|
أنااا والنجم..رجاءً عدم أضافة ردود..أعتبروا الموضوع مغلق:)
السلام عليكم ورحمة الله وبركاته ((((يقول سند هذه أجمل قصيده قرأتها في حياتي رغم الكسر الواضح في صدر البيت الثاني )))) غشــمـرة جـهّــــال على الدرب القديـم وحـــزّة الذكرى... وضيـق البال ،،،،،،،،،،،،،،،،،،،،،،،، عرفت ان الحيــاه تسيـر امـــام وعـــاشقك .. رجـعي وانا في نفس مكـــاني ..تروح اجيال,, تجي اجيـال ،،،،،،،،،،،،،،،،،،،،،،،، ابـــد مـا زاد عمــــري شــــئ عن عشــقك ولا طبعي على خبــرك معنّـــى في هـــواك وفالبلــد رحّـــال ،،،،،،،،،،،،،،،،،،،،،،،وحيد ... الحزن والغربه وهمّــي والســهر .. ربــعي لكن انتي وش اخبارك؟؟ عساك بخير..كيف الحال؟؟ ،،،،،،،،،،،،،،،،،،،،،،،، وعسى ياربّ غـــرّوك العــــــوآذل وانتـــهى وضـعي ولا انتي شــايلتني فالخفـــوق ومعــك انا لا زال ،،،،،،،،،،،،،،،،،،،،،،،، يبكّيــــك الغـــــرام ...وكل شئ يمـــــــرّ بـك تبــعي وانا وانتي ضحايا حبّ عذري مـ احسبــوه اطفال ،،،،،،،،،،،،،،،،،،،،،،،، خذتـــــنا افـــراحنا به غـــــدر... يمّـة قمعك وقمـعي ودفعنا سعـرها غـالي ... دقايق غشــمرة جهّـال ،،،،،،،،،،،،،،،،،،،،،،،،واحآسيـــسٍ نقيّــــه صـــافيه ....من نبــــعك ونبـــعي وانا ماني ضعيــــفٍ فالبشر لا ضاق دمـعه سـال ،،،،،،،،،،،،،،،،،،،،،،،، قسم باللّه يـ اصــــدق شئ في حبـــــك ترا... دمــعي والا يا غليـها عنـــدي وعنــدك ....دمعة الرجّـال ،،،،،،،،،،،،،،،،،،،،،،،، ابـ اسكت بــس دايــــم صـــرختك... تدوي مدى سمعي بكيتك حاظر وماضي ..رجيتك فيك امـل وإمحال ،،،،،،،،،،،،،،،،،،،،،،،، كتبـتك كل بيـــت اصـدق من الثـــاني ...على شمــعي ولا والله كتبـــتك غيــــر ابيك لغربتي مدهـال ،،،،،،،،،،،،،،،،،،،،،،،، ليا صغــتك قصيــده غيـــر ...من تأليــــفي وبــدعـي وبعد ما صرتي إبـعصـمة رجل.. يا حـزنه المـوّال ،،،،،،،،،،،،،،،،،،،،،،،، ولآ منّي سجــدت اقــول بـ ادعي بس ...ويـــش ادعي؟؟؟ منصور بن عقال (( مجافي )). فاصله.... قل وش تبـي وتتركنـي يـا حزنـي آمـر مسكيـن فرحـي / تصـدِّق إنَّه وحشنـي !! |
ديما تعالي وافتحي صدري ابواب
..................... توّ ابتدا يا مهجتي ليل بابه شوفي عصافير الوجع طارت اسراب ................... عشان ترتيب الملل للكتابه تجبرني احيان احضر اسباب واسباب ..................... واحيان اصير انسان يعشق غيابه ما احسب يابوي لسيرة الشهرة حساب ..................... مغمور ماتحكم شعوري رقابه كن السطور ارضٍ بعد نبتها ذاب ..................... مرّت من الوسمي عليها سحابه اكتب شعر واثق ولاني بمرتاب ..................... عزي لمن خوف الكتابة غدابه في خاطري شيءٍ له ايام ماغاب ..................... كتمانه بصدري يزيد الكآبه : ليش نتقابل ياوطن مثل الاغراب ..................... وحنّا منوّل بالوجيه نتشابه ماكنت احسب انك وطن حفنة تراب ..................... اثرك رجل شاب التعب في ثيابه ضاعوا عياله واسرفوا فيه الاقراب ..................... ماعاد احد عقب المهابه يهابه شال الديون وتابوا الناس ماتاب ..................... سكن بعد هاك القصر في خرابه لان السنين اشجار والوقت حطاب ..................... والجوع فاس ورحلة العمر غابه سلطان مطلق الغنامي (سلطان الشعر) |
الى المهاجرات ليلاً خلف لقمة العيش .. ضميت صبح الجريدة في عيوني وماع كم سطر منها وقلبي مثل الاسطر يميع تبعثرتبي شجوني واقتربت اليراع بذبّ ريع المشاعر قبل اذبّ ايّ ريع ملعون الاسفلت الاسود والفجوج الوساع ملعون ابوها حكايات الطريق السريع بعض البشر مع دقايق ساعته في سراع في زوبعة هالحياة بشكل ملفت مريع يستلهم اشياه من ذاته بذات اقتناع بالواقع بواقعه , يرعي الأماني قطيع عظيم يبقى كريم النفس فيه امتناع عن كل ساقط من الاشيا بعكس الوضيع الفرق يشمل كلا الجنسين رغم اندفاع جنس النواعم لهمس الذات ذاك الرفيع يكفيك بنت الفقيراخت الصغار الجياع والارملة والفتاة البكر وام الرضيع مع لقمة العيش راحن كلهن في صراع مصير مبهم وسطوة مجتمع مايطيع في حافلات الوداع يرتّبن الوداع واللحظة الموجعة صمت وشعورٍ فضيع تتمرجح امالهن في رحلة الانصياع خلف الستار ويخافن المآل الشنيع وبعد انحسار النهار وميلة الشمس قاع تمتد فيهن تفاصيل الخيال الوديع ترجع طيور المسا ويعود نفس النزاع كلام يمكن يقال ويمكن انه يضيع ان ضاع بعد الضياع نقول وشلون ضاع! وان شاع قبل الضياع نضيع معهن جميع ياحاسم المسألة طهر الوطن كيف جاع! ارحم زهور الوطن قبل المآسي تشيع الارض هذي عمدها لابسات القناع وعيالها تربيتهن وانت عرفك وسيع قدّ رضعنّا غلاكم مع لبنهن رضاع ولاننفطم عن رضاعه لو للانفس نبيع شف حلّ يا الراقي الوافي كريم الطباع يالعادل الصامل السدّ الرفيع المنيع انا دخيلك تدخل ياطويل الذراع عليك جاه الله الفرد البصير السميع انت الملك وامرك السامي بأمرك يطاع اسأل وزيرك على التعليم لو يستطيع هو بنته تعانق الفجر الفجوج الوساع ولا استراحت من اهوال الطريق السريع! سلطان مطلق الغنامي |
أنا القادم من اعماق الحياة اسرار
...........معي جيل و وراية يحتريني جيل منامٍ "هزني " يا سيد الاحبار ................ابيك تفسر الرؤيا وابي تحليل أرى في مايرى النايم ثمان اسوار ................وانا مسجون داخلها نهار وليل تحاصرني وانا في كل ثقب جدار ..............من الجدران هاذي غارسٍ دربيل أرى في الخارج الأشيا بدون استار ..............شفافية وضوح تغالب التظليل أرى شمسٍ ورى شمس /وديار قفار ............ظلال اكواخ مهجورة / وجرة خيل واراني باسطٍ وجهي بظل "اعمار" ................عليه عيون تاكل من طرف منديل وحوله تنبت قلوب وتشع انوار ................تعلق في بعضها من مسافة ميل واشوف اصابعي تسبح بكوم غبار ...............وكل اصبع من العشرة براس وذيل وارى راسي على جذع شجرة "صبّار " ...............وذهني "جوف "قنينة فخار يسيل وترقى في ذرى متني طيور صغار ...............تحط من الرمل فعيونها وتشيل تولّع باجنحتها من حروفي نار ......................ولاغنّت ترتل بعضها ترتيل وانا مابين قسوة باس/ واستنفار ...............اصفّ اللين والقسوة ثبوت / وميل يجي شيخٍ يلبّسني حلل / وسوار ................وخاتم حضرة السلطان والاكليل واطيح من السما فجأة بظلمة غار .............و" أجمّعني " من الما واشتعل قنديل هذا حلمي هذا "علمي " وشيٍ صار ...............ولك بعد انتهينا خالص التبجيل ترى "في مايرى النايمـ "تتوه افكار ...........ابترك "صومعتك" الآن / سدّ القيل وباذن الواحد المتعالي الجبّار ............بعد عامين ابرجع لك وابي " تحليل " سلطان مطلق الغنامي |
حبيبتي من ليلة البارح وانا حزن وقهر ............ ماكنك الا حلمي اللي فارق عيوني وغاب انا ادري ان البعد ياست الحسن كسرت ظهر ............تذاكر اوجاع وماتاهات ومحطات اغتراب ماهوب حب ان كان ماوراني نجوم الظهر ............ولاهوب قلبي كان ما احرقته على شانك وذاب صورتك واشياك الرقيقة واغنياتك والسهر ................ كانت توديني بدون اشعر وربك للسحاب بشتاق لك يا اغلى ربيع ان مرني صيف العمر ............وافتح لذكراك الجميلة في الخيال الفين باب ولاهبت اوراق الخريف وطاحت اوراق الشجر ............بنثر بقايا ضحكتك وازرع بها الأرض اليباب واهد لاحنيت سور الصمت وابني لك قصر ............في دفتري واهذي بما احسه خطا ولا صواب وابذكر اسمك لالمحت الطير والغصن الخضر ............ والشمس وظلال النخيل الباسق وروس الهضاب واعلق انفاسي على طرياك لاطش المطر ............واقول ماذابحني الا الشوق جعله للذهاب يا أنعم الوان الزهر وازكى تفاصيل العطر .............. ابكتم العبرات واشرب لاعطشت من السراب ماكنت ابي فرقاك لكن ويش اسوي بالقدر ............ خايف عليك ومنك يا بنت الماّسي والعذاب بس اذكريني لاطرق شباك غرفتك الفجر .............. قولي يعيش بهالمدينة طفل ودّعني وشاب !! سلطان مطلق الغنامي |
واعـدتـنـي والتقـيـنـا الاكـيــد ان الحبـيـبـه واعـدتـنـي والتقـيـنـا صـح خلوتنـا حـرام ولكـن اطهـر ماجنيتـه ركبت اللكسز وكم ساعـه نفرفـر ماحكينـا بـس وقفنـا واخذنـا كـم عصيـر وبسكويتـه قلت انا خايـف مـن الهيئـه وقالـت ماعلينـا بيعهـا مـادام هالمشـوار يالشـاعـر رضـيـه بعتهـا ولاباعهـا مثـلـي حــرام انــا مشيـنـا وعـادتـي تكميلة المـشـوار لامـنـي بديـتــه ثم وسـط الليلـه الظلمـى مـع الامـه سرينـا واحـدن جنبـه مـره واكيـد رايـح لــم بيـتـه وفـكـت اللثـمـه بتـاكـل وبـتــذوق ماشـريـنـا وانا فاتح فمي فـي جمـال عمـري مارأيتـه مدت البسكوت واللـي كـان طعمـه بالفالينـا قلت جوز الهنــد هذا طعم عمر و مآسليته يعنـي ضيعـت الكـلام وتـو بالهرجـه بدينـا ماني بمنصور ذاك الشاعر اللي وين صيته ولفّت وقالت تذوق هالعصير ومن يدينـا خفت اكرر غلطتي قريت وش هو ونسيته قالت العصير وشهـو؟ قلـت منتـج ماردينـا قالت الواحـــه وفعلاً مآكــأن اني رأيته قلت ماعنـدك شغـل ؟قالـت معـاك ولاعلينـا قلت انا عندي شغل هالحين والله ماقضيتـه قالت انت احلى من اللي فيه همنـا وابتلينـا باختصار اطلب وكل اللي تبي مني خذيتـه قلت ابـي جبـر الخواطـر بـس لامنـا بكينـا وآدمـي يمسـح جديـد الدمـع لامنـي بكيـتـه قالـت ابشـر بـس لازم قبلهـا نشـبـك يديـنـا قلت لا ليه خوات وحاول ابليـس وخزيتـه الاكـيــد ان الحبـيـبـه وآدعـتـنـي وانتهـيـنـا واللي اوكد منه كل الدرب هـذا مـا مشيتـه فآصله: وقّف ترى لي مع شفآيفك ميعآد منصور بن عقال (مجافي) |
قصيـــــــــــــــــــدة حب ابكــــتب لك قصيـــــــده مآكتبـــــها قبلي الشعّــــــآر وانا مــــــآني على قدّي وقيفــــــآني تســــــآعدني انا الشـــــــآعر انا الرســــــام انا الحســـاس والبحّآر تخصص غطـــــس فحــــــروفٍ تبكيــــــني وتسعدني اذا طـــــابت لك السهره وانا فاللّيـــــــل ابو الاســـرار سرقــــني طيــــــفك اللي كل يـــــوم وهــو موآعدني سريـتك حلم وآمآل وســـــوآلف مرســمه واحبــــآر قصيــــــدة حب رســــمة طيــــــف تذكــــــآرٍ يرآودني رحلــــــت بدون زآد وميّ والوجـــــهه صدى التذكـــآر ورى صوت اسمعه خلف الظــــروف وناس تحسدني عبرت الكـــــون فوق اليــآس تحت امن الرجا لو جآر تركت شلـــــــون فكــــر النآس لو كـــــآنت بتنجدني على شــــــوك الطريــــق اللي جمعنا يوم كنّا صغآر ابوفي للعيــــــــون اللي زمــــــــآن اول تعـــــآهدني وابصبـــر ياعيــــــوني لو يقــــــــولون الفــــــلك دوّآر وبأمشي هالطريــــــق اللي بلا لوحــــآت ترشدني لك آخر مــــــآكتبت من القصــــــآيد وآخــــــر الاشعآر قصيــــــــــــــده لآرجعتي قـــــآفيتها بالحـــروف إدني تعآلي وانقذي من سآر يمّـــك شـــــآنت الاقــــدآر عطيــــت الدرب في وصفك خســــآره كـــــــآن بعدني فآصله: يقول ابن فطيس... فقد خآطري شئٍ من الضيـــــقه مسلّيه *******وغدت نفسي إمن النآس واللّيل هجّآجه اروح لمكـــــآنٍ خـــــــــآبره خــــــآبره يأتيه *******اســــــوق القدم صوبه وهي مآلها حآجه يحب الجريــــــح آخر دروب اللقا ويجيـــــه *******وتحب القدم جيّــــــة مكـــــآن اولّ موآجه منصور بن عقال (مجافي) |
معآنق غريب مآ كل ّ من يضحك من النآس فرحآن ولآ كلّ من يحكي من النآس صآدق تبقى القلوب اسرآر والوآضـح احيآن عكس الكلآم لكـل من كــآن وآثـق ولهـآن انا؟ ايوالله بالحيــل ولهآن وذي الأكيـد إن جآت بإحسآس عآشق يآتآيـهه فالزيـن لـولـو ومرجآن بحرك عميــق وكم معي فيه غآرق خـلآص يكفي تيه طـــآلبك عنوآن آن الأوآن وعمـرنا فــي تسـآبق إمّآ لقـا ولّآ شقـا رآضـي وحـآن إلّا الأســر والسجن مآني موآفـق قـآلت: ترى غيــرك بحيآتي إنسآن وإمسـك سرا يمكن بيـوم إنترآفق وقلت: الودآع وقآلت: اكيد زعلآن واشّرت لآ لآ وكنـت جـداً منـآفق ورجعت انا لحريـتي ذيــك الأزمآن اسـعد من معآنق غريـب المفآرق فآصله رفوف البآل كم شآلت وجيه احبآب منسيّه منصور بن عقال (مجافي) إذكريـــــني يـ آنسه راس مالـــي غترتي والعــــقال ما طرحـها سوى ركــــوعي لرب البشر المقفّـــي مقفّـــي والتوجّــــه عـــــــدال سوي اللي براســـك وانتي كــــلك نظــر ولا رحلتي خلاص انسي تقــــولي تـعـال ولاتحسبيــــن جيــت ولو طيـفي حظـــر مانــي بملـتفــت لك بس مـا به مجـــال لازم انــي اوقّـّــــف وانتظـــر وانتظـــر يمكن يرجعك شـــــوق وتجيــبك ليـــال ويوحشك شخص حبــــك عدّ رش المطر الله اكبر وصرتي بأختيـــارك محــــال وكـــانت أوّل هديه منك ضيــق وكــدر اذكريــــني اذا ظــل الاطآليـــــل مــال مثل عابـــر سبيــــل ابطى ولكن عبـر وانا بـ اذكـــرك دوم احلى بنيـــة حـلال علـــمتنـي دروس ان المحـبــه خطـــر ما بقالك جــــواب ولا بقالـــي ســـؤال جيــت اودّعك بس بشعـري المختصــر واتأمـل فخلــــق الله يــــاللخيــــــــــال كل شئ فيـــــه حكمـــــه للـي بيفتكــر العــــواصف تهب ولاتضــــر الجبــــال تقطف زهـــور بس شوي ترجـع شجـر فآصله... فآجئني مرّه بغيبّتك ,,واترك خبـــــــــر كمان / منصور بن عقال (مجافي) |
احتباس الذات في عمر الورود حرب انثى تسعى للمجد الابي فلسفة طفله تحركها القيود قامت تْقلد لها مشية صبي احتراق الدمع تقدير وخلود للكحل في عين عذرا ياعْربي عالمك يجهل بتنفيذ الحدود عالم ابله للاسف عالم غبي ا لعوايد دين شرّعه الجدود ماهي بْشرع الله وسنة نبي بنت الاسلام العزيزه بنت جود مجدها سابق حضارات السبي من زمان وعزها دايم يزود من خمار الوجه لي لبس العبي لايهدون الحصن كثر الجنود هذي مْناتي وهذا مطلبي انفجار الضغط تلحقه اللحود مايجي بالوقت مثل اللي نبي شوفهن لاثار نيشان الصمود الجيوش اقبالهن تحبي حبي لاتقرب نارك بجنب الوقود ثم تقول النار وش له تجتبي كلمتي واردها وسط الحشود القيود تحرر الموت الخبي لاتقدّم لاتصوّب لاتعود لاتحرّك فزعة امّات العبي أريج الرياض (غرام أطفال) |
كلن تفاخر في هله والقبيله وانا اتفاخر بالـ(هموم) الأصايل "أحزان عمري"بالسنين العليله تاقف مع ..القلب الندي..عن قبايل هي عزوتي..هي كل دار انتمي له هي صملتي..والحظ خايب ومايل هي حيلتي..لانام جفن الوسيله نوبٍ أصحّي فيه..ونوبٍ أحايل مالي على رد المقادير حيله الجرح أوفى ..من عما فرْح زايل دربٍ يعاندني على قطع ميله تشهدْ لِرجلي فيه..عين الرحايل العز مهما طال عندي دليله أرقى رجومه ..واحتزم بالفعايل مكسب (ونعْم البنت) نعْم الحصيله اعدا نجاحي ..من وراها قتايل وهبت نفسي للمعالي حليله وانجبت من طيب المكارم سلايل وحدي جعلت من الأسامي جليله ووحدي زرعت الظلّ..في جو قايل أفخر بفعلي .. والحيا ..والفضيله وتفخر (بـ..اريج الجود) كل المثايل وان كان مالي إسم يسوى قبيله حرام مافخر في عموم القبايل كمان شاعرتي المهستره:) أريج الرياض (غرام أطفال ) |
عادي تروح ارواح وش عاد بقلـوب وعادي يسيل الدم مـع دمعـة العيـن عادي يخون احباب ويضيع محبـوب الحب ما يامـر شعـوب وسلاطيـن ماجاتني غلطـه ولا هـي بمكتـوب يافرحة الاحزان في حرقـة (السيـن) احتج شارع وانكسر صـوت ودروب والصبر وقف عنـد خنجـر وسكيـن شاب الحكي في فم طالـب لمطلـوب ماعـاد ينفـع لاعتـاب ويواسـيـن من انحنى عودي وانا قلـت باتـوب واهدي لروح الصمت دعوه لتوطيـن وان ذاب ظل الشمس في حزة غروب اشعلت مـن حزنـي شمـوعٍ تقديـن اسري ولا حولي سوا حظوظي العوب من ويـن مالديـت وجهـي تلاقيـن واثبت على دربي ولو كـان متعـوب واحث رجلي تقهـر الجـرح والبيـن يرمى فؤاد وينقتل نبـض مصيـوب وابـدا اكفـن سالفـة وينـك وويـن منتب معي ياابن الاجاويد مغصـوب دام الوفا يبعـد عـن ايامـك سنيـن عادي ترا لوّ انهـدم حلـم واسلـوب ولا بعـد هالعـز صرنـا مساكيـن بيني وبينـك مابقـى شـي مهيـوب المر وسط الجـاش عبّـا الشراييـن وان خنتني عادي وسايـد ومحسـوب شف العرب تضحك وتبكي فلسطيـن أريج الرياض (غرام أطفال) |
ولنا عوده مع تجوم من حقهم علينا الأحتفاء بهم
|
http://www6.0zz0.com/2010/10/24/20/762270124.gif
البتول كـل أرضٍ تشيلك يـا ثـقيـل الحمــول وكل وقتٍ كريمٍ بالرضا والزعل وين مـارحت تلقى لك حبيب وعـذول وين ما كنت تلقى مثل ياسـك..أمل ياطـريق الترجي والوله والـنـحول والله إني مـشيـتـك... لـين حد الـثـمل مالقيت فوصولي لغـير قــبري وصول ولا عـرفت فـحياتي مثل عرفي الجهـل لا تظـن المـسافر مـن يسوق الـرحول مـن وقف دون حلمه عاجزٍ ما رحـل وما لمخلوق منجا في الحذر والجـفول مـا تـصيب السـهام ولا يـطـيـش الاجــل الـلـيـالي خـــــوات.. مــير مـنـهـي البـتــــول والحــوادث عـشــــايـر مـير ويــن الفـحـل ليلةٍ لـك .. وليله بـالفـــرح مــا تـطـــــــول ولـيـلـةٍ مـن شــهــدهــا ذب راس الــجبـــل أتذكّر في عين الشمس طفــلٍ خـجـــول شـالـتـه فــي هــدبــهــا وقـت لــين إشـتـعــل أعجب الناس وهجـــه بالجــدل والفـضــــول ما دروا عن (جمـــال الجـرح) لــين إنـدمــل والله اني كتـبـتـه في العطــش والذبـــــول لــين غــصــنــه تــعـــدل بـالــورق وإعـتــدل والله إنـي كــتـبـتـه لــــين قـــــــال الجـهــــــول والله إنـي كـتـبـتـه وانــتــشـى واحـتـفــل ما أتفه الشعر كانه هالحكي اللي نقول لا تـعـدى الــمــــديــح ولا تـعــدى الـغـزل إن لثمت الزهــــــور وصــــاحبتني الحقــــول مـاهقيت ان صافـي الشهـد عيب النحل مابقى في ضلـوعي كود ريـح مـعـمــــول وثــــوب شـاشٍ عـليه مــن النــدامـه وحــل ألـتـفـت للـطــــريــــق ومــا عـــبر مــنــه زول فـــي جـفــوني تـزاحم عبرتي والـوجــل طـلـت يالعـمر والا قــلــعـتـك لا تـطـــــــول طــاولــتـنــا الـلـيــالي بالـســــهــر والــمــــلـل إن تـعـبـنــــا نـــحـب ولا لــقــيــنــا قـبـــــــــول مـا تــسـر الامـــانـي .. ولا يـفيـد الـعــذل لكن .. الله كريم وكل همٍ يزول مـا على الله بعيد .. ولا جـفـاك الـمـحـل كـل أرضٍ تشيلك .. يـا ثـقيـل الحمــول وكل وقتٍ كريمٍ بالرضا وهل يخفى البدر..!! |
ياهـواي اخذ البيوت الجزله المليانه!!
البـيوت الـي عـليها وسمي المعهودي وسمها من نار روح العاشق الولهانه!! والـفــتايل لـو ابيها تـنـقـدح بـزنـودي اسـتـوى جـوّ الـقصـيـد وجيتها بعنانه الـشـعـر رجـال مـلحد ثم صار يهودي فوق راسه مطرقه من تحته السندانه اطرقه وصخّره وأصل البراء مردودي والله إنا ما نصور شجرة(ن) ضميانه الـضمـايـر بـير جـمه والـرشا ممدودي المحبه شجرة(ن) من هاجسي رويانه والـثـمـار اليـانـعه مـا عـنّـها منشـودي فـي طـوارفـها الزهـور ووردة الريحانه فــاح ريـح الطيب هبّي ياهبوب الـنـودي يالرزيـنـه مـعـي غنّي يالادان ودانــه انـتـي اغـلا الناس ولك اصخر البالودي بشعري الي كنه بعير(ن) وسيع بطانه سهل صعب(ن) جزل ماياصلّه المنقودي يوم بعض الناس شعره حنظله وعفانه همز مـدري لـمز مـدري حظه المقرودي كاسب المشيبين |
الــبـيـوت اللي على فكـري لـفـن
........................كلهـا تـبع الـبيـوت الأوله لــو تـغــيـر قـافـهـا ولّا الــوزن .....................سيرتي معروفة(ن)ومطوّله عاشق(ن)والعشق في قلبي سكن ....................والرزينة فالـوصـوف مهـوله لــو عـلـيــه عــذلـــو هـنٍ وهــن ....................ماحـسبت احساب قول مقوله يالــرزيـنـة ماصغـيت الهـم اذن .................... ناس تجـفا والـجفا مالي وله اتــــوجــد وجـد من شاف الكـفن ....................فـيه غـالي والـدمـوع محوله في غـيابك ما يغمض لـي جـفن ...................راح تــال الــيـل يــتـبـع اولــه شاردن فـكـري وقـلبي لك يـحن ...................حـن مـورن والـحمول مـتوله فــالــخـلا لـكـن كـني فـالـسـجن ...................وضعي المزري تعال وحوله كـثر ماقـلـتـ لـك ضعفيّنه اكـن .................... انت غالي والغلا جاك اوله كاسب المشيبين |
ودي اتشارك معك في كل حاجـه فالأكل والأنفاس والشرب والنـوم ماهوب يعني اثنيـن دوم نتواجـه ودي نجي واحد ولاهوب مقسـوم كلٍ يراعـي صاحبـه واحتياجـه متشاركين الحال فالفطر والصـوم يضحك حجاجه لا ضحك له حجاجه ويشيل معه هموم لا صار مهمـوم ( النايفة ) في يديك مثل الزجاجـه بالله لاتخـدش هواهـا ولا يــوم نايفة شمر (الزعيمه) |
أدري بجواله من العام مفصول وأنا عليه أرسل رسايل من العام مفصول وأدري بس في نفسي أقول يمكن يجيه إحساس من ( برج الإلهام ) مشغول عني والفكر فيه مشغول والشوق فيني زاد مع مرّ الأيام ما كنت أظن الوضع يبقى على طول وصدّقت قلبي لين صادفت الأوهام وكنت أحسب إن البعد ما فيه مفعول ألا على الشاشات في بعض الأفلام ألين غاب وصرت في وضع مجهول وعرفت بأن البعد قاتل وظلام معقول ينساني مع الوقت معقول ؟ وشلون ينسى من بنى فيه الاحلام تغيّرت بعدي أحاسيس وعقول يا ليتها كانت بتغيير الأرقام !! وأصبحت أحط حلول وأبدّل حلول وينام جفني لكن القلب ما نام وهذا خفوقي صار للحزن كشكول حبره دموع العين وجروحي أقلام تكتب ليالي ضامها بعد وذهول وكل الأماني حظها طاح ما قام قلبي وطن بأجناس الأحزان مأهول معمور بأنواع المآسي والآلام أنا ( زعيمة ) حزن والشوق مسؤول عن كل همٍ لامني فيه لوام وان كان جواله من العام مفصول فانا خفوقي مات من دقّة العام نايفة شمر(الزعيمة) |
يا سلام عليك ياسند
كوكتيل ابداع اشكرك ياغالي |
احذر تزعلني وتقسى عليّه كلامك اللي قلته اليوم يجرح الحب عندك والهوى مسرحيّه وأنا خفوقي لضيم الأحباب مسرح أبيك تفهمني حبيبي شويّه تعبت أبيّن لك عن الحب واشرح أجمع لك أجمل ما رأته البريّه وأنته من ( حساب المحبين ) تطرح وأسمع كلامك باندماج ورويّه وأشوفك إن كلمتك أحيان تسرح ليه أتحمّل منك كل الأذيّه وقلبك أشوفه يا بن الأجواد يمرح لا لا تدوّر في غرامي خطيّه لا تحتري الغلطة علشان تفرح كل النواقص والعلوم الرديّه ما حصّلت في داخل القلب مطرح ( النايفة ) وأبقى الفتاة النقيّه اللي على ( نهج التقاليد ) تبرح نايفة شمر(الزعيمة) |
لا جيت ترسل لي رسالة عن العيد اختر لي الكلمات أطيب من الفل واضغط على رقمي لحالي ولا تزيد ما أبيك ترسل يا حبيبي على الكل في العيد تحلى للصغار الأناشيد وأنا استمع نبرات صوتك ولا أمل وفي العيد عند الناس زحمة مواعيد وأنا انتظر موعد هلالك متى يهل نايفة شمر |
سند بيض الله وجهك
|
سند بيض الله وجهك
|
ابوعبيد احس انك جايب القصايد ذي على مزاجي انا
مشكور ترلليون |
السلام عليكم
أهللاً وسهلاً بالجميع |
أقسى من (الحزن) واصعب منّه بواجد
.......... لو جا (الفرح) ...بسّ مافي خاطرك تفرح اتخيلوا... !دون ذكر اسماء ..به واحد ...................حاول يلاقي لآخر (حلم )له مطرح عاش بزمن فاهم ومتحدث وناقد ............. كلْ شيّ محسوب( لا يجمع ولايطرح) طيّب مع الكل ماشا الله ومتساعد ....................واللي( جرح) خافقه ماعلمه يجرح عن أيّ شي غير طاري( صاحبه ) زاهد ..............ياكم إذا مر طاري وانذكر (يسرح ) وده يعيش الفرح دامه (نزل قاصد) ..........لكن لقى الحزن عن موضعه لم يبرح وش حيلته في شعورٍ ( غير متواجد) .......وشلون يوقف امام الطاوله يشرح ..! ماشاف حاجه ..حلف ثم روّح الشاهد .............ياكيف له .. والضلوع( ستارة المسرح) من دون أسماء تذكر ..ماهو بماجد..! ............. واحد..الى الحين يمكن ماقدر يفرح..! ماجد نصار |
ياسند انا من امس انزقط في موضوعك وودي ارد واشكرك ثم اهون واقول الرجال باقي له قصايد مانزلها بس عقب الدرر هاذي ابترك وصاتك اللي في العنوان واقول سلمت يمينك وشكرآ لك ياسند
|
.
. ياسند يا ابيض قلب ،، والله لا استطيع تجاوز هذا الموضوع دون ان اشكرك ياغالي وانا يعلم الله يا ابو عبيد ان الفرحة تغمرني لــ أنني هنا من ضمن اهتماماتك الشعرية ،، وهذا يشرفني ويزيدني فرحا بك لثقتي الكبيرة في عقليتك وتفكيرك الذي يعجبني ورب العالمين يشهد شكرا عملاقة ياسند عبيد ،،، شكرا ياصديق الزمن الجميل :) اخوك الممتن جداا سلطان .. |
السلام عليكم
حياكم الله جميعاً ويا أهلاً وسهلاً بكم سلطان.. مافيه شيء زين يصلح من دونك لذلك أنت هنا ..ولأنك نجم رائع وجميل ومبدع وتستحق حقيقه ومن دون مجامله أن يشاد بتميزك وهذاا حق من حقوقك......\..وحفظك الله والجميع من كل مكروه |
يعطيك العافيه
|
|
عقب افترقنا ودار الوقت يافلانه
ــــــــــــ صار اصغر اخوانك اقرب لي من اخواني يمرّ يا ام الدلال اسمك على لسانه ــــــــــــ واخاف مثله يمرّ اسمك على لساني اشوفك بضحكته واضحك على شانه ــــــــــــ واصبر على جرح قلبي واكتم احزاني يسألني الشعر وش حدّك على اوزانه ــــــــــــ وتجاوبه لاسألني رفّة اجفاني مايدري اني كتبته خصّ لانسانه ــــــــــــ اقفى بها الحظّ من عندي وخلاني سلطان مطلق الغنامي |
ياحادي العيس هل للعيس من حادي!
........الا (السعي) والحدى ومطاول الغربه ! ياحادي العيس : موطن( ياعسل) وادي ........(دواي) ودواك من نبع الوطن شربه ! ياحادي العيس عصفور الفرح غادي ......... بين السما والعمى والشوق للتربه ياحادي العيس ..ويصير البطى عادي ؟ ......... هاذي بلادك وهذا ( ما ) تتطهر به ،، سلطان مطلق الغنامي |
عش الفرح واشيائه المهجوره والحب واحلام العمر واشلائي \ تعبت تحرّى طلة العصفوره تمسح سواد الحزن عن ظلمائي / هذي بقايا عطرها منثوره في عشها الوردي وفي اشيائي \ وهذي بقايا الفرحة المكسوره والدمع وانفاس الألم واعبائي / وهذا صدى كلماتها المأثوره من ثغرها والقابي واسمائي \ ياعالم الحرمان حتى الصوره بروازها يصعب على اعدائي / ملت زوايا العش كبت الثوره وانا مللت اكابر بعليائي \ وينك تعالي يادفا المعموره ماعاد تقوى بردها اعضائي / شوفي ملامح نفسي المذعوره وشوفي بوادر ازمتي واعيائي \ يابذرة افراح الهنا المبذوره في تربة احزاني وفي ضوضائي / من غيرك اللي لا فقدت حضوره يفقد سناي العالم الغوغائي \ انتي لقلبي نبضته وشعوره وانتي لروحي سرها الاحيائي / يا احلى روايات الفرح وسطوره من الف باء العمر حتى يائي \ عشك فقد يانور عشك نوره عودي اليه من المكان النائي / وخلي فراشات الفرح وطيوره تختال في أجوائه وأجوائي \ الى متى واشيائه المهجوره تشكي لي وتبكي لها اشلائي !! . فيصل فرج العتيبي |
ضمير المقصر يصرخ العفو والتوبه و دمع الرجا ما ملت عيونه اهراقـه على باب ربه ما ستر ثوبـه ذنوبـه اسير" للذات الهوى يرجـي اعتاقـه يصيغ الجروح بهيئة اشعار مكتوبـه و يهدي من آلامه قصايـد لعشاقـه بدنياه حكمه هي نتاج لقسـا دروبـه كتبها بدمه في صدر فهرس اوراقـه يميز القصايد لمسة الشعر واسلوبـه مثل مايميز الرجل عن غيره اخلاقه فكم من صغير" بأول العمر يادوبـه تقدم وخلى شايـب الدقـن فالساقـه لانه من اخلاقه ستر طيبـه عيوبـه ومن شاب بالعيبات مايستـره طاقـه ينال المنى والمجد ويحوز مطلوبـه خلوق" تغار الشمس من هيبة اشراقه اديب" لبس خام الفضايل مثل ثوبـه مهيب" يفوح المسك من عاطر اعماقه الاخلاق معيار التفاضل و منسوبـه ليامن تساوى الناس بالديـن وسباقـه وعمر الفتى لاشارف وقرب غروبه وهو ماجعل روحه للاخلاق كالباقـه خساره من اول بسمه بيوم فرحو به الى آخر دمـوع المحبيـن بفراقـه فيصل فرج العتيبي |
(ارفع مقام النفس بالعز عالي
ولا تراقب غير رب السماوات) # حياتنا شمس ٍ سريعة زوالي واعمارنا لو طالت سنين لحظات # سافر بهالدنيا جنوب وشمالي واليا تعبت من السفر والمعانات # ارفع يد الحاجة لرب الجلالي وادعه ليا نامت نجوم المجرّات # لاتحزن ولاتبكي العمر غالي خسارة تعيشه بضيقة ودمعات # انثر معاناتك بوجه الليالي واصنع من اشلاء الجروح ابتسامات # المرّ بامكانك تخليه حالي ( والحلو مايكمل ) خرافة روايات # عانق بنظراتك سموّ المعالي واضرب بسيف الجدّ هام الصعيبات # الحر منزاله بروس الجبالي والبوم دايم منزله بالطمانات # حلّق بجنحان الشرف للعلالي وانحت على صدر الزمان البطولات # ماخلّد التاريخ غير الرجالي اللي لهم في ساحة المجد صولات # وانت المخيّر والعبر بالتوالي اما يقال ونِعم والا عسى مات ؟! فيصل فرج العتيبي |
|
دَآمكْ فتَحْت البَاب لا تَقْفِـل البَـاب واذَا شبَعْت مْن الحَكِي حوّلَـه لـيّ عندِي كَلامٍ بِين طعْنَـات وعتَـاب ابِيزعلِـك لَكِـن تحمّلنـي شْــوِيّ كانه طلَع لِك نَاب واستَسهَل انيَـاب حده قَبِل مَاتَزْرعَه فِـي لحَـم نِـيّ تشْرَه علَى الغيّاب يامسبّب غياب تحجِب شعَاع الَوصْل وتدَوّر الضَيّ تقُـول ودّي لَكِـن الوَقْـت غَـلاب واقُول لاغَـلاب عمّـي ولا شَـيْ اللِي يحبّ ويبْذِل الشُـوق لأحْبَـابْ مَايمنعَه عنهُـم سـوَا وَآحـدٍ حـيّ تشْكِي زمَانِك وانْت رجّال باشنَـاب وشلُون عَن بنْتٍ تولّى بهَا الكَـيّ؟! ماقَلْت لِي لاضِقْت بالصَدْر ترحَاب؟! ضَاقَت وصـدرِك مالقِينَـاه يَاخَـيّ ! كنْت الكتَاب وكنْت انَاْ اوْرَاق بكتَابْ اللِي يميّز حضرتِـك طنختِـك بِـيّ لاتِحسِب انّك كل مَالِـي وَالاقـرَابْ وانّي بعَد فيّك ابَعْجَـز عَـن الفَـيّ لا وَالله الا مخطِي وحِيل منصَـابْ تلمح سراب وتحتفي في لقـا مـي الظَن يومِك زَايـد بحسبتَـه خَـابْ حبًّ فردتَـه بالحشَـا قَابلَـه طـيّ اليوم لَو تلفي مثِل لفـيَ الاغـرَاب مانْت بحبيبٍ لي ولا ساكنٍ فِـيّ والحِين لَو تسْمَح معَك قفّـل البَـاب وحسّك بعَد تقرِب مِن البِيت والحَـي الشاعره/ أريج الرياض غرام أطفال |
:icon1366: |
| +4. الساعة الآن 04:04 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط