المساعد الشخصي الرقمي

مشاهدة النسخة كاملة : مع او ضـد ~~

عبدالله الغنامي
08-25-2009, 07:07 AM
بسم الله الرحمن الرحيم :)

اخواني المنتدى صار راكد وحبينا نشطه شوي :)

موضوع متجدد مع اوضد

طيب ان شاءالله تفهمون الموضوع

انا اطرح ظاهرهـ واقول مع او ضد

يجي اللي بعدي اذا كان مع الظاهره يقول مع اذا كان ضدها يقول ضد طيب

واذا بغى يجيب سؤال ثاني عادي يسئل اذا مابغى يقول نفسه

يجي اللي بعده وهكذا حتى يكون الموضوع متجدد :)

طيب

مع او ضد

قيادة المرأه للسياره؟؟:shiny01:
نادر سمايل
08-26-2009, 12:13 AM
عزيزي ,,, عبدالله , شاكر لك تحريك المنتدى بمواضيع مصيريه و من العيار الثقيل :msn-wink:
أما رأيي معروف ... مع قيادة المرأءه . ( أويد بقوه )
السبب : في الدول المتنوره المرأءه تقود الدوله وليس السياره .
وفي الدول الظلاميه مثل طالبان السابقه ...غير مسموح !
وعندنا ولاة ألامر تركوا هذا الموضوع للمجتمع متى ماسمح المجتمع فسوف
يسمح للمرأءه بقيادة السياره .
وللمعلوميه .. في جميع دول العالم تقود المرأءه السياره .
عبدالله الغنامي
08-28-2009, 03:12 PM
شاكر لك اخوي ابو نادر بس ماقلت سؤال :p

طيب بقول انا

مع او ضد

السفر خارج المملكه~
سطام الغنآمي
10-29-2009, 12:42 PM
مع وبقووه

طبعاً بعيداً عن كل ماهو محرم

ـــــــــــــــــــ

مع او ضد ... تسافر انت وخواتك خارج المملكه بحثاُ عن العلم ؟ :)
يوسف الغنامي
10-29-2009, 02:34 PM
مع





مع او ضد كل يوم تعشون معكرونه مع بازلاء في التدريب.؟:icon1366:
سطام الغنآمي
10-29-2009, 02:40 PM
مـــع مره مره :flex:



مع او ضد .. الإقناع بالقووه ..!
يوسف الغنامي
10-29-2009, 02:43 PM
ضـد

مع او ضد فرض الرأي < هي نفس الاقناع ياغبي
سطام الغنآمي
10-29-2009, 02:47 PM
ضد


مع او ضد .. احد يحذف لك موضوع ماتدري ليه ووش السبب :mad:
يوسف الغنامي
10-29-2009, 02:50 PM
ضد وبقوه


اممممم مع او ضد ظاهره الشسموه غياب الطلاب عن المترسه عشان الخنازير < هـع
سطام الغنآمي
10-29-2009, 02:53 PM
مع :d

اهم شي الراحه .. آآي


مع او ضد .. مقاطعة المنتجات الدنماركيه ..

احب السنتوب :(
يوسف الغنامي
10-29-2009, 02:58 PM
مع مع ان السنتوب عشرة عمر

بس يالله

مع او ضــــــد

مكافحة التسسول
ترانيم
10-29-2009, 03:05 PM
مع مع أكيد


مع أو ضد مشاركة الفتيات ( بحدود الأدب) في المنتديات؟

.
.
.
سطام الغنآمي
10-29-2009, 03:06 PM
مع .. مقابل انشااء منظمات تعينهم


مع او ضد
السكوت عن الحق بحجه كف المشاكل ..!
سطام الغنآمي
10-29-2009, 03:10 PM
ههههههههه


مع مشاركة الفتياات بشده لكن كما اشرتي بحدود الادب :o

مع او ضد
استمرار حفلات الاعرااس لساعه متأخره من الصباح ؟
ترانيم
10-29-2009, 03:10 PM
بعض الأحيان الصمت يستدعي أن يكون في بعض المواقف درءاً للمشاكل

إلا أن يكون من هذا الصمت ضرر أكثر فالكلام أوجب


مع أوضد

تعدي السرعة في السواقة على الخطوط السريعة بعذر الوقت ؟
سطام الغنآمي
10-29-2009, 03:12 PM
ضد


مع او ضد .. رفع درجات بعض الطلبه لانهم غنانيم :d
ترانيم
10-29-2009, 03:12 PM
^^

صار فيه تضارب


ضد ضد.. ماصارت ليلة فرح ..صارت صباحية

واللي بعدي يجيب على سؤالي
يوسف الغنامي
10-29-2009, 03:13 PM
ضــــــــــــــــــــد
والرجال يتعشون ويزفون المعرس ويجلسون في السياره والسوداني شغال عائلة الفلاني وعائلة ياربي وخص لا صارت السياره ما فيها مكيف وي وي ياتسسبدي ..


مع او ضد الاتصالات السعوديه يوم تسرق خمسه ريال يادوب فتحت البليارد عشان اتصالهم الخايس
سطام الغنآمي
10-29-2009, 03:13 PM
جاوبت بس جاوبوا على سؤالي :d

بناكل الموضوع اكل
يوسف الغنامي
10-29-2009, 03:16 PM
هدووووووووووو اللعب شوي


بالنسبه لترانيم انا مع السرعه مثلآً انا لا طلعت يوم الاربعاء .. ما معي غير نص الاربعاء والخميس اجلس مع اهلي والجمعه وانا محضر لمكه عشان كذا مع السرعه وبقوووووووووووووووه :flex:
ترانيم
10-29-2009, 03:17 PM
^^

ماعليه دخلت في موضوعكم وشربكته

اعتذر :)

خروووووووج للصلاة رعاكم الله
يوسف الغنامي
10-29-2009, 03:18 PM
ههههههههههههه ياسطام وياترانيم كلنا نبي ناخذ من الموضوع لا تصيرون مشافيح
ترانيم
10-29-2009, 04:19 PM
وش فيكم وقفتوا؟

ياحبى يابرك ؟:d


طيب


مع أو ضد

تعلم اللغات الأجنبية للبرستيج ؟ :)
سطام الغنآمي
10-29-2009, 04:22 PM
مع وقت الضروره .. يعني مانخلط انقليزي مع عربي كنا متجنسين


مع او ضد ..سماع الاغاني بشكل مفرط حبتين :no:
ترانيم
10-29-2009, 04:28 PM
ضد الأغاني بوجه عام .. ( الأغاني بريد الزنى) ويكفيها من الصفة الاذعة ما ارتبطت بها


طيب


مع أو ضد الأناشيد التي ظهرت حديثاً على السطح .. تحت مسمى أناشيد وبها إيقاعات تكاد تكون اقرب للأغنية منها للأناشيد؟
سطام الغنآمي
10-29-2009, 04:34 PM
ماشاء الله .. الله يزيدك إيماناً

ويهديني :(

ضد الاناشيد المذبذبه هذي يا اغااني صريحه والا قرآن :confused:
انا مرات اتطووع واسمع قران واعتزل شي اسمه اغاني ومع الوقت ارجع للأغاني بقوووه .. وعلى هالحال تعبت :icon1366:

مع او ضد ... دخول البنات بأسمائهن الصريحه ..؟
ترانيم
10-29-2009, 04:40 PM
على حسب المنتديات اللي تدخلها

لأن فيه منتديات محافظة وتحترم الفتاة ولايتضرر وجود اسمها بسوء فيها

ومنها تكون شاعرة أو كاتبة وتحفظ حقوقها

وفيه منتديات سمعتها رديئة وفيها خلط من ناحية سلوك افرادها .. هنا ما انصحها تضع اسمها الصريح لأنها ربما تصنف مثلهم وربما يلحقها أذيه من بعض السلوكيات

سؤالك يثير النقاش .. لو يوضع بموضوع مستقل :)




والله يهديك ياسطام وينور قلبك :)

طيب


مع أو ضد

التفاخر بالقبيلة ؟


بروح اتقهوى ..القاكم على خير :)
سطام الغنآمي
10-29-2009, 04:55 PM
ضد مع ان قبيلتي تستاهل الفخر

لكن مبادئ ديني ماتسمح لي :)

مع او ضد .. تنزل اهلك بالسوق بدون محرم لكن بوجوود حرمه كبيره عن 10 ريجيل ؟ :d

تقهوي .. مافي احلى من قهوه العصريه .. مير صبولي فنجال :d
ترانيم
10-29-2009, 07:04 PM
الحرمة الكبيرة تكفي ان شاء الله

لأن السوق ممل للمحرم..خاصة الحريم مايخلصون من محل لمحل..فتاخذ وقتها وراحتها :)


طيب

الإستعانة بخادمات لسن على كفالة ودفع أجور كبيرة لهن مقابل العمل في المنزل ؟
سطام الغنآمي
10-29-2009, 07:33 PM
مع ليه لا

مع ان مشاكل الخادمات كثرت .. انتحار .. حرق اطفال .. سرقات .. هروب .. سحر .. وأخيراً قتل

أخبر خادمه سيرلانكيه ذبحت واحد من الربع بساطور على راسه عدة مرات وفارق الحياة اثناء غياب الاهل في حفله .. ونفذ فيها القصاص ..!!!

مع او ضد الحكم على الشخص من مجرد ..الفكره العامه ..

مثلاً العتبان سراقين .. المطران نذول !
ترانيم
10-29-2009, 07:42 PM
لادخان من غير نار .. >>بتنجلد :d

ضـــد ..لأنها في الغالب تسبب حزازية


طيب

مع أوضد

توقيع اعذار كاذبة للموظفين من أجل الغياب ؟
عبدالله الغنامي
10-30-2009, 03:52 AM
مـــــــــــع < هع

خلوهم يرتاااحون شوي

طيب

مع او ضد

الهروب من المطرسه يوم الاربعاء < هع هع
سطام الغنآمي
10-30-2009, 09:58 AM
مع مع .. مثل بع بع :d

خلاص يوم الاربعاء قبل يوم الخميس .. يعني مافي مشكله نغيب الاربعاء والخميس والجمعه ولو تغيب السبت عشانه بعد يوم الجمعه يكون افضل زياده الخير خير :d

مع او ضد

التفحيط في البررر يعني بعيد عن الناس والجماهير :confused:
ترانيم
11-01-2009, 06:28 PM
ضـــد



طيب


عدم الإهتمام بالمظهر بحجة أن الشخص بمعدنه ليس بمظهره
سطام الغنآمي
11-01-2009, 06:37 PM
ضد


مع او ضد

الريجيم :confused:
ترانيم
11-01-2009, 06:40 PM
على حسب نوعه وحاجته


مع أوضد


عمليات التجميل :o
سطام الغنآمي
11-01-2009, 06:44 PM
ضــــــــــد


مع او ضد .. الأسهم؟
ترانيم
11-01-2009, 06:50 PM
مع وضد :o


طيب


اكتفاء الشباب بالثانوية العامة والبحث عن وظيفة بها؟
سطام الغنآمي
11-01-2009, 06:53 PM
مــــــع بقوه

أختصار للوقت والجهد ..

أغلب شبابنا مشرقين والدراسه مغربه مثل محسوبك سطام :d

مع او ضد .. الرقص في الشوارع باليوم الوطني .؟
ترانيم
11-01-2009, 06:59 PM
^^

لا ان شاء الله تشرقون كلكم مع بعض :p


ضـــــــــــــــــــــــــــــــد وبقوة ..مايعرفون وطنهم الآ بالرقص :o


طيب


قضـــاء أوقات طويلة على النت
سطام الغنآمي
11-01-2009, 07:06 PM
كح كح

مع بس هو يمكن ضد :d

مع او ضد .. شرب مشروبات الطاقه ايام الاختبارات .. والكثثثثير من النسكافيه :no:
ترانيم
11-01-2009, 07:11 PM
>>رجعت الصفحة اللي قبل تشوف سؤالها :shiny01:


نسكافة ماشي ..بس مشروبات الطاقة ..نو وي


طيب


التفريك من المحاضرات ؟ .. أجل الواحد ليه متعب نفسه ورايح مادام مافي نيته يحضر محاضرات:confused:
سطام الغنآمي
11-01-2009, 07:18 PM
مع بشرط .. بعد ما استنفذ جميع الغيابات المسموحه .. ابدأ بالألتزام << سياسه سطوميه :d

مع او ضد .. ملاهي النسااء .
ترانيم
11-01-2009, 07:20 PM
مع


طيب

سفر الشباب للخارج هالأيام ؟
سطام الغنآمي
11-01-2009, 07:24 PM
ضد .. إذا لحالهم او مع مجموعه شباب مراهقين مثلهم .. ومع اذا مع اهاليهم .. ايه اهاليهم امه وخواته او زوجته اذا هو متزوج عشان ماتوزه نفسه للمعاصي اهله معه ويخاف عليهم وينشغل في الدراسه وفيهم :d



مع او ضد السفر بالاهل ؟؟ :confused: للدراااااااسه
ترانيم
11-01-2009, 07:28 PM
مع وبقوووووووووووووووووووووووة

ولو يدرسون بعد الأهل هناك يكون احسن


طيب

يتدين البعض مبالغ فوق طاقته من أجل السفر هو وأهله للتفشخر >>>ماعليه مايعبر إلا هالكلمة:o

يعني اسمنا سافرنا خارج اللملكة
سطام الغنآمي
11-01-2009, 07:31 PM
لا ضد طبعاً هذا اسمه غبااء شنيع

بهالحاله افضل لهم السياحه الداخليه ... يمدحون النماص :d

مع او ضد ... أستعمال النسااء وصلات الشعر وتركيبة الرمووش بالاعرااس ؟؟ ;)
مبارك حمد الغنامي
11-02-2009, 10:56 AM
والله يا حي بي بي إني مدري عن سؤالك ولكن الوصلات الظاهر فيها كلام ما أفتيك اما الرموش وفي عرس وكلهن حريم مؤيد 100% ماعندي مشكله الله جميل ويحب الجمال

مع أو ضد الحب من ثالث نظره ههاههاهاها

امزح ياحي بي بي

مع أو ضد السفر للخارج بداعي السياحه ولو معك فلوس ؟
سطام الغنآمي
11-02-2009, 03:48 PM
حي بي بي < احس انها قناه زي سي ان ان

مع اذا مع الاهل ضد اذا لحاله يتسكع :msn-wink:

مع او ضد .. التغشيش اثناء المشاركات الصفيه ؟
ترانيم
11-03-2009, 03:03 PM
ضـــد


تولي النساء مناصب قيادية
سطام الغنآمي
11-03-2009, 05:08 PM
ضد


مع او ضد

السهر لاي سبب كان ..!
مبارك حمد الغنامي
11-04-2009, 12:17 AM
والله إذا إدعيت المثاليه قلت لك ضد وإن كنت على حقيقتي بقول لك بعض الأيام أسهر ياأسامر خلاّن يا إني أكون مهموم وفيه شي مثقل كاهلي ولا عندي إمتحان والدكتور شديد :shiny01:

هل تؤيد وضع الفتاه في موقف موازي لموضع الرجل ؟

يعني هل تؤمن في المساواه ؟
ترانيم
11-04-2009, 12:59 PM
في التعامل مع الإثنين نعم

في غيره لا و(الرجال قوامون على النساء) والقوامه لها متطلباتها منها توفير الملبس والمسكن والمأكل والقدرة على الحماية والقيادة في المنزل ...وإذا لم توجد مقومات القوامه هذه ..فالله اعلم

طيب

اتخاذ اسلوب العقاب دائماً في تربية الطفل
سطام الغنآمي
11-04-2009, 01:46 PM
ضد


مع او ضد .. تخزين قرآن & أغاني بجوالك؟
ترانيم
11-04-2009, 01:51 PM
أغاني مع قرأن ؟ كيف تجتمع؟

ضد تخزين الأغاني

طيب

عدم إعطاء الجسم حاجته من النوم الكافي ؟
سطام الغنآمي
11-04-2009, 02:09 PM
ههههههههههههه

ضد .. مايمشي معي اناا .. لامن جاني النوم انام وسط القاعه ماعلي في اطلق شارب < :d

مع او ضد مواكبة الموضه ..!
ترانيم
11-04-2009, 02:17 PM
أجل ماخذ كفايتك من النوم :d

ماشاء الله


مع ( بدون فلسفه :fish:)

طيب

ترك منتداك المفضل لأنه خامد :icon1366:؟
سطام الغنآمي
11-04-2009, 02:22 PM
؟؟؟؟؟؟؟؟؟؟؟
؟؟؟؟؟؟؟؟؟؟؟
؟؟؟؟؟؟؟؟؟؟؟

ضد :no:

امرحي :confused: أتركي الافكار الشيطانيه :d


مع او ضد .. نصيحة من لاطب فيه < متعوب عليها

يعني تنصح واحد غاسلن يدك منه؟؟
ترانيم
11-04-2009, 02:35 PM
اوامرك ياسعادة الباشا :36_1_45:

مع تنصحه وتنصحه لين يفهم :36_1_53:

طيب

تأجل اعمالك ومواعيدك بسبب انك مدمن على النت؟>> احس الأسئلة خلصت
سطام الغنآمي
11-04-2009, 02:40 PM
هههههههههههه

لا زال روسنا تشم الهوى ماخلصت الاسئله والبربره ..

امممممم بوصي حضرتك انا ماعنديش اعمال ومواعيد ..

لكن لا اخفيك اني شبه مدمن نت أو يمكني ادمنت وخلصت :d

مع او ضد التنازع من أجل الأرث ..؟
ترانيم
11-04-2009, 02:46 PM
ضد .. الدنيا ماتسوى والله


طيب

ندخل في السياسة :p

أخذ الجنسية الأمريكية والإستغناء عن جنسيتك؟
سطام الغنآمي
11-04-2009, 02:50 PM
مع هع هع

يضلي ينادوني الامريكان هي قنامي هي سووتام

واجيكم شعري اشقر بس فلافل < العرق الغنامي

ضد :p

مع او ضد سياسه اوباما < خش بالسياسه بعمق
ترانيم
11-04-2009, 02:52 PM
مع مع :p


طيب يالغنامي مع أو ضد


زواج السعوديين من خارج الوطن؟
سطام الغنآمي
11-04-2009, 03:04 PM
ضـــــــــد :mad:

كل الاوطان فوق 70 مليون نسمه وحنا 3 نسمات < ياكثر مرشه :d

انا يمكني معقد مدري بس اذا كنت ارفض اتزوج وحده مهيب من الغنانيم فما بالك بغير سعوديه من الاساس؟

مع او ضد .. التباهي والمفاخره بحجه انو لازم نبين نعمة الله اللي انعمها علينا؟
ترانيم
11-04-2009, 03:08 PM
رافض تزوج من برى الغنانيم ؟ غريبه ..ليه؟


بقولك زين الواحد يبين نعمة الله عليه ومايبخل على نفسه ..بس يتباهى على اللي أقل منه لا


طيب

تتعصب لقبيلتك ..ولماذا ؟

لخبطت بين موضوع نعم ولا وهذا
سطام الغنآمي
11-04-2009, 03:15 PM
ههههههههههههههه

يمديك تمسحين وتحطين السؤال في هذاك < يخيّ؟

ـــــــــــــــــــ

لان اشوف بنت عمي اولى من الغريبه .. مهوب تشدد لا بنات العرب مابهن عيب بس انا عندي الغناميه غييير كل العرب :d

ضد التعصب القبلي .. بس اني افتخر فيها كثثير < مدري يمكن تناقض بس هذا واقعي :shiny01:

مع او ضد .. تخصيص مبلغ من راتبك للصدقه دااائم .. وانت في امس الحااجه :no:
عبدالله الغنامي
11-04-2009, 03:16 PM
لااااااااااااااع وألف لااااااااااااع للعنصريه

يمكن اذا احد اخطا على حق من حقوق القبيله صح اما اقعد اهايط وحنا وحنا لااا لاا :shiny01:


الا اقول سطاام خلك شسمه متطور شوي انا ناوي اخذ لي حضريه :p << قل قسم من سئلك


طيب


مع او ضد


تجلس تدوج برا البيت ولا ترجع الا وقت النوم :p
سطام الغنآمي
11-04-2009, 03:19 PM
اقول امرح خل حضريه .. تبلشك بالمنتو والفرموزه .. صدقني بتحن للسليق والعدس والذبايح السنعه

< همه بطنه :d

ثم تراها ماتلبس البوورقووع < البرقع يضلي تطالع فيها منحمسه تسبدك :mad:

ضد ضد ضد

مع او ضد .. التجمعات الشبابيه في الاستراحاات؟
عبدالله الغنامي
11-04-2009, 03:23 PM
ماعلي منك والله مانفخ بطونا الا االذبآيح عساك سالم بس :harhar1:

لا ناوي ناوي الله لا يعوق بشر :shiny01: << طيب من ماسكك ياخوي ههآع



مـــــــــع وبقـــــــوه:shiny01:


لكن مايكون فيه منكراات :flex:


طيب مع او ضد


انك تكون قافله اخلاقك وتشوف اي واحد وتفقع وجهه :d
سطام الغنآمي
11-04-2009, 03:26 PM
مع مع

هذا وجهي لك بس وخر عن خشمي اتحسس منه :d

مع او ضد انك تقوم ربعك في المنتدى للصلاة؟
عبدالله الغنامي
11-04-2009, 03:31 PM
^^^^

والله انك حادر لك وادي ياذياب خخخخخخخخخ


شكلك داخل على اول صفحه هههههههههههههآع



مع مع مع

لكن اذا كان فيه اسبااب اما بدون سبب خله ينزلع :shiny01:



طيب


مع او ضد

تاخذ اخوك الصغيير عند النيآآق علشان يتعللم :shiny01:
سطام الغنآمي
11-04-2009, 03:36 PM
ضد

خلو الورع يعيش حياته الطفوليه بعيد عن النووق والرفس والترباان < عياله بيطلعون خكاريه :d

مع او ضد .. مدري :confused:
ترانيم
11-04-2009, 05:01 PM
ضــد وضد بقووووووووووة :confused:

مع أو ضد

أنك تسمع الناس يسولفون ويتقهوون وأنت قاعد على النت وودك وتروح وماودك؟:p
سطام الغنآمي
11-04-2009, 05:04 PM
يااعزتييييييلتس

تقدرين تحلين هالمشكله بسهوله .. نادي ميري خليها تجيب لتس كوب قهوه وحلا .. وتوحي في السوالف من بعيد وطقطقي :d
ترانيم
11-04-2009, 05:19 PM
للأسف ما اسمها ميري ولا احبها تجيب لي:no:

طيب وين سؤالك؟
سطام الغنآمي
11-04-2009, 05:22 PM
مدري :confused:

خلصن الاسئله
عبدالله الغنامي
11-04-2009, 05:47 PM
^^^

ياوجه الله ابك انتم لهالحين تهرجوون رحت وجيت وانتم على حطتي :harhar1:


طيب انا احل مشكلتكم

مع او ضد


كل خمس دقايق تطلع الجوال وتشوف الساعه وانت ماعندك موعد

<< نفسيه :shiny01:
سطام الغنآمي
11-04-2009, 05:50 PM
وش تبانا نسوووي :icon1366:

عايشين فرااااااااااغ :icon1366:

وظفوووووووووني :icon1366:

ضد النفسيه

بس احفظ اوقات الصلاه من ورى هالحركه :d

مع او ضد .. تقوم تصلي المغرب ؟
مبارك حمد الغنامي
11-04-2009, 06:01 PM
ضد وبقوه




إنك ماتصلي

مع أو ضد

التيارات التي نراها الآن بين المطاوعه أنفسهم مثل الأحباب والجاميّه ؟
عبدالله الغنامي
11-04-2009, 06:04 PM
والله ياخوك اني مافهمت سؤالك :sad_1:


لكن ابى اقول مع ولو اني مدري وش السآآلوفه



طيب


مع او ضد


اي واحد يحدك بالسياره تفقع خشته :shiny01:
ذياب بن غانم
11-04-2009, 08:28 PM
هههه
اي موضوع واي وادي الله يصلحك والا ينقحك :d استر ماواجهت

ضد من يحد ويسبب مشاكل الا في حالة انه لحاله سم بالرحمن وتعش
مع او ضد (اكل مايعجبك والبس مايعجب الناس)
عبدالله الغنامي
11-05-2009, 01:12 AM
مــــــــع

طيب


مع او ضد


ترشيح ذياب بن غانم انه يمسك ادارة المنتدى << هآع
ترانيم
11-05-2009, 08:19 AM
والله ماعرف أحد هنا والإدارة اعرف بالأعضاء

طيب

مع أوضد النوم مبكر ؟
سطام الغنآمي
11-05-2009, 08:50 AM
مــــــــــع

شوفوني نمت بكير وصحيت بكير ولي اصلا اسبوع واكثر على هالحال ولله الحمد :d

_ عبد الله _ عز الله عينا خااار :d

مع او ضد ..العضو اللي يناقر المشارِكات من الإناث؟
ترانيم
11-05-2009, 08:56 AM
كيف يعني يناقر المشاركات؟:confused:
سطام الغنآمي
11-05-2009, 09:11 AM
يعني يحط نقره بنقرهن :d < لاياشيخ ؟

يعني يستقعد لهن ..!
ترانيم
11-05-2009, 09:20 AM
ضــــد ( والفراغ يسوي أكثر من كذا)

طيب

تدرس تخصص ماتحبه بس لأن له مستقبل
سطام الغنآمي
11-05-2009, 09:26 AM
ضد

لانه ماراح يبدع فيه

مثل حالتي الحين

خاش تخصص ماني بحوله .. دخلته لانهم أكتفو بجميع التخصصات مابقا الا هالتخصص اللي دخلت فيه النحيس وشوفيني لازلت احفر :d

لا والمشكله ان مستقبله تعيس بعد ولله الحمد

مع او ضد ..الخادمات؟
ترانيم
11-05-2009, 09:32 AM
مع ..مع التنبه لهن ومراقبتهن


طيب


الزواج الجماعي ؟
سطام الغنآمي
11-05-2009, 09:40 AM
ضــد .. ياقلبة تسبدي :no:

مع او ضد .. العنف ؟
ترانيم
11-05-2009, 09:49 AM
مع


قصدي ضد :no::)


طيب


فرض الرأي بقوة
عبدالله الغنامي
11-05-2009, 02:32 PM
فرض الرأي اذا كان صحيح مـــــــــع :shiny01:

لكن خطا يبطي عضم :o


طيب مــــع او ضــد


الصداقات بين الذكور والإنآآث ؟؟



لاحد يفهم غلط يعني في مجال العمل وكذآآ :shiny01:
ترانيم
11-05-2009, 04:35 PM
ضــــد ..ليه فيه شي اسمه صداقة بين إناث وذكور ؟:confused:

طيب

إعتماد الطلبة على أهاليهم في حل اواجبات؟
سطام الغنآمي
11-05-2009, 05:51 PM
لا مافي :confused:

ضد ضد ضد مغثثثثثثثثثثثثثثثثثثثثثثه

:mad:

مع او ضد .. الحق الكذاب لحد الباب؟
ترانيم
11-05-2009, 06:55 PM
مـــــــــــــــــــــــــــــع :)

طيب

الرفده ( أو اللي يسمونها استرفاد يعني يجي شخص يطلب فلوس ماتكون دين أو مقابل شي وهو مومحتاج لها ضروري ..بس عادة عند القبايل وعيب عليهم يجي واحد يسترفد ولا يعطونه )
يوسف الغنامي
11-05-2009, 08:07 PM
مع انا لقيت خالي يوم العيد عند الاشاره مع ان معي فلوس قلت ارفدني عشره ريال وعطاني وقال حقت ايش قلت العيديه قال مالت على وجهك على بالي محتاج بس منعته من شريت الدخآن شي جميل هـع


مع او ضد القروض وكذا كذا
ترانيم
11-05-2009, 08:16 PM
مع ..لأنها إن كانت كبيرة بتفيد ببناء بيت أو استثمار


طيب


المشاركة في منتديات كثيرة؟
يوسف الغنامي
11-05-2009, 08:23 PM
مع اذا كان لحاجه يعني ييستفاد منها وضد لا صارت تضضيع وقت وهيك خرابيط ...


مع او ضد انك تشتري حلويات من سعد الدين خص الفراوله وتبعزق فلوسك فيها
سطام الغنآمي
11-05-2009, 08:39 PM
مــــــــع http://www.gnanim.com/vb/imgcache/506.imgcache.gif

مع او ضد .. الأعجاب.. بين الطالب واستاذه :confused:
يوسف الغنامي
11-05-2009, 08:50 PM
مع في حدود الضوابط الشرعية في استقدام العماله الوافدة في تمييز العنصر المبدأي في انتاج روابط ذات صله في الموضوع عن بعد ولآسلكيـه
سطام الغنآمي
11-05-2009, 08:54 PM
ههههههههههههههههههههههه

وين المع والضد تبعولك؟ http://www.gnanim.com/vb/imgcache/508.imgcache.gif

طيب مع او ضد الشطحات ؟

:d
ترانيم
11-05-2009, 10:17 PM
ضــد رغم انها تعطي جو بعض الأحيان :)

طيب


الغياب وفصل الأبناء خوفاً من إنفلونزا الخنازير؟
سطام الغنآمي
11-05-2009, 10:32 PM
معـــــــــــــــــــــــــــــــــ... سلامتنا اهم من الدراسه :d

مع او ضد الشبــــعه http://www.gnanim.com/vb/imgcache/510.imgcache.gif
ترانيم
11-05-2009, 10:36 PM
ضــــد

طيب

الكتابة بنك مستعار للشباب ؟
سطام الغنآمي
11-05-2009, 11:08 PM
مع وضد .. على حسب الاستعمال :d

مع او ضد .. التطنيش؟
ترانيم
11-05-2009, 11:24 PM
ضـــد
طيب

ســـوء الفهم ؟
سطام الغنآمي
11-06-2009, 09:32 AM
ضد

مع او ضد .. شرب الشاي ع الريق :d
ترانيم
11-06-2009, 01:21 PM
ضــــــــــــدوبقووووووووووووة


طيب

تفويت خطبة الجمعة والذهاب على الإقامة؟
سطام الغنآمي
11-06-2009, 01:58 PM
ضد .. بس بركه منّا :d

مع او ضد ..الفضول؟
ترانيم
11-06-2009, 03:49 PM
ضـــــد

طيب

طلب وضع شـــريط إهداء في المنتدى؟
مبارك حمد الغنامي
11-06-2009, 04:07 PM
مهيب شينه مع :msn-wink:

مع إننا نحرك المنتدى ولا ضد ؟

وإن كنتوا مع ليش مانبدأ من اليوم بدال مانشارك في موضوعين فقط

هذا منتدى قبيله لازم نشهره ونقومه

لاترقدون يامال الشحم
ترانيم
11-06-2009, 04:12 PM
أنا ضــــــــــــــد:p















إنا مانحركه

حنا بادين من أمس طال عمرك نزلنا مواضيع وردينا على أغلب مواضيع المنتدى :)


طيب

مع أوضد


وضع أوسمه وتشجييع للأعضاء ذوي العطاء ؟
مبارك حمد الغنامي
11-06-2009, 04:15 PM
ياكيف مااكون مع مع ومع ومع :shiny01:

مع أو ضد النفاق الإجتماعي وإعطاء بعض1 الأشخاص ألقاب وأسماء ليست لهم ؟
ترانيم
11-06-2009, 04:29 PM
ضـــد


طيب


المجاملة لمنفعة شخصية
مبارك حمد الغنامي
11-06-2009, 05:59 PM
لمنفعتي إيه أجامل ليش أكذب واقول انا صريح في كل حالاتي في ناس لازم تجاملها عشان تمشي أمورك ;)

مع أو ضد

إنك تجعل نفسك في الواجهه وتستقبل جميع الطلقات لإرضاء بعض الأطراف .؟
ترانيم
11-06-2009, 07:12 PM
ضـــد أكيد

طيب


تزعل ناس عشان خاطر ناس ثانين؟
حشـ1ش الغنـ1مـي
11-06-2009, 07:54 PM
:no:
:no:
:no:
:no:
:no:
:no:
:no:
:no:
:no:
:no:
:no:
سطام الغنآمي
11-06-2009, 07:59 PM
ضد ..!

مع او ضد الردود السخيفه :d
ترانيم
11-06-2009, 08:10 PM
ضـــد وبالعشرة :)


طيب


تسجل خروج من المنتدى وترجع له وتسجل خروج وترجع كم مره :)
سطام الغنآمي
11-06-2009, 08:15 PM
ضد .. استقري

مع او ضد .. الحساسيييييييييييييييه :sad_1: < اقصد تتحسس من اي كلمه تنقال لك
ترانيم
11-06-2009, 08:19 PM
^^

ليه أنت ماتسويها تطلع وترجع ؟ :)


ضــد.. مع إنها صفة ملازمتني



طيب


تكثف مشاركاتك في منتدى ثم تهجره بلا سبب يذكر؟
سطام الغنآمي
11-06-2009, 08:24 PM
الا اسويها

ضد بس تصير وبغت تصير قبل فتره واحتمال تصير بعد فتره :no:


مع او ضد ..غيرك يغلط وانت تدفع ثمن غلطاته؟
ترانيم
11-06-2009, 08:28 PM
ضـــد..لكن الدنيا صارت كذا



طيب


تتهاوش أنت وصديق لك عشان شي مادي مايسوى وأنتم علاقتكم قوية؟
مبارك حمد الغنامي
11-07-2009, 12:10 AM
ضد بس الفلوس والماده تفرق الإخوان في كل وقت مع بعض الحالات الشاذه

مع او ضد

رفض البنت الزواج من رجل على قد حاله ولو إنه متدين وأخلاقه طيبه جداً وحبيب مع الكل؟
ترانيم
11-09-2009, 11:20 AM
مالها حق ( خذوهم فقــراء يغنهم الله)

ضــــــــــد


طيب


تفشي سر صاحبك لأنه زعلك؟
مبارك حمد الغنامي
11-09-2009, 04:49 PM
مستحيل ثم مستحيل ثم مستحيل

هل أنت مع أم ضد إن هالمنتدى من الأفضل له أن يقفل ؟
نادر سمايل
11-09-2009, 11:14 PM
ضد
واقترح تكريم مدير المنتدى أو صاحب الفكره على مستوى القبيله ويعطى برأة إختراع
هل انت مع أو ضد قيادة النساء للسياره
عبدالله الغنامي
11-13-2009, 07:02 PM
مــــع وضد في نفس الوقت :harhar1:

<< لاتسئلني ليش



نفسووو
مبارك حمد الغنامي
11-15-2009, 04:10 PM
ضد :no:

هل أنت مع أو ضد التدريب المهني للشباب في المملكه العربيه السعوديه
سطام الغنآمي
11-18-2009, 03:54 PM
مع

مع او ضد الدق بالهرج :d
ذياب بن غانم
11-19-2009, 09:41 PM
لا مع سبق الاصرار والترصد لما فيها من اثارة النعرات القبيله
طيب مع او ضد
بناء شات صوتي لاعضاء المنتدى :d على شارعين
او شات كتابي على سبيل المثال
عبدالله الغنامي
11-20-2009, 11:44 PM
^^^
والله من حبك للشاتات تبي شات بعد :shiny01:

مـــع لعيووونك :harhar1:

بس نصير سوابر < هع هع


طيب نفســـ سسؤال ابو غااانم :o
شليويح العطاوي
01-27-2010, 07:34 AM
لا والله مانب معه

مع ولا ضد تعيد الحالك
بنت العطاوي
09-13-2010, 05:31 PM
اكيد ضد احد يعيد لحاله
طيب مع او ضد اخذ حبوب منومه في ازمة النوم في العيد
ضروري ردوا اليوم
كاسر الحوم
09-14-2010, 07:30 AM
مووضوع جميل.. كل الشكر لمن طرح هذا الموضوع...

بالنسبه . للحبوب المنومه . في ناس برنامج النوم والبرنامج الغذائي عندهم متلخبط وتعديل النوم ذ1 يبي له على الاقل يومين / او ثلاثه ايام . والبنسبه للحبوب ذي في ناس عندهم توتر . اذا تلخبط نومـه ويستخدمونها يعني شي عادي ...

تقبلوو تحياتي...
عبدالله الغنامي
10-06-2010, 11:52 AM
^^^

نورت يالغالي وكتبت فأجدت .,,

طيّب

مع أو ضد

السسهرر حتى الساعه العاشره صباحاً .. في أيام الدوامات مع العلم إنك جالس فالبيت لا شغل ولا مشغله :p
بنت العطاوي
10-07-2010, 01:44 AM
السهر مستحيل نبطله حتى في الدوامات ليش مدري
بس ضد حتى لو ماقدرنا
طيب مع او ضد......زواج الاقارب
عبدالله الغنامي
10-07-2010, 02:09 AM
مـع

نفسه ,,,^^
ضابط ؛ خـفـر
10-07-2010, 02:10 AM
خخخخ
لا ضد زواجهم { - حاسدهم الزواج

مع أو ضد
الحب من طرف واحد ؟؟
بنت العطاوي
10-07-2010, 02:59 AM
ضد وبقوه
طيب مع او ضد....النوم وانت مزعل انسان غالي عليك
ضابط ؛ خـفـر
10-07-2010, 04:17 AM
ضد وبشده

مع أو ضد
زواج المسيار ؟؟
بنت العطاوي
10-07-2010, 10:14 AM
ضد وبقوه
طيب مع او ضد ....الاستهتار في الناس وشوفة النفس عليهم ؟؟؟
عبدالله الغنامي
10-07-2010, 11:14 AM
ضـــد ...,

طيّب مع أو ضد الإختلاط في المدآرس ....؟
بنت العطاوي
10-07-2010, 01:14 PM
ضد
طيب مع او ضد......البنت تروح مع السواق لحالها
عبدالله الغنامي
10-07-2010, 01:20 PM
ضــــــد ,,,

مع أو ضد أن تكون المنطقه الشرقيه وضواحيها في حكم مستقل عن الحكم السعودي
كما يريد الأيرآنيون ....؟
كاسر الحوم
10-07-2010, 02:00 PM
ضد وبقوهـ : وبالنسبه للايرانين . يبغون هذ1 الشي يصير , عشان وجود شيعه رافضه في مناطق من المناطق

الشرقيه كـ القطيف والاحساء وغيرها من المناطق عشان كذ1 جايين فزعه للشيعه اللي هنا يبغونهم يعيشون

الحريه . وان شاء الله مايصير الشي ذ1 ونحن تحت رايه . التوحيد . شهاده ان لا اله الا الله وان محمد رسول الله ..


تحياتي..


طيب مع أو ضــد

الحـــب . في هذ1 الزمان . على ماقالو . ان البنت تحب حب خيالي , الى ان تقترب من مرحله الزواج وبعدها تعيش

حياهـ زوجيه . مع زوجها وتنسى اللي فات ,

مخرج . تسـعين في الميه لن يتزوج من يحب الحب الخيالي

في رايك . قد يكون الحب الخيالي اللي عاشت فيه هذه المرآءه ان

يكون ماضي اليم ، ام ماضي وسخ .ام ماضي لا يستفاد منه ، ام اي ماضي يكون....

ولنا عوده مع الرجل ..

تحياتي .
عبدالله الغنامي
10-07-2010, 02:39 PM
مع و ضد في نفس الوقت

الحب/ اذا كان حسب الأعراف والتقآليد فما المانع ؟؟

لكن اذا كان حب الجوالات وما إلى ذالك من الاشياء التي تقوود الى المصيبه

فأنا ضده وبشدّهــــــ

طيب مع أو ضد

السفر خارج الى الدول الأوروبيه مع الأسره ....؟
بنت العطاوي
10-09-2010, 09:28 PM
مع...:shiny01:
طيب مع او ضد ...الحب المتبادل بين عيال العم بس مافيه امل بالزواج لظروف خاصه...عارفه انها شطحه قويه:d:d
عبدالله الغنامي
10-10-2010, 07:03 PM
لاتعليـق :p

نفســــــه :p
عبدالله الغنامي
10-10-2010, 08:18 PM
ماحد رد طيب برد انا :p

مـــــــــــع

لأنه دامه بين عيال العم ماراح يكون فيه الا العلم الطيّب ان شاءالله حتى لو لم يتكلل بالزواج

نفسسسسسسسسه :p

<< ما زال يبي يشوف رآي احد ثاني
راعي الشرفآ
10-10-2010, 08:24 PM
يسلم راسك يابو عابد تبي تشوف رد احد ثاني

انا ضد الحب كله سوااء بين عيال عم او غيره

طيب مع او ضد

التعصب القبلي ..,

نبي نطلعكم شوي عن اجواء الحب ...ههههههههههه
عبدالله الغنامي
10-10-2010, 08:29 PM
ضــــــــد اكييييييييد

