مرحبا ومسهلا و اقرب يالنفيعي

[العقيد]

السلام عليكم

نستأذنكم ربعي يا حبتي بهالطاروق مع ضيف المنتدى الغالي

هلا مرحبا في موقع آلاد غنّام
تراحيب مثل المسك و الزعفراني


والا يالنفيعي حثّ الاقدام قدّام
أبا انقلك معيَه من مكان لمكاني

[نواف النفيعي]

البقا يالعقيد شرفتني طال عمرك وزدتني تشريف بدعوتك وطلبك لي

لعلّ البقا بك وانت من ربعٍ حشام=سلاطين من عصرن مضى من زماني
والا ياعقيد القوم غرتك الاوهام=انا ماعنيت الا لحشمة اخواني

[غيمار]

كفو يالنفعي وكفو ياعقيد

انا في صف نواف

[العقيد]

الشرف لي طال عمرك

استلم


ترانا جميع اخوان في دين الاسلام
ولا لك سوى التقدير و الامتناني


حضورك حضور اكرام في حلّة اكرام
بعد جيتنا يا طيب الراس عاني

[العقيد]

غيمار

ماعليك زود ولو جيت في صفي قلت رح لصف نواف :)

[العقيد]

مرحبا يابن الصمه

تشرفنا بمتابعتك الصامته :)

[نواف النفيعي]

عتيبي ولي في ديرة عتيبه اعلام=اسج القدم فيها وياكبر شاني
كرمكم تعدى بالعدد كل الارقام=ترحب باخوك بمنزله يافلاني

[نواف النفيعي]

غيمار

ماعلاك زود والصف وراعيه يتشرفون بك

[نواف النفيعي]

دريد ابن الصمه

تشرفنا متابعتك

[نواف النفيعي]

حر نجد

صح لسانك ولاهنت شرفتنا بمشاركتك

[العقيد]

الله الله الله

استلم

ترى مارفع سمعة مصر مثل الاهرام
على طول روس اعلامها و المباني


ابا انشدك وش صاد الصقر عقب ماحام
اذا كنت شاعر و تعرف للمعاني

[العقيد]

ههههههههههه

هلا ياحر نجد و شكرا بمشاركتك ويا مرحبا :)

[نواف النفيعي]

الله الله

شهدت بشهادة صدق مابين الانام=وحشا مابخسنا حق منهم وزاني
علوم الصقاره ماتفسر بالاحلام=حراويه زلت ياسهيل اليماني

[العقيد]

الله الله

نواف النفيعي

شكراً لهذا الوقت الممتع الذي منحتنيّاه تكرّماً و تفضيلا

صح لسانك و سلمت و دمت اخاً وابن عم :)

واعذرني تاخر الوقت والا ودي يطول المحراف معك

تصبح على خير و مع السلامه

العقيد

[نواف النفيعي]

اخوي العقيد صح بدنك وصح لسانك امتعتني واسعدتني بهالطاروق
وتصبحون جميع على خير

[حاتم بن حمد الغنامي]

السلام عليكم ورحمة الله وبركاته


بيض الله وجيهكم ياحبتي

ومرحبا بك أخوي نواف النفيعي حللت أهلا ونزلت سهلا بين إخوانك

ونشكر أخونا الغالي العقيد على دعوتك

وتشرفنا بحضورك ولانسمح لك بالنقطاع أبدا عنا