أهل العجينه ماني ابهم بمكلوف
 

سلام عليكم ورحمة الله وبركاته . مساكم الله بالخير هذي القصيده دوبها ظاهره من التنور أتمنى أن تنال الإعجاب ..

الله يستر لانجيب العجينه.. قدّام شعاراً وزوّار وضيوف
ثم تصبح الخطّر علينا حزينه.. والفكر مايبدع وياقف من الخوف
ويصيبنا عقب الوناسه غبينه.. والشعر يصبح عندنا غير مألوف
لكن أبحاول اجيب السمينه.. وأهل العجينه ماني ابهم بمكلوف
آزن بيوتي والمعاني متينه.. وأفكاري أبدعها على صفوف بحروف
وأقولها لأهل العقول الفطينه.. ومن قولها مانيب خايف ومكسوف
ماهمني شوف الرماح السنينه.. دام الثقه درعي فـ { قيفاني سيوف}

صح لسانك ولاهنت على هذه الابيات

مبهم

صح لسانك شاعر جزل

صح لسانك محشوم عن العجين

صح لسانه وعلا شانه

كصيدهـ جزله

.
.

الغالي عوض

اتيت متاخرا عن هذا النصل الشعري الشاهق
واكيد ابو تركي فعل بكم خيرا اذ اظهر مواهبكم
انت وامثالك من الاخوة الاعزاء في هذا المنتدى

لفت انتباهي :
( فقيفاني سيوف ) واحسنت الاخيتار يا عوض
الكلمة سيف شاطر ذو حدين والواعي من يعرف
كيف يستخدم هذا السيف ويحسم معركته لصالحه ،،

كلي شكر واعجاب بهذا الابداع

تحياتي لك

اخوك : سلطان

..

مبهم الله يمسيك بالخير
اكيد منت من هل العجن
العجن نوعين نوع هو اللي يقصده شاعرنا وهو العجن في القافيه والوزن ولانت منهم
والعجن الثاني قافيه ووزن محبوك لاكن المضمون معجون ما تعرف ساسها من راسها وتلقى القصيده خبيصه مع احتفاضها بطابع الشعر في قافيتها ووزنها ولا اخفيك انا من العجانه الثانين ماهم الاولين احافظ على الوزن والقافيه والباقي اخبصه
ولاكن اكرام لك خذلك بيت رد ما هو معجون تقديرآ لشاعريتك الواضحه لكل متذوق للشعر

محشوم يامبهم علومك رزينه ××××× جهدن بذلته في قصيدتك مخلوف

وسلامتك على الله

العجينه عند غيرك يامبهم :d
والله يكفينا شرهم وشر مافيهم وحنا لهم بالمرصاد دون القبيله
وقبل كل شي لله درك على هالدرر
وصح لسانك واعتلا شانك

عز الله انك ماجبت العجينه يامبهم

تراني بغيت ارد عليك ببويتات مار ازريت ازريت من عقب اول كلمه :d

صح لسانك يالحصان

مبدع وانا خالك الى الامام

فانت من سلالة شعار

الله يبيض وجهك ياعوض

السلام عليكم

مبهم
كفو وصح السانك






وبيض الله وجهك



بعض العرب يبدع ببدع الطواريق وبعض العرب قصايد اعثافريه

وبعض العرب قصايده شبه تلفيق الربع اله والربع الاخر هميه

وبعض العرب مغير نسخن بتلصيق الله يكافينا شرور البليه
ياليت ابه للشعر لجنه وتحقيق تضمن حقوق المجتمع والرعيه


وانت من المبدعين وتقبل مروري
معدي الغنامي

السلام عليكم

صح اللسانك مبهم ومبدع
ورسلت لك ابيات
الظاهرعرجبها
وبيض الله وجهك
وتقبل مروري
معدي الغنامي

أبك هاذي كم لها

لا والله ماهيب عجينه

الا جااااااااايده بالحيل


صح لسانك ولا هنت

صح لسانك مشكوووووور والله يعطيك الف عافيه