|
طارووق مباشر
ضايق بالي وفي خاطري بعض الكلام=غيروين الشاعراللي كلامي يسمعه
مايزل الدرب ويراعي شروط النظام=الادب يحفظ حقوقه ويعرف مرجعه |
سنة الاسلام عندالعرب ردالسلام == اسمعي ياسامعه واطبعي يامطبعه
الدروب وساع والعام قبله فيه عام == كان تبغى تضربه وكان تبغى تجمعه |
انت لوتحكم فلسطين ضيعت السلام=لاتقوم تعكس بين الثلاثه واربعه
الدروب وساع والنورجلاي الظلام =والجبل يتعبك ياصاحبي لوتطلعه |
العرب سموك ابوزيدفكاك اللحام == كل ماخفيت شي درينابسنعه
وانت خليت الفريضه وصليت القيام == راس ماتقدرتهزه وراس تقطعه |
الاوادم يفرقون الحلال من الحرام=وانت لوتلقى لحم ماتعرفه تبلعه
هدنفسك يامبارك ترى العالم نيام=واحدهذي علومه عسى الله يقلعه |
المخده كبروها إلك من ريش النعام = لاتخليها وترقد وطتك المسرعه
والبعير شعيل لو تمدحه ماله سنام ==ولو تجيب الزرع والمزرعه ماتشبعه هههههههههههههههه أبو شهاب والله أنك تبي لويت يدههههههههههههههه |
انت شاعرمحترم تستحق الاحترام=من رجال في مجال الشعرمتربعه
انت يامبارك لهالحين في خشمك عرام=ماتقيدوالسواليف معك منوعه |
ودنا نعطيك خنجر ونعطيك الحزام ==خابرينك رجل منته براعي معمعه
والعرب تسكن عماير وتسكن فا الخيام==لاتعود ذيب غدرن يهاب القرقعه |
مانبي من حضرتك لاشراب ولاطعام=العرب تدري عن العالم المتبرعه
يامبارك خلهابين مزحه وابتسام=وان بغيت الحرب جب طايره ومدرعه |
بنت أبوها يامحمد لها عشرين عام ==ماتذوق إلا طعامً بيدها تصنعه
بارك الله فيك ما بعتها لوهي تسام==تكرم الاصحاب مالك وراها مطمعه |
انت قلبك ماسمح فيه شي من الغرام=ماكفاك اللي حصل لك بوسط المجمعه
عن بعض الامور وشرايك بمسك الختام=قبل لاتصبح جميع العلوم مصلعه |
ياحجر محجور مدري لحم مدري عضام == شفت لي حاجه خفيفه على راس أصبعه
أن قعد وأن قام ماقام شراب المدام== و أن لقاله شي فا الدرب قدمه يرفعه |
صح لسانك ي ابو شهاب
صح لسانك ي ابو ممدوح بيض الله وجيهكم على هذي المحاوره الجميله , تحياتي |
صح لسانك ابوشهاب وصح لسانك ابو ممدوح الله يحفظكم بحفظه
|
سمو الذات صح بدنك
الله يحفضك ياغالي |
أبو بتال صح بدنك
تقبل تحياتي ياغالي |
| +4. الساعة الآن 06:59 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط