ديوان الشاعر سلطان بن وسام الهاجري

[سلمان العطاوي]

مرحوم ياحب ترعرع بالأعماق**متغذي دم العروق الصخافي
في كل عضو له مقر وميثاق** بين الضلوع العوج بين وخافي
يروق مع روقه مزاجي اليا راق**ويحس بي اليا لحقني أخلافي
ويحس بأشواقي اليا صرت** مشتاق قدام يصبح فالامور اختلافي
واليا هنا علقتها فوق معلاق **وسليت سكين الخيانه ياكافي
ودعتك النسناس ياورد الأشواق** كرامتي تحكم علي بأنصرافي
قطفت منك ما تهيا وما لاق** ورميت باقي ذكرياتك خلافي
لا دمعة طاحت ولا خاطر ضاق** ماقول غير اللي على البال كافي
يكفي ثلاث سنسن مرت على ساق** عين فراش لك وعين لحافي
واليوم في تسعه وتسعين طقاق** قلبي كذا طبعه اليا عاف عافي

[سلمان العطاوي]

الصراحه مزعجه وأنا صريح** تزعلك ماتزعلك باقولها
شاعر موهوب ولساني فصيح** وسابح عرض البحور وطولها
والافاعي سمها ينذح نذيح** والعقارب سمها في ذيولها
ماعلى الدنيا ضمير مستريح** كل خلق الله تهن خيولها
ذا يحن وذا يون وذا يصيح** وذا يخطف راسها ورجولها
والشعر هذاقبيح وذا مليح **وكلبوها سارين مفعولها
أجلدالقبيح في وجه القبيح** وقول وش رايك وقول أصولها
ولاتدري مايصح الاالصحيح** خاطب العالم على قد عقولها

[سلمان العطاوي]

أنا ولدهاجر وخصمي ولد روق** حصن تصاقع والضماير نظيفه
لاحلق الجمهور طوق ورا طوق** مثل الضوامي فوق وادي حنيفه
ولاأنت لاعاشق ولاأنته بمعشوق** ولالك مع أصحاب الوظايف وظيفه
وأنا كتبت الشعرطاروق طاروق** وأحيان أوفق فيه وأحيان أعيفه
ولاعاد له معنى ولاعاد له ذوق** تقاسموه أهل النفوس الضعيفه
طاروق عانيه وطاروق مسروق** وأقرب قناة فاشله تستضيفه

[سلمان العطاوي]

قالو شراله خمس ميه وستين** مسكين قلت اللي على البال كافي
مدامني فنظار الأقزام مسكين** هذا دليل إني عزيز و وافي
نعم شريت البنزالأخضر بتسعين** سمته وتليته بتسعين صافي
أبيه لاقفى من الليل ثلثين** وأقفت مدافيح النجوم المقافي
أنخاه والدمعه تحت محجر العين** نخوة دريكن ناخين له سنافي
غيرت له زيته وعبيت بنزين** وأستنشق البنزين عقب الوقافي
كنه يصعط من صعوط المجانين** يرسي ليا جا فالطريق أنعطافي
وأقفا كما فرخن كفخ بالجناحين** نور الحسا قدمي وسلوى خلافي
منصاه في نجدالعذيه سلاطين** أهل موقفن يوم الحرايب يشافي
الآاد روق مرجحين الموازين** شطرن ركب من قاف غيري وقافي
أقولها هالحين وأول وهالحين** غصبن على أهل النفوس الضعافي

[سلمان العطاوي]

