![]() |
الا يامشرف الحله تقدم يوم جاك الدور(عبدالله الغنامي)
مشرفنا العزيز عبدالله الغنامي تفضل
: الا يامشرف الحله تقدم يوم جاك الدور=وانا في سوق ابو مرزوق معي جنيه وريالي تهرج وانت يارجال وافي ماعلاك قصور=ضفى ثوبك وراسك مكتسي بشماغ وعقالي |
الـــطــــرقي صح لسانك
وننتظر الشاعر عبدالله الغنامي |
صح السانك يالطرقي وبنتضار عبد الله لو ان عبد الله نويعم مايبين الا مع البراد
|
صح لسانك يالطرقي لاهنت
|
صح لسانك يالطرقي
وصح لسان عبد الله مقدمآ واشغله في نفسه يالطرقي لان مخه مشتت من الاختبارات |
صح السانك يالطرقي وبنتضار عبد الله
|
اررررررحب يالطرقي
العذر والسموحه انا هالايام مشغول بالحيل لكن لا طولت عليك اعذرني ياخوك خلوهآ, وصلتك ياولد عمي عسى إن ابليسنا مدحور لعلك لا سرحت الصبح تضوي في يدك غآلي تراك انت الحكيم اللي يقول الهرج بالمستور ولا تدري لعل الوادي المذكور قد سآلي |
اقتباس:
الله يصلحك يابو ثامر قل امين انا هالحين عندي اختبارات واناكخ الكتب وتقول ما تبين الا فالبراد الله وكيلك بس :o |
اقتباس:
صحة أبدانك يالغالي والطرقي شاعر جزل والله يعيني وياه ,, نورت , |
يا سلام يا سلام
صحت السنتكم والله يعين الطلاب على الاختبارات |
صصحة أبدانك يابن نما
والله يعينا وياك انا بطلع ارقد أكرمــــــــــــــــــــــــــــــــــــــــــــكم الله , |
الطرقي صح لسانك شاعر وجزل
وعبدالله حبيبنا وشاعرنا وله كل الاحترام الله يسعدكم اسعدتونا |
الطرقي . صح لسانك على المبدآ الرائع .
وصح لسان عبدالله رد وافي . واصلوووووووو |
يافرحه ماتمت شكل ابو عابد مشغول بالاختبارات الله يوفقه ولا مبداء من رائع ورد اروع
كل الود والاحترام |
الله الله
انا ماني بذر الاكحل الاثمد فالعيون العور ولا بظلمك يوم انك تعرف المر والحالي نباك القايد اللي بالعوايد فـ اول الطابور لاكن ماشفت عبدالله مع الاول ولا التالي |
ياهلا بالجميع والله ان كل واحد فيكم يستاهل ترحيب خاص فيه لاكن بارك الله في ماجمع
مرحبا بالجميع |
يسلام ياسلام
لله دركم وصحت السنتكم واصلوا واحنا معاكم |
صح لسانك يا عبدالله
وصح لسانك يالطرقي للمره الثانيه بيض الله وجيهكم شعار ما فيكم حيله |
والله واكبر
صصح لسآنك خلوهآ تقول الحق يارجّأل مانته رآعيـ(ن) للزور لكنّك ياولد عمي معك سكين ختّآلي ليامن غآب عنتر به رجآلـ(ن) وافيين شبور يجونك ياصحيبي بينهم رجلي وخيّآلي |
صح السانكم شعراء مبدعين
|
صح السانك يالطرقي
|
ليا منكم حضرتم فالاماره في يد المامور
ولن غبت الاماره تنسرق ياشيخ طوالي :) ادرج وتهرج والرجال اللي وساع صدور اجي وروح وهيه ياوسع العرف في بالي |
يامرحبا يابو فايح حضورك شرف للجميع
ياهلا ياسقم المعادي تواجدك شرف للجميع واهلا بالجميع |
طيب طيب
تبيها ياولد لكنّ مالك خاطرٍ مجبور :) انا من دونها ببذل جميع البخس والغآلي تبي لك كلمتـ(ن) مني تعدّل عظمك المكسور تجي وتروح والحضّآر في هرجتك تختآلي , |
صح السنكــــم
|
اولع فالحطب في نصف ساعه والقدور تفور
وبعض احيان فيها نشتوي 50 رجالي :) على شان الاماني كاذبه والدايرات دور معي سكين ياحّمر عين وحطك على بالي |
هلا هلا بالجميع منورين الصفحه كلكم
|
الا يامشرف الحله تقدم يوم جـاك الـدور صح لسانك يا شاعر ... |
عليك الله وشرع الله تغيّر ثوبك المقرور
ترا الحضّآر شافو ثوبك الهريآن والبآلي توقع وانتبه للشآيك اللي من طرآف السور قبل ياتيك يومـن تطلب الرحمه من الوآلي الطرقي صح لسآنك ,, تحآيآ طيّبه , |
صح بدنك ياعبدالله
الله يعطيك العافيه والسموحه ان اشغلناك من واجباتك ولا شي لنا لقاء اخر لك وللجميع تحياتي |
+4. الساعة الآن 10:23 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط