محاورة بين عملاقي شعراء عتيبة

[ذيب الغنانيم]

الشاعر الكبير / رشيد الزلامي
الشاعر / حبــــــــبيب العازمي
حبيّب:





يارشيد انت امتكبر مـا تمـر ولا نمـرك
ما تنازل غير مرّه واحده ماعرف سببهـا
السفينه مبحره في البحر والموج ايتحرّك
وان غفل عنها الدريول دفّها الموج وقلبها

[ذيب الغنانيم]

الزلامي:





خايفٍ من مرّةٍ يالشاعر الناشي تضرّك
خل الين اتشد رأس المرجله والا ذنبها
والله انك يا حبيّب لو تكافي الناس شرّك
اعتقد ما ضاقت الديره ولا شدّو عربها

[ذيب الغنانيم]

الزمان اللي ضحك لك بالثنايا لا يغـرك
ثم تحسب انّك تخطّم قبلها وانت اتعقبها
والله اني يالزلامي محتسي حلوك ومّرك
نعنبوها لحيةٍ ما تحتمي ما قف شنبهـا

[ذيب الغنانيم]

*

الزلامي:




يا حبيّب ما تبا منـا بريـره لـو نبـرّك
طامعاَ في خزنة الدنيا تبا تسـرق ذهبهـا
انت لو تمسك طريقك والعواصف ما تفرّك
كان ذبّحت الرجال اللـي مثنيـةٍ ركبهـا

[ذيب الغنانيم]

*


حبيّب:



ما بقى في خاطري يا كود علماَ ما يسرّك
العلوم الطيّبه بالعلم الاول جيتـك ابهـا
بعد علّمت العرب يابـو عـرب لله درّك
ما بقى فوق العظام الباليات الا عصبهـا

[ذيب الغنانيم]

*


الزلامي:



لو تموت الصبح قبل القايله ماونست حرّك
اعتبرها حاجةَ رفرف لها الطير ونهبهـا
يالزرار اللي بحلق الثوب لو حاولت ازرّك
رحت من شاني تجيب المـوت (.......)

[ذيب الغنانيم]

*


حبيّب:




مايهم اصل المهم انك عليـه مـا تفـرّك
والله انك ما تخطب البنت من قبل انخطبها
انت رجّالٍ على ذبح العرب قلبك يحـرّك
ثم تزاحمك العرب بسلومها ساعة غضبها

[ذيب الغنانيم]

*
وقمت وغيرت الطاروق
ههههههههههههههه

وسلامتكم

[حاكم الغنامي]

قمة الابداع


مشكور ذيب

[ذيب الغنانيم]

هلا بك
تحياتي لك

[ـآلـــ غ ـــنـــآمـــي]

شاعرين راااائعين

تسلم وسلمت يدك

دمت بخيرٍ

[ذيب الغنانيم]

يسلمك ربي
مشكور على المرور