انا يازماني في فوادي ثلاث اطعون** ولاهي بطعنه من سيوف اوسكاكيني
من افتح ياسمسم والايافلم ابو كرتون** امورن تغث اكبود حتى الوراعيني
وجمهوري الغالي يسوق الشره ويمون** ونا قد شرهات العتب من محبيني
يقولون ماشاركت وقول انت توحون** ابي كل واحد يفتح اذنه ويوحيني
لابالله ماشاركت في شاعرالمليون** لواني على المليون تومي شراييني
ولكن اناماني بخبل ولامجنون** اجي وقطع ارزاق العبادالمساكيني
الاياحمام الورق يااللي تجرلحون** تغانم زمانك بين خضر البساتيني
تراهالا ركبة كل جمره على غليون** وراد الله انه يصفل الما عن الطيني
مثل ماوطى هامان والاوطى فرعون** ثياب الشرف ماتستر الاالشريفيني
حشرنا الضبا بقرون ولا بدون اقرون** وراس الظبي يقرب من النار ويليني
والاجواد مدت للمواهب اكفوف العون** وهذي صفات من صفات الكريميني
والاقزام تهدم واهل المعرفه يبنون** صروح من الامجاد ماهي من الطيني
بنتها الكفوف اللي كرمها سحاب مزون** رموز العداله نصرة الحق والديني
غضبهم وانا سلطان يهتز منه الكون** وكرمهم تربع فيه حتى البعاريني
اصاله عربيه وتاريخها مصيون** عناوينها تفوق كل العناويني
جبال قممها فوق والها حجر وركون** قممها تشرفني ذراها يذريني
عسى الله يهونها على الناس لين اتهون** تزين القرايه فوق روس المجانيني
ضعاف العقول اللي تهبد على مالون** على كل ملواح تهز الجناحيني
ماتنضف يديهم لو تغسل من الصابون** كثر ماتمد يدينها في المواعيني
يدين عساها كرم الله من يوحون** والا تدري هذي حطها بين قوسيني
قبل لاتخيب ظنون والا تصيب ظنون** وذي عين تبكيلي وذي عين تبكيني
عزفنا وترى ماله علاقه بنجدي فون** نحاول نعدل مايلات الموازيني
رساله وباقي سرها في الثرى مدفون** سواة الامانه في وجيه المياميني
ابداع القصيد ابداع والاحتراف فنون** والابداع في كل المجالات يعنيني
وشعر الحداثه لامقفى ولا موزون** بلا مذهب بين ولا له قوانيني
وعندي النهايه لعنة الله على شارون** عسى الله من اسرائيل ينصف فلسطين

[سلمان العطاوي]

عشقت غيدا سمحتني عن الغيد**أقول والا بس مانيب قايل
ميت ضما والعد صعب المواريد**وبذلت من شانه جميع الوسايل
والشربه اللي من حياض الأجاويد**تقطع ضما هدف الضلوع النحايل
يانووووف جيتك من ورا نازح البيد**بالراس مايحتاج رد الرسايل
وأن كان ماضمدتي الجرح تضميد**تحملي شرهة عيال الحمايل
أنا دخيل الصدر والثغر والجيد**أرخي علي شلال شقر الجدايل
هذي تكفيني من العيد للعيد**وأنا علي يانوووف رد الجمايل
أحظنك بأشواقي من الإيد للإيد**وشعرك على هاك المبيسم تمايل
ياقوم يامبسم نجاح المساعيد**أنتي مثل تضرب عليه المثايل
حبي وحبك حب عليا وأبو زيد**والا مثل حب الطنايا لحايل

[سلمان العطاوي]

لاجل الغلا نطوي البيدا ونقطعها**مشاعر الحب لاعنت تعنييني
لاقلت لبيه من ثغرك وانا اسمعها**نسيت بعد المسافه بينك وبيني
ياعشقه الروح ياخيره مطامعها**شوفتك عن باقي الدنيا تكفيني
محبتك من ثلاث سنين زارعها**في شهرسبعه سنة خمسه وتسعيني
وداعه منك وانت اللي مودعها**تجري مع دم قلبي في شراييني
وانته وداعتك روحي لاتضيعها**ضياع ياسر عرفات لفلسطيني
تولعت والله اللي فيك ولعها**والقلب عاشقك قبل تشوفك العيني
النفس تامر وانا ماني بطايعها**الله عن النقد والمنقود يحميني
لو ان كبدي هجير الشوق لايعها**امر عطشان والشيمه تعديني
ام الدلع في ذرى شيخ مدلعها**زيزوم قوم علي الشدات قاسيني
شيخ ليا كبرت القاله يسنعها**ماهي بشيخة ختم والا ملاييني

[سلمان العطاوي]

الليالي مشاكلها عراض طوالي**للنفوس الشقيه والنفوس السعيده
غاره من يمين وغاره من شمالي**توهمك بالهدوء وعاصفتها شديده
ياوجودي علي الراحه وياوجد حالي**ليت مالي مع الشعار ولانشيده
هب ياهالزمان اللي غزاني لحالي**كل يوم علي الهاتف يجيني قصيده
ذي معاتب حبيب وذي مشاريه غالي**وذي تحفض من السكر وهاذي تزيده
والعرب علمهم بي يوم صدري شمالي**والليالي مقفت به لايمكن تعيده
روحت مع مهب الريح ياهملالي**ماحد جت له الدنيا علي مايريده
والتجارب عطتنا ميزه الاحتمالي**ودرستنا مشاوير الحياه البعيده
ان مابه حياه الا وراها زوالي**والبنادم بهالدنيا شبوحه بعيده
مير ماهيب لامكسب ولاراس مالي**كود من حط قوله والنعم في رصيده
وطاب عند البعيد وطاب عند الموالي**وله نصيب الاسد من الخصال الحميده
وان تثنت عزوم مشوربين العيالي**عزمه اقوي من ظروف الحياه العنيده
يرتكي بالمناكب للحمول الثقالي**والطفر في راسه المطنوخ والا وريده
خل فعل الجدود وخل فعل الخوالي**ندري انك ولدهم والعلاقه وطيده
وندري ان فعلهم يستر بنات الحلالي**حتي لو جدك اكحيلان وانته حفيده
اما حث القدم واطلع علي راس عالي**والا خلك كذا وان مت ما انت بفقيده

[ابو رامي]

اخي سلمان اختيارك لهذه القصايد لهذا الشاعر تدل على ذائقه عاليه
تقبل اعجابي بما اوردت واحترامي لشخصك

[سلمان العطاوي]

المشاركة الأصلية كتبت بواسطة ابو رامي http://www.gnanim.com/vb/images/gnanim/buttons/viewpost.gif (http://www.gnanim.com/vb/showthread.php?p=60346#post60346)


http://www.gnanim.com/vb/clear.gif
اخي سلمان اختيارك لهذه القصايد لهذا الشاعر تدل على ذائقه عاليه
تقبل اعجابي بما اوردت واحترامي لشخصك










اسعدني تواجدك
ومشكور على المرور

[إياد الروقي]

صح لسان قايلها
ومشكور سلمان على لنقل

[يوسف الروقي]

مشكوووووور والله يعطيك الف عافيه

[سلمان العطاوي]

المشاركة الأصلية كتبت بواسطة إياد الروقي http://www.gnanim.com/vb/images/gnanim/buttons/viewpost.gif (http://www.gnanim.com/vb/showthread.php?p=60539#post60539)


http://www.gnanim.com/vb/clear.gif
صح لسان قايلها
ومشكور سلمان على لنقل










العفو اخوي اياد
اسعدني تواجد ومرورك العطر

[سلمان العطاوي]

المشاركة الأصلية كتبت بواسطة يوسف الروقي http://www.gnanim.com/vb/images/gnanim/buttons/viewpost.gif (http://www.gnanim.com/vb/showthread.php?p=60540#post60540)


http://www.gnanim.com/vb/clear.gif
مشكوووووور والله يعطيك الف عافيه









العفو وياك اخوي يوسف اسعدني تواجدك ومرورك الطيب

[ابوعليط العطاوي]

مشكوووووور والله يعطيك الف عافيه

[عـبـد الـعـزيـز الـروقـي]

مشكور على النقل
وتقبل مروري

[سامي مشعان]

اختيار اكثر من رائع
ومشكور سلمان

[سلمان العطاوي]

المشاركة الأصلية كتبت بواسطة ابوعليط العطاوي http://www.gnanim.com/vb/images/gnanim/buttons/viewpost.gif (http://www.gnanim.com/vb/showthread.php?p=60711#post60711)


http://www.gnanim.com/vb/clear.gif
مشكوووووور والله يعطيك الف عافيه









العفو وياك اخوي ابو عليط

[سلمان العطاوي]

المشاركة الأصلية كتبت بواسطة عـبـد الـعـزيـز الـروقـي http://www.gnanim.com/vb/images/gnanim/buttons/viewpost.gif (http://www.gnanim.com/vb/showthread.php?p=60848#post60848)


http://www.gnanim.com/vb/clear.gif
مشكور على النقل
وتقبل مروري










العفو
ومشكور على المرور الطيب اخوي عبد العزيز

[سلمان العطاوي]

المشاركة الأصلية كتبت بواسطة العبرود http://www.gnanim.com/vb/images/gnanim/buttons/viewpost.gif (http://www.gnanim.com/vb/showthread.php?p=60986#post60986)


http://www.gnanim.com/vb/clear.gif
اختيار اكثر من رائع
ومشكور سلمان










العفو اخوي العبرود