من اقوى المحاورات فيها من المعنى مايصعب فهمه

[ذيب الغنانيم]

رشيد الزلامي:




هلا يا مرحبا ترحيبة ترضي جميـع القـوم
وأنا مدري جهينه وش يزعلهـا ويرضيهـا
تراني ما نشدتك يالسناني عن علوم اليـوم
أبا انشد عن علوم لي شهر وأسبوع موحيها

[ذيب الغنانيم]

محمد السناني:




يدوم بك البقا والقوم ما ترضى بحب خشوم
تقدم يالزلامـي للقضيـه وانـت قاضيهـا
سمعنا كلمة الظالم سمعنا دعـوة المظلـوم
تداوي علـة المظلـوم والا مـا تداويهـا

[ذيب الغنانيم]

رشيد الزلامي:




ليا جت للقضا خليت عينك ماتذوق النـوم
على شأن الحصاه اللي من الهضبه تدربيها
أنا والله ما قسمت الحلال ولا حضرة قسوم
لكن اشكوا على رب ليا خربـت يسويهـا

[ذيب الغنانيم]

محمد السناني:




أقول الحمد لله يالزلامي ما عليه لـوم
أعرف انك تكحل عينها والصبح تعميها
من اللي قسم التفاح والرمان والبرشوم
أظن أصحابك الغالين ماليتن مخابيهـا

[ذيب الغنانيم]

رشيد الزلامي:




اكحل لي عيون رجال لن جا في العلوم علوم
وليلـى مـا نكحلهـا يكحلهـا بناخيـهـا
أحد يأكل من النخله واحد من شجرة الزقوم
اخذها يا ولد متـروك واقبلهـا بمـا فيهـا

[ذيب الغنانيم]

محمد السناني:




أعرف انك سلالة قوم ما أنت من الظفر محروم
لكن فالربـع افنديـه عليـك تطـول أياديهـا
ما دام انك من البارح قسمت القوم فرس وروم
ترى كـل محاسـب بالصـلاه اللـي يصليهـا

[ذيب الغنانيم]

رشيد الزلامي:




يا مشا الله يبي ينفخ شريم وبرطمه مشروم
ليا حاول يشب النار جاهـا مـن يطفيهـا
ليا ضيعتها في وقتها مانـي بهـا ملـزوم
عساكم في الجحيم وذمتـي منكـم مبريهـا

[ذيب الغنانيم]

محمد السناني:




أراد الله ومن نجم السما طاحن ثلاث نجوم
عسى الله لا يعين اللي على راسه مضويها
وحنا نحترمك ولا نبيح بسـرك المكتـوم
نخاف الله لو انك صرت حاميها حراميهـا

[ذيب الغنانيم]

وسلامتكم يالغالين
تحياتي

[الغنامي]

مشكور يالغالي
تقبل مروري

[حاكم الغنامي]

مشكوووووووووور ذيب



لاتحرمنا جديد ك يالغالي

[ذيب الغنانيم]

العفو يالغالي
تحياتي

[مِسّيَرّ]

ليا جت للقضا خليت عينك ماتذوق النـوم
على شأن الحصاه اللي من الهضبه تدربيها


..

الله الله على رشيد ....
ابداع خارج السرب الله يعطيه العافيه وطولة العمر ..

[ذيب الغنانيم]

مشكور على المرور اخوي ابن غنام

[ـآلـــ غ ـــنـــآمـــي]

مشكور ذيب على مأ قدمت لنأ يالغالي

دمت بخيرٍ

[ذيب الغنانيم]

بارك الله فيك