|
الشاعر إبراهيم مزيد { رحمه الله }
قصيده فيها من الحكم والنصائح للشاعر ابراهيم مزيد ( رحمه الله ) تصوير لواقع متواجد للأسف لقيت الناس مامنهم سلامه....لزومٍ يلحقك منهم ملامه ولاتحسب حلالك ؛ لو تبيده...يبي يحماك عن هرج الفدامه بذرت الجود في من لاجزاني...سوى ذمٍ إلى هبت ولامه حقود القلب نقال الوشايا...هذور(ن) سهمته نقل النمامه إلى منه طرى له ماطرى له...تكلم مايثمن وش كلامه يقوله يزعم إنه مازحن به...وهو ينقض ويفتل في عدامه دخيل الله من خطو السملق...إلى بالهيذوان أطلق لجامه ألا ياليت ربي يوم سوى....عبيده حط للطيِّب علامه على شان الذي بالناس جاهل...يعرف الحر من برق الجهامه لجل بالناس شيطانٍ ملبَّس...ولو يلوي على راسه عمامه يغرّك بالسلام وبالتحفي...وهو شيحٍ وجثجاثٍ طمامه مثل هذا تحذّر منه جدا...ولا تدني منامك من منامه وبعض الناس في ممشاه رافض...يختل الناس في قل اهتمامه يحنّي لحيته كنّه مطوع...ولايفرق حلاله من حرامه حذارك لاتحطه له ظنينه...ترى ذاك الطمع منه السلامه وبعض الناس يبدي لك نصيحه...ولكن ماتعرفه وش مرامه وهو ما مقصده نصحٍ ؛ ولكن...يبي يلبسك للحاجة خطامه وإلى منه قضى بك مايريده...أخذ سدك وضربك المهامه وبعض الناس يوريك المحبه...وارق من البريسم في تمامه إلى قام يتمسكن بالتلفظ...تقول أطهر وأصح من الحمامه وبعض الناس محمود السجايا...رقى العليا بعزمه والتزامه إلى منه بدى لك فيه لازم...قضى لازمك ماثمن حطامه كما إنه وافيٍ في كل خصله...عريب الجد خيلانه عمامه أسال الله يرفع كل خيِّر...عن الخذلان لايهفي مقامه قضا نظمي ومالاق بضميري...حلات القيل مبداته ختامه أقول الناس مشكاهم على الله....لزومٍ يلحقك منهم ملامه |
رحم الله شاعرها رحمة واسعه
وأطال الله في عمرناقلها على التقوى والطاعه قصيده جميله وكلها حكم كل الشكرلك اختيارموفق |
الله يرحمة ومشكوور على النقل
|
رحم الله الشاعر والصراحه قصيده في غايه الحكمه ...وبيض الله وجهك على النقل
|
رحم الله شاعرها رحمة واسعه
وأطال الله في عمرناقلها على التقوى والطاعه |
اختيار موفق ورحم الله الشاعر وسلمت يمين الناقل
|
. رحم الله شاعرها رحمة واسعه .
.. ومشكور مٌبهم على نقل القصيدة .. |
الله يعطيك العافيه
|
رحم الله قائلها والله يطول عمر ناقلها
|
عزيزي الغالي سمو الذات العفو مع الشكر على المرور وتعطير هذا المُتصفح
لك الودّ |
يزيد القبوري / شكراً لك على مرورك تقبل كل الإحترام والود
|
الهاشمي.. وجهك ابيض وشكراً لك المرور الجميل على هذا الموضوع
وتقبّل مني كل الود والمحبّه |
فيصل الروقي / الله يجزاك خير ويطوّل عمرك وشكراً لك إضاءة هذا المُتصفح
تقبّل التحيّه |
أبو مشعان / أنرت صفحتي بحضورك وشكراً لك تعليقك ومرورك
تقبّل المحبّه |
إياد الروقي / شكراً لك المرور الجميل وتقبل كل الإحترام والودّ
|
صوت / الله يعافيك وشكراً لك على المرور
|
أبو فايح / الله يطول عمرك ايضاً
وشكراً لك مرورك الجميل على مُتصفحي وتعليقك الأجمل تقبّل ودّي |
صح لسانك واعتلا شانك,,,, اخوي مشكور والله يرحم الشاعر
|
| +4. الساعة الآن 08:13 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط