حر نجد
03-12-2008, 06:50 PM
كـل مـاون قلبـي جاوبنـه الضـلـوع
من هنوفٍ سلـب عقلـي هـدب عينهـا
كن في عينهـا وإن ناضرتنـي جمـوع
حفرة المـوت فـي مقـرن حجاجينهـا
جاء نهار الخميس وفـات يـوم الربـوع
والوعـد طـاف والاقــدام محفينـهـا
حفيت اقدامنـا والعيـن تـذرف دمـوع
فرقـا الاحبـاب لـو يوميـن ياشينهـا
يا مليح الكـلام ويـا حسيـن الطبـوع
صـورةٍ حافهـا الرحـمـن يازينـهـا
فيك من ضبي نجد اوصاف واحسن رموع
وانتـم اللـي كبـود النـاس كاوينـهـا
ضامر البطن ما مسـة شقـاوه وجـوع
شجرةٍ عـن سمـوم القيـض حامينهـا
فوق جمن ٍ قراح وبيـن ذيـك الـزروع
ليت مـن ذاق مـن خضـرة بساتينهـا
وان لحضني وانا امشي عن الدرب اتوع
هلـت العـيـن واختـلـت قوانينـهـا
القـدر نزلتنـي حـدر تسعيـن بــوع
تحت هيبتـك نعصـا الـروح ونهينهـا
يعجز اليـوم قلبـي مـن شبكّـم يـزوع
شبكـة اللـي مكسـرتـن جناحينـهـا
من هنوفٍ سلـب عقلـي هـدب عينهـا
كن في عينهـا وإن ناضرتنـي جمـوع
حفرة المـوت فـي مقـرن حجاجينهـا
جاء نهار الخميس وفـات يـوم الربـوع
والوعـد طـاف والاقــدام محفينـهـا
حفيت اقدامنـا والعيـن تـذرف دمـوع
فرقـا الاحبـاب لـو يوميـن ياشينهـا
يا مليح الكـلام ويـا حسيـن الطبـوع
صـورةٍ حافهـا الرحـمـن يازينـهـا
فيك من ضبي نجد اوصاف واحسن رموع
وانتـم اللـي كبـود النـاس كاوينـهـا
ضامر البطن ما مسـة شقـاوه وجـوع
شجرةٍ عـن سمـوم القيـض حامينهـا
فوق جمن ٍ قراح وبيـن ذيـك الـزروع
ليت مـن ذاق مـن خضـرة بساتينهـا
وان لحضني وانا امشي عن الدرب اتوع
هلـت العـيـن واختـلـت قوانينـهـا
القـدر نزلتنـي حـدر تسعيـن بــوع
تحت هيبتـك نعصـا الـروح ونهينهـا
يعجز اليـوم قلبـي مـن شبكّـم يـزوع
شبكـة اللـي مكسـرتـن جناحينـهـا