حبيب العازمي + مستور العصيمي

[ذيب الغنانيم]

حبيب
ياصاحبي مستور يوم انت بدوي سنّـك كبيـر = قدّم لنـا نبـذة بسيطـة عـن حيـاة الباديـة
أحسن ركوب الطايـرة والباخـرة والا البعيـر = والا ركوب الموتـر اللـي مشيتـه متحاديـة

[ذيب الغنانيم]

مستور
البادية والحاضرة سوى سـوى تنعـم بخيـر = اخذ السوالف هاديـة مـا دام الاجـوا هاديـة
لوّ البعير يطير كان احسن لكنّـه مـا يطيـر = سفينة الصحرا وميـراث(ن) مـن الاجداديـة

[ذيب الغنانيم]

حبيب
الناس طلعت للقمـر وانتـه محلّـك تستديـر = أصبحت مثل الكورة اللي عنـد بـاب الناديـة
اختار فالأمريـن والموضـوع الاول والاخيـر = اتشاهـد التلـفـاز ولا تستـمـع للـراديـة

[ذيب الغنانيم]

مستور
أنا زرعت البر واحصد بر ليش احصد شعيـر = واخذت للحرة مـن التاجـر رسـن وشداديـة
اليا بغيت اختار اخذت الطيبـة مهمـا يصيـر = واهل الفتايـل وش تقـول وقدحهـا بزناديـة

[ذيب الغنانيم]

حبيب
اللي زعل يشرب بحر واللي رضي يشرب غدير = والسايـق المسـرع لعلـه يقطـع العدّاديـة
خذها بدون مجاملة كلمـة يعبّرهـا الضميـر = يا لأجودي مالـك مكـان إلا مـع الأجواديـة

[ذيب الغنانيم]

مستور
اللي زعل واللي رضي واللي قطع سلك الحرير = علم(ن) بدون اشهود عند الناس مالـه قاديـة
خذها نصيحة يا حبيّب واحسم الوضع الخطيـر = اللي يصيد الناس مع طـول الدهـر ينصاديـه

[ذيب الغنانيم]

وسلامتكم يالغالين

[الغنامي]

مشكور الذيب على ماقدمت

[ماجد الغنامي]

مشكور ياذيب الغنانيم

[ذيب الغنانيم]

هلابك الغنامي
مشكور على المرور

[ذيب الغنانيم]

هلابك ماجد
لاهنت على المرور

[ـآلـــ غ ـــنـــآمـــي]

تسلم يالغالي على مأ طرٍحة لنأ

دمت بخيرٍ