أنـا مالـي ومـال الملاقيـف يــا مـمـدوح
عــن الـلـي تلـقّـف سيـرتـي لا تعلّمـنـي

سوالف على درب النميمه تجي وتـروح
علامـك تليّمهـا وهـي .. مـا تلايمـنـي !

تشـب القلـوب المبغضـه نارهـا وتـفـوح
وتـرجـع هـبــاء مـنـثـور والله يسلّـمـنـي

وصلك الخبر وأم العبر راسهـا درمـوح
وفـي كـل ليلـه تدهـن الـراس بالسمـنـي

لا قام يتسلتح في زمـان الرخـاء سلتـوح
مقامـي سمـا .. والسلتـحـه مــا تطمّـنـي

يا كثر اللحون اللي تناسب حمـام الـدوح
ويا قلّ الهجوس اللي على البدع تلهمني

أحـوف الحمـى والذايـقـه بابـهـا مفـتـوح
حكمت الثمينـه والرخيصـه مـا تحكمنـي

تشبّعت .. وأغنتني عن الشاعر المملوح
قصايـد خلـف هـذال ومـفـرح الضمـنـي

"""""""""""""""""""""""""""""""""""""""""""""""""" """"""

يـا حبيـب الــروح علّمـنـي عـلامـك
ـــ لا يـمـوت الـحـبّ والأحـبــاب حـيّــه

لــك ثــلاث شـهـور متغـيّـر نظـامـك
والـعـلاقـه بيـنـنـا مـاهـيــب هــيّــه

بعـد كانـت حاميـه قــلّ إهتمـامـك
وأصبحت مـن سبّتـك ثلـج إبرديّـه !!

مـرّنـي طيـفـك ولا وصّــل سـلامــك
لـيــه مـــا وصـيّـتــه يـسـلّــم عـلـيّــه

يقـرع بصـدري مـن البـارح كلامـك
ـ جارحـه بعـض الـحـروف الأبجـديّـه

لا تساومنـي علـى بـاقـي غـرامـك
ـ خـذ مــا تبـغـى مـنـه والـذمّـه بـريّـه

أتواضع معـك لجـل اكسـب هيامـك
وانـت تسبـح فـي بحـور النرجسيّـه

من غصن قلبي بعـد طـارن حمامـك
غــنّ معـهـا باللـحـون بالسـامـريّـه

كـان ودك بالفـراق أربــط حـزامـك
وعلّـق الذكـرى عـلـى ورك المطـيّـه

قــوم يــا قلـبـي وعــز الله مقـامـك
مـا تعـيـش الــذل وعـزومـك قـويّـه

أتـرك اللـي خمّـك وسمّـك وضـامـكـ
ـ وأن خسرته تكسب النفس الرضيّه !
"""""""""""""""""""""""""""""""""""""""""""""""""" """"
لا تـلــومــيــنــي وعــــــذري ســمـــيـــن
ـ جــيــتــك بــحــبــل صـــبـــري قـــايـــده

تـنــظــريــن الــغـــرام بــنـــصّ عـــيـــن
ـ رايــــــده .. بــالــتــغــطــرس رايـــــــده

لـــو تـعـرفــيــن وش مـعــنــى الـحـنــيــن
حــــــنّ قــلـــبـــك بــــــدون مــــزايــــده

الــغـــلا مـــنـــك مــهــمـــوم وحـــزيـــن
والــتـــواصـــل .. ثـــيـــابـــه بــــايــــده

جـــرعـــة الــهــجـــر زادت حــبّــتــيـــن
ـ ومـــــات حـــبّـــك بــجــرعـــه زايـــــده

لا تــقــولــيـــن شـــوقــــي راح ويـــــــن
أخــتــلـــف ســـايـــدي عـــــن ســـايـــده

الــنــســاء كــيــدهــن مــاهـــوب زيـــــن
وأشـــهـــد إنـــــك بــزيــنـــك كـــايــــده

مــيــر يــــا آنــســـه لــــو تـسـمــحــيــن
الــعـــلاقـــه مــــــا مــنـــهـــا فــــايــــده

روحــــي ولــــو زهــمــتــك لا تــجــيـــن
دام كـــــــل الــمـــشـــاعـــر هــــايـــــده

