مرثية في الشيخ خالد بن زايد ابن العضياني

[العضياني من جبال النير]

بسم الله الرحمن الرحيم


السلام عليكم ورحمة الله وبركاتة

هذه القصيده مرثية في رئس قرية البطين وفخذ الوازع الشيخ المغفورله باذن الله / خالد بن زايد ابن وازع العضياني رحمه الله










مرحوم يارجل الشهامة والأمجـاد=عساه في الفردوس يثبـت محلـه











عسـاه بالجنـه وبالخيـر يـزداد=راعي الفعول اللي عليهـا الادلـه








اللي نعوه من العرب جمع وفـراد=مرحوم ياللـي كـل درب تدلـه








ماله شبيه الى جبال (ن )على أوتاد=ولى النجوم الساطعـات المظلـه








خالد ولد زايـد ليـا ثـور زنـاد=كم وأحدن مسكين عايـش بظلـه








الي على ربعه ضرى درع وسناد=ولكـل دايـم بالوفـاء شاهـدلـه








عساه ابو منصور ينعـم ويـزداد=ضلع رسى فالنيـر ونهـد كلـه








حـرن ليـا ورد مخاليبـه حـداد=مـن ناشـه المخـلاب وعزتلـه








وليا ورد يارد على راعي شـداد=وليارتكـى للحمـل يقـدر يشلـه








راع العلوم الطيبه سيـد الاسيـاد=وراع الكرم بنـن وهيلـن ودلـه








وراعي صيانن قلطت فوقها الزاد=من ماضي الازمان هـذا محلـه








وفي مجلسه طيبن وعنبر مع الكاد=المجلـس اللـي للنشامـى تدلـه








ورجع لبو ماجد حـلال الاعقـاد=ترى الحزام الصلب مافيـه خلـه








علمن ليا قلتـه مايلحقنـي نقـاد=للي يعرف الـدرب واللـي يدلـه








ويالله يـارب ألي لك النـاس عبـاد=تلطف بعبدك يـوم يـزداز ذلـه
























[/الشاعر متعب ابن مبارك ابن علي العضياني

[طلال الغنامي]

الله يرحمه رحمة واسعه

صح لسانك

[سامي مشعان]

الله يرحمه رحمة واسعه
وصح لسان الشاعر وسلمت يمين الناقل

[وهج]

الله يرحمه

[مُبهم]

الله يرحمه رحمتاً واسعه وصح لسان الشاعر ولاهنت يالمورّد

[سموالذات]

صح لسان شاعرها . والله يرحمه ويسكنه الجنه .
وسلمت على النقل . احترامي وتقديري لك ..

[نوح فايح الغنامي]

مشكور اخوي العضياني والله يرحمه واموات المسلمين.

[الشاعر سلطان براك الغنامي]

الله يرحمة رحمةٍ واسعه وصح لسان الشاعر والناقل

[أبو إياد]

الله يرحمه رحمة واسعه

وصح لسان الشاعر وسلمت يمينك

[إياد الروقي]

الله يرحمه

وصح لسان الشاعر

[مردك لى]

الله يرحمه رحمتاً واسعه وصح لسان الشاعر

[مــعــدي الـغـنامـي]

الله يرحمه وصح السانك وبيض الله وجهك