب مـبـداه ** من راس ابوه القرم نال الوصوفي

عـلـيه مـن ذاك الاسـد لاعــدمنـاه ** الطـيب ورث اهل القنا والسيوفي

اطـلـب إلـه العـرش عفوه ورحماه ** وعسـاه بالفـردوس دايم يطوفي

ابـن محــمد خــاســرٍ مـن تحــداه ** هـداج يشــبه لــه نـدي الكفـوفي

واعتـيبة أهـل الخـيل كـلٍ بشلفاه ** ذبـاحة الحـايـل عمـى من يزوفي

عنـهم حكـا التـاريــخ بـأول وبتــلاه ** حمـاية الخلفات بحـدب السيوفي

منــهم ابـن مفـرح اليـا حـل طرياه ** قالـو نعـم بك يامعشي الضيوفي

واقبـل تحـية حـاوي الطيب والجاه ** اللـي مـع الوافيـن بالطـيب يوفي

وصـلاة ربــي عـدمــا ينــتثـر مـــاه **على الرسول الهاشمي النصوفي

الشاعر / جازي بن مفرح بن ناجي العطاوي ( حاوي الطيب )

رد: ذبــــاحـــــة الــحـــــايـــل عـــمــى مـــن يـــزوفـــي
 

رد: ذبــــاحـــــة الــحـــــايـــل عـــمــى مـــن يـــزوفـــي
 

صح لسانك ونعم في الشيخ سلطان
وبارك الله فيك

رد: ذبــــاحـــــة الــحـــــايـــل عـــمــى مـــن يـــزوفـــي
 

صح الله لسانك ياحاوي الطيب ولاهنت

استفسار // مامعنى كلمة (( يزوفي )) التي وردت فالشطر .. ذباحة الحايل عمى من يزوفي
بصراحة اول مرة تمر علي// والتقصير مني مقدماً اذا كانت الكلمة دارجه ومعروفة ومنكم نستفيد يالذيب ..
البيت هذا يحتاج مراجعة حاوي الطيب مع التحية
(( منــهم ابـن مفـرح اليـا حـل طرياه ** قالـو نعـم بك يامعشي الضيوفي ))
تقبل مروري دمت بوود
اخوك المحترف

رد: ذبــــاحـــــة الــحـــــايـــل عـــمــى مـــن يـــزوفـــي