وأن ذكــرتــك فـــي عــيــد الـمـسـلـمــيــن
يــمــكــن أرســــل عــلــيـــك مــعــايـــده
"""""""""""""""""""""""""""""""""""""""""""""""""" """""""

رعـشـة هـــدب وأمكـالـمـه دولـيّــه
ألــو .. هــلا يــا مرحـبـا بالـغـالـي

ســلّــم وصــــبّ هــروجــه الــوديّــه
ودوّرت حالـي .. ويـن ابلقـا حـالـي

وطيـرّ هجوسـي .. ليـن طـارت فـيّـه
ووثـقّ حبالـي فـوق رجـمـن عـالـي

وعطّـر سمـوعـي هـمـس وجاذبـيّـه
وألحقـت عـطـره غتـرتـي وعقـالـي

ودّه يـولـعـنـي .. ونـــــاري حــيّـــه
مـا طـاب فالـه ليـن طـيّـب فـالـي ؟

رحنـا مـا بيـن ارحـب ويـا الله حيّـه
اردّهــا لــه شــوق ... وردّهــا لـــي

أنـــا .. بــــلاي الـنـبــره الـنـجـديّـه
ـ تجـمـع عـلـيّ .. الأولـــيّ والـتـالـي

يـاهـل ( دبــيّ ) أحـلامـنـا ورديّـــه
ياحلو رمس اللي رمـس فـي بالـي

عـنــده دعـــاوي عـاجـلــه ســريّــه
وش قال والله ما اذكره وش قالي

يـمـكــن عــلــوم اقـلـوبـنـا مـقـفـيّـه
قـــد قلـتـهـا مـــا للمـحـبّـه والــــي

هــاذي بـنـيّـه .. غـيــر كـــل بـنـيّـه
صحيـح مـن قـال البنـات أشكالـي

أضـحـك ل جـوّالـي ويـضـحـك لـيّــه
مـاهـو مـصــدقّ صـوتـهـا جـوّالــي

""""""""""""""""""""""""""""""""""""""""""""
لاشاب راسي وقافي شـاب
شبّبـت قافـي عـلـى راســي

ولبّسته امـن القريـض اثيـاب
وجريّـتـه وقـلـت .. لابـاســي

لـو كنـت مـن جرّتـه منصـاب
وبلشان فـي جـرّة أنفاسـي

كـم ليـلـةٍ جـيـت لــه مـرتـاب
ـ شاكيـه مـن وقتـي ونـاسـي

وخلـيّـتـه يـعــديّ الـمـرقـاب
ودفـيّـتـه وطـــاح مـتـواسـي

وعــوّد علـيّـه بشلـفـا ذيـــاب
ـ وسمحت له يطعن أحساسـي

مـن ميـزة الشـاعـر الـكـذاب
يصدق قصيده مـع الناسـي !

دوبـك علـى الـنـار ياشـبـاب
ـ مـاوديّ أضـحـك لمقبـاسـي

صحيـح مـا يـزعـل الحـطـاب
الاّ .. عـلـى طـابـخ الفـاسـي

مفـتـوح قلـبـي ولا لــه بــاب
كـم فيـه طرقـي وعسّـاسـي

ياصاحبي يوم كنّا أصحـاب
ــ ل الـحـبّ دقـيّـت الأجـراسـي

اصـيـح لــك والـهـوى غــلاب
ـ وجوارحي تضرس اضراسي

سميّـتـك اسـطـورة الأحـبـاب
ـ يــا النـاعـم اللـيّـن الـقـاسـي

يامـا كتبتـك غـزل وإعجـاب
وش ذنب حبري وقرطاسـي

وأسقيتنـي سـمّ نـاب الــداب
وعـروقـي الخـضـر يبّـاسـي

محبّـتـك ..فــصّ مـلــح وذاب
وذكـراك مـا طوّعـت بـاسـي

لاحـلّ هجـري وطيفـي غـاب
ـ عسـاك مـا تونـس اوناسـي

مـيـر الـبـلا ريـحـة الأحـبـاب
تـهــبّ وتــذكّــر الـنـاســي !
""""""""""""""""""""""""""""""""""""""
"الـعـفــو يــا مـعــشــر الـعــشــاق
قـلـبــي نـفــض عـنــي اوهـامــه

نـتـايــج الـعـشــق مـــا تـنــطــاق
والـــشـــر خــلـــفـــه وقـــدامــــه

قــلــق وهـــم وســهــر وإرهـــاق
طــابـــع .. لــيــالــيــه وأيـــامـــه

وقـفــة لـقــاء وإنـكـســار فــراق
ــ دوّامـــــــة ٍ وســــــــط دوّامــــــــه

مــن يــوم مــا خــربــت الأخـــلاق
قــام الــوهــم يــطــوي خـيــامــه

أقـفـيـت عـن مـدمـجــات الـســاق
ـ والـرمــش والـخــد ابـــو شــامــه

مـالـي بـهــنّ لــو يـجــنّ أطـبــاق
ـ قـنــعــت .. والــنــفــس عــزامـــه

دايـــم ســلــوك الـظــنــون دقـــاق
ـ ومــن تـبـرمــه تـحــكــم ابــرامــه

والـلـي فـي غـيـبـوبـتـه مـا فــاق
بــكــره نـفــسّــر لــــه أحــلامـــه

يــا مـعـتــرض لــي وانــا تـــواق
الـــحـــب لا تـــركـــز أعـــلامـــه

الـقـلــب صـايــم عــلــى مـيــثــاق
ـ وأرجـــوك لا تــجــرح صــيــامــه

يـلـعـب بـيّ الـشـوق لـيـن أشـتـاق
ويــمــثّــل ويــعـــرض أفـــلامـــه

الـكـافــر .. الـمــازح .. الــســراق
ـــ مـدري مـتــى يـعـلــن إسـلامــه ؟

أيــــــوّوه .. والآه بــالــطـــقـــاق
ـ والـجــرح واقــف عـلــى أقـدامــه

والـعـاشـق الـصـادق الـيــا ضــاق
وقّــع عـلــى بـصــمــة إبـهــامــه

مـانـيــب مـــن يـكــشــف الأوراق
ـ حــتــى ولـــو جــفّـــت أقــلامـــه

بـديــت فـــي قــمّــة الـشــوهــاق
والـشــاعــر ومــصــدر إلـهــامــه

ولـقـيــت فــي هـامــتــه مـــا لاق
وتــوافــقــن هـــامـــه وهـــامـــه

مـحــبــة الــغــش مـــا تـنــســاق
ومــن سـاقـهــا يـربــط حـزامــه !

وجـهــة نــظــر وإخــتــلاف أذواق
وكـــل ٍ عــلــى هــمّــه هــيــامــه
""""""""""""""""""""""""""""""""""""""
الله يـثــبــتّ مـلّــتــي وإيـمــانــي = عـلـى مـــا ســـنّ كـتـابـه ونـبـيّـه

.ويصلح سلوكي لا انسلك خرباني = ويحـسـن خـتـام السـيـره الـذاتـيّـه

.أدعيـه بإسمـه واطـلـب الغفـرانـي = وألـوذ بـه مــن كــل ذنــب وسـيّـه

.واشيـب عيـن مكـوسـر الالحـانـي = والشـعـر مـيّـت والمشـاعـر حـيّــه

.يـجـر صـوتـه ف الـزمـان الفـانـي = ويــدور لا قـامـت تـــدور إرحـيّــه

.أمّـــا يـغــازل قـايــد الـغـزلانــي = وألاّ يــــدوّر حــاجـــة ٍ مـقـضـيّــه

.القلـب فـاضـي والحـشـا مليـانـي = ســــلام ردّه .. مـرحـبــا رديّـــــه !

.معنـاه حـادر بـه مــع الشعبـانـي = ومـسـنّــد ٍ بــالـــوزن والـقـافـيّــه

.سوبـر ستـار أول وسـوبـر ثـانـي = عـلـى حـسـاب السـاحـه الشعبـيّـه

.متنـاسـقـه ف الـبـاسـه الألـوانــي = مشـلـح وثــوب وغـتـره وطـاقـيّـه

.يهـدي خـواطـر خـاطـره مجـاّنـي = مـنـوّعـه مـــن هـــاذي وهــاذيّــه

.ما صـحّ قولـي ليـن صـحّ لسانـي = مـالــي ومـــال الكـلـمـه المـلـويّـه

.طـول الليالـي هاجسـي يحـدانـي = أبـنـي وأهــدّ احـلامـي الـورديّــه

.أسابـق الأحـداث حسـب إمكانـي = وحـبـالـهــا مـربــوعــه ومـثـنـيّــه

.وشـلـون حــال الـنـار والدخّـانـي = يــا الـلـي تـعـدّ الطـبـخـه الـسـريّـه

.عــد الحقـايـق وأفـتـح البيـبـانـي = وأرتاح بيـن الشمـس وبيـن الفيّـه

.مــا الله خلقـنـا هـكــذا ننـهـانـي = يــــا بـاحـثـيـن الـقـمّــه المـلـغـيّـه

.مـن الخليـج إليـا المحيـط نعـانـي = ونـقـول كــل أوضـاعـنـا عـاديّــه

.يـا عمـر مـوسـى قـفّـل الدكـانـي = وأفتـح علـى حيـد البحـر جمعـيّـه

.رد الفلسطـيـنـي عـلــى اللبـنـانـي = وألعب في مصر الدبكـه السوريّـه

.راح الـعـراق مـشـتـتّ العـربـانـي = يـا الله دخيـلـك مــن خــراب النـيّـه

.الضـرب حـامـي والقـهـر ميـدانـي = والـقـنـبـلـه بالـسـنـبـلـه مــرمــيّــه

.وحصيلهـا جـرح اربـع مريكانـي = ومـــن العراقـيـيـن مـقـتـل مـيّــه !

.محتـلّ كـم لـه يـابـس ٍ مــا لانــي = ويمكـن تولّـع فـيـه حــرب أهلـيّـه

.شبّت ما بيـن الصـدر والسستانـي = يـا مـن يحـوز الحـوزه الشيعيّـه ؟

.مـراجــع ٍ بـســم الله الـرحـمـانـي = وعـيـونـهـم مـكـحـولـه ومـعـمـيّـه

يا ناصـر المسلـم علـى النصرانـي = بـأمــرك تـفــلّ الأمّـــه الـمـطـويّـه

شـعـر الـغـزل سـيّـد الـديـوان
ــــــــــــــــــــــــــــ أردّهــــا .. عــنّـــه وعــنّـــي
**
كــلام مـخـصـوص لـلـغـزلان
ـــــــــــــــــــــــــــويطـرب لــه الـذيـب والجـنّـي
**
يـحــرّك الـخـاطـر الـولـهــان
ـــــــــــــــــــــــــــ الـلـي مــن الـشـوق متـعـنّـي
**
ويحكي عن الهجر والحرمان
ـــــــــــــــــــــــــــوالـشـوق لا جــاك مستـنّـي !
**
همـزة وصـل تجمـع الـخـلاّن
ـــــــــــــــــــــــــــ لا قـامــت قـلـوبـهـا تــونّــي
**
وأنــا كتبـتـه بــدون إتـقــان
ـــــــــــــــــــــــــــ وأن قـمــت أغـنـيّـه يعـنـنّـي
**
يـا صاحبـي شابـت القيـفـان
ـــــــــــــــــــــــــــولا يـقــدر الـشـاعـر يـغـنّــي
**
والـداعـم المعـنـوي لا هـــان
ـــــــــــــــــــــــــــ لا وافــــق الــداعــم الـفــنّــي
**
أتـــرك هجـيـنـيّـة الـهـجّــان
ـــــــــــــــــــــــــــ أجــيــك كــلــيّ وهـيـجـنّـي
**
علاقتـي بـك علـى البـرهـان
ـــــــــــــــــــــــــــأكـبـر مــن الـشـك والـظـنّـي
**
أهــواك بالمـنـطـق المـلـيـان
ـــــــــــــــــــــــــــ مـن يــوم جــاك الـغـلا مـنّـي
**
لـكــنّ يـــا الـغـالـي الـفـتّـان
ـــــــــــــــــــــــــــأغـلـيـتـك وقــمــت تـفـتـنّـي
**
لــو تـبـدي الـصـدّ والهـجـران
ـــــــــــــــــــــــــــ مـنـتــه بـفـرقــاي مـتـهـنّـي
**
أحـلام عمـري ثــلاث ألــوان
ـــــــــــــــــــــــــــ رمــادي .. و وردي .. وبـنـيّ
**
خلطتها مع بعـض مـن شـان
ـــــــــــــــــــــــــــ يكـذب فـي تحقيقـهـا ظـنّـي
**
مــا للمحـبّـه حـقـوق إنـسـان
ـــــــــــــــــــــــــــ كم لي وأنا ما ضحك سنّي !

يـــا حنـيّـنـه دوّري مـحـبــوب
غـيــري .. و مـحـتـاج حـنـيّـه
/

مانيب أنـا العاشـق المطلـوب
حــتـــى تصـبـيّـنـهـا فــيّـــه !
/

رجال ناشف .. وصلف أسلوب
ولا أعــتــرف بالرومـانـسـيّـه
/

قلبـي مخضـرم وفـيـه عـيـوب
يـنـبــض بـسـرعــه جـنـونـيّـه
/

يـركـض ورا حـقّـه المسـلـوب
الــلـــي خـــــذوه الـحـرامـيّــه
/

صارحـتـك ولــو عـلـيّ ذنــوب
ضمـيـري الـحـيّ .. يــا حـيّــه
/

كسـرت عيـن وجبـرت قـلـوب
وحـصــدت حـــبّ وكـراهـيّــه
/

شاعر ما عمري نفضت الثوب
عــلــى الـقــنــاه الـفـضـائـيّـه
/

حسّاس من كل ّ حدب وصوب
وأصــرف عــلاج الحساسـيّـه
/

لاجيت أغنيّ علـى المسحـوب
ضــاقــت عــلــيّ الهـجـيـنـيّـه
/

أمـيــل للـشـاعـر الـمـوهــوب
و دوافـعــي غـيــر شخـصـيّـه
/

و أن شفت بحر القصيد يـروب
و تــخــضّ مــــاه العـلـيـمـيّـه
/

يكفيني مـن الهجـوس العـوب
قـصــيــدة ٍ نــارهـــا حـــيّـــه
/

منهـا وفيـهـا الـغـلا مصـبـوب
نــاتـــج مــحــبّــه حـقـيـقـيّــه
/

روحــي لديـوانـي المـكـتـوب
وأقـري قصيـدة ( عتيبـيّـه ) !!

ياحادي الضيق لا تآقف على حديّ

يمكن بسلك الحرير الوجد تقتاده




عوّدت انا وانت في ودّك ولا وديّ

واللي يشيل القديحه يقدح زناده




وراك يا صبيّ عيني سلت مع خدّي

وخليّتني بين حرب الدمع وجهاده




العام أحد البكا واليوم محتدّي

أطيع مكنون نفسي واتبع مراده




عز الله اني صعيب ولا ربح ندّي

عوايد الضعف مالي بينها عاده




والله ما احب الردا والحال متردّي

ألوذ بالله من شي ٍ لنا راده




يآقف معي كل ما صف الزمن ضدّي

لو يسرد الهمّ سرداده ومرداده !




رحت امزح مع الغرام وجيت من جدّي

الحبّ في عظم ساقي وثّق قياده




وأمسيت أشيل الغلا .. وأجيب وأودّي

وأصبحت أميـّل سنام العشق بشداده




الشوق فجّ نحري .. والوضع مشتدّي

أثر المحبّه .. مغبّه مير يا غاده




أن كان لابدّ منها .. منك لا بدّي

ترفـّـقي والولع من طاوله باده




واليا رفقتي بحالي قلت من قدّي

من خوف لا اطمع واصير بحلقك قلاده




واجرّ قلبي معك .. يا عين ابو جدّي

أيامنا زايله والخلــق حســّاده




الله يبيح التغليّ .. بيــّحي سدّي

حلاك مالح .. وملحك سكـّر زياده !




أغليك والخاتمه .. تقبلــّي ودّي

يا منبع العشق ومصداره وميراده