يوجعك بعض الشي وانت متعافي

[مبارك العتيبي]

دنياك فيها ميل واقفاي وأقبال
وقتك من النكبات ماهوب صافي
والناس من حالا" تبدل الى حال
واليوم مايخفا على الناس خافي
والى ارتكيت ارتك على راس رجال
واترك هراميس الرجال الضعافي
ماهوب راعي حيلت" فيك يحتال
ولاهوب راعي نفعت" ماتشافي
راعي جميل وللمواجيب جمال
لو الحمول ثقال عنده خفافي
ماله مع اللى ينقص الوزن منزال
وافي وكل اللى يجي منه وافي
والرفقه اللى مالها وزن وظلال
مثل السحاب اللى خياله مقافي
وعلى الخطا ياشين صبرك الى طال
يوجعك بعض الشي وانت متعافي
والوقت لو جاله صواديف تنزال
بالمال والأ بالسيوف الرهافي
والحق لو فى صاحبه ضعف الاهمال
يلقاه ماتخفيه كثر السوافي
ولايختلف فى كلمة الحق عقال
الحق حق وكلمة الحق كافي
والهرج تسمع فيه جزلات وهزال
والوقت يضعف والسنين العجافي
والناس تضربلك على الماضي امثال
ولاينفعك فاالناس غير السنافي

[طلال الغنامي]

بيض الله وجهك يابو ممدوح


صح لسانك تقبل مروري وسجل اعجابي

[مبارك العتيبي]

صح بدنك ياطلال ومشكور على المرور بعجابك تحياتى لك

[سطام ابوبطين]

صح لسانك يابوممدوح واعتلى شانك بس انت مبارك الي في قطر

[مبارك العتيبي]

صح بدنك سطام ومشكور على مرورك الكريم ونعم انا اللي في قطر تمنياتى لك بالتوفيق

[سلطان مطلق الغنّامي]

.
.

صح لسانك يامبارك

معاني عظيمة وسبك جزل من شاعر جزل
كل التقدير لك

أخوك: سلطان

..

[مبارك العتيبي]

صح بدنك اخوى سلطان ولك جزيل الشكر والتقدير تمنياتى لك بالسعاده

[الشاعر سلطان براك الغنامي]

صح لسانك مبارك على هذه القصيده المميزه

[مبارك العتيبي]

صح بدنك اخوي سلطان وتشرفني شهادتك انت وشروآك وتمنياتى لك بالتوفيق

[مخاوي الذيب]

صح لسانك يا بو ممدوح شاعر متميز

[أبو إياد]

صح لسانك واعتلا شانك اخوي مبارك العتيبي

عزالله انك ابدعت يالنشمي وقصيده تمثل واقع

[عبد الرحمن الغنامي]

صح لسانك وحياكم الله ياهل قطر

[إياد الروقي]

صح لسانك مبارك العتيبي

[ابو رامي]

شاعر يابو ممدوح وتستحق الاشاده

[ناقد الشعر]

جميل يامبارك لقد ابدعت بس ماتعلمني وش الي موديك قطر

لك كل التقدير

[عبدالله الغنامي]

والى ارتكيت ارتك على راس رجال
واترك هراميس الرجال الضعافي


صصح لسآنك يابو ممدوح

معلقه شعريه رآقيه

تحيآتي ,

[ذياب بن غانم]

صح لسانك واعتلا شانك يابو ممدوح
شاعر جزل وكل ماتقوله جزل
سجل اعجابي

[مبارك العتيبي]

صح بدنك مخاوي الذيب ومشكور على مرورك الكريم تمنياتى لك بالتوفيق

[مبارك العتيبي]

صح بدنك ابو اياد ومشكور على مرورك تمنياتى لك بالتوفيق

[مبارك العتيبي]

صح بدنك غنامي فخور والبقاء تحيآ وتدوم ومشكور على مرورك الكريم تمنياتى لك بالتوفيق

[مبارك العتيبي]

صح بدنك اخوى اياد وشاكر لك مرورك الكريم تمنياتى لك بالتوفيق

[جورج الغنامي]

صح لسانك يابو تميم ورحم الله ولديك

[ابو فارس]

ما ينفعك فالناس غير السنافي........
قصيده جزلة ورائعه جداً بصراحه اتحفتنا بمعانيها الجميله ...................

[عبدالله الهاشمي]

واترك هراميس الرجال الضعافي
ماهوب راعي حيلت" فيك يحتال
صح لسانك وبيض الله وجهك
وتقبل مروري

[عـبـد الـعـزيـز الـروقـي]

صٌـحٌ لًـٌسَـٍاٌِنٌـٍكٌ