طيب مع أو ضد

اعطاء الجوال لغير البألغين من الجنسين ,,؟
بنت العطاوي
10-10-2010, 09:21 PM
ضد
رغم اني اخذه جوال وانا عمري 11 سنه ههههههههه(نذاله)
طيب مع او ضد .....السكن مع اهل الزوج بعد الزواج
عبدالله الغنامي
10-10-2010, 10:07 PM
ضــــــــــــــــــــد

نفســـــــــــه ,,
بنت العطاوي
10-10-2010, 10:18 PM
انا ضد بس إذا ولدهم الوحيد الله يعين مع السكن معهم علشان يهتم في اهله ((من اجل عين تكرم مدينه))
طيب مع او ضد....زواج الاخت الصغيره قبل الكبيره
عبدالله الغنامي
10-10-2010, 10:37 PM
مــــــــــع

اذا جاها نصيبها الله يستر عليها :p

طيب مع أو ضد

أجبآر البنت على الزواج من ولد عمها / أو الولد من الزواج من بنت عمه ..؟
بنت العطاوي
10-10-2010, 10:51 PM
ضد وبقوه
كل شي ممكن يجبر عليه الا الزواج لانه مو يوم ولا يومين هذي عشره عمر لازم يكون فيها ارتياح وقبول
طيب مع او ضد..... انك تقول اسرارك ل (صديق عمرك)
عبدالله الغنامي
10-10-2010, 10:55 PM
ضـــــــــد

انا مستحييييييييل أأمن في أحد الا اذا كان صديق وقريب في نفس الوقت :p

لكن صديق بس نو,,,,,,,,,,

طيب نفسه ,,,,,,,,؟
بنت العطاوي
10-10-2010, 10:58 PM
ضد وبقوه شكلك موسوس مثلي انا مستحيل اقول اسراري غير لأمي وخواتي بس
طيب مع او ضد... النوم في القاعه
عبدالله الغنامي
10-10-2010, 11:00 PM
^^
لا والله ماني موسوس وانا اخوك بس الحذر واجب :p

القاعه حددي قاعة الإمتحانات مثلاً او قاعة المحاضرات او او او ؟...

اذا كان في الامتحان انصح فيه بعد الإنتهاء من الأختباار << الله لا يعيدها الاختبارات بس

وشسمه اذا كان في المحاضره لاااااع ضد وبقووه لأن الدكتور ماراح يجلس وراك ويقول لك قوم قوم بسلامتك نمت ولا صحيت :pنفسووووو
بنت العطاوي
10-10-2010, 11:13 PM
في قاعة المحاضرات
انا مع لان السهر يخلي الواحد ينام غصب
عبدالله الغنامي
10-10-2010, 11:17 PM
طيب وشوله السهر :p

مع أو ضد

الدخول في تخصص من التخصصات الأدبيه مع العلم انك في الثانوي كان تخصصك علمي :o
بنت العطاوي
10-10-2010, 11:28 PM
السهر غصب صار عاده

مع
مافيها شي اهم شي تكون مرتااح لتخصص ذا
عبدالله الغنامي
10-10-2010, 11:30 PM
^^
طيب ليه ما حطيتي شي عشان اقول مع أو ضد :p < < هآ هآ هآ

طيب مع أو ضد

الأسوآق والمجمعات التجاريه كلها عوآئل الا وقت الصبآح مدري يحسبون الشبآب ديآكه يصحون من صبآح ربي :p
بنت العطاوي
10-11-2010, 01:13 AM
ضد
حرام ليش الشباب محرومين من كل شي خلهم يختلطون بالناس وراح يملون لان كل ممنوع مرغوب
بعدين نصيحه الاسواق والمجمعات التجاريه الصباح احلا وبالذات المملكه
طيب مع او ضد....الرد على كبار السن إذا كانوا على خطاء ومحاولة تصحيح الخطاء لهم
عبدالله الغنامي
10-11-2010, 01:45 AM
ضــــــــد

عندنا كبار السن مهما تقول ومهما تسوي انت خطاء وهم صح عشان كذا خل القافله تسير :p

نفســــــه ..,
بنت العطاوي
10-11-2010, 02:20 AM
ضد
حتى لو خطأهم كبير
من الاحترام لهم انك تسكت والشكوى لله
عبدالله صدقت في كلامك لان مهما كبرت تظل في عيونهم بزر ماتعرف شي
وهم دايم صح وعلى حق
طيب مع او ضد...لبس عباية الكتف في الاماكن العامه
عبدالله الغنامي
10-11-2010, 04:17 PM
ضـــــــــــــد وبقوه

نفسه .,,,,
بنت العطاوي
10-11-2010, 06:22 PM
ضد وبقوه
مدري وش يحسون فيه اللي يلبسون العبايات ذي في الاسواق؟؟؟!!!!!
طيب مع او ضد... الغيره على شخص ولا همه احساسك
عبدالله الغنامي
10-11-2010, 07:14 PM
^^
ضـد , لا تغار الا على من يهمك وتهمه

مع أو ضد

اخذ العائله والذهاب الى المنتزهات والأماكن العامه .؟
بنت العطاوي
10-11-2010, 07:38 PM
مع وبقوه
ليش العائله مو من حقها تطلع وتستانس
نفسه
عبدالله الغنامي
10-12-2010, 06:27 AM
مـــــــــع ,, لكن في حدود المنطق والمعقول اماكن تكون كلها عوائل صح لكن اماكن اختلاط لاع

نفسه
الامير
10-12-2010, 03:15 PM
مشكور اخي العزيز على موضوعك الرئع دمت متميز
عبدالله الغنامي
10-12-2010, 06:33 PM
^^
الشكر لك الأمير لكن الموضوع متجدد ماهو بس تضيف مرورك وترووح :p

طيب مع أو ضد

الأختلاط بالناس وتكوين الصدآقآت مع أي شخص..؟
بنت العطاوي
10-12-2010, 06:45 PM
مع الاختلاط مع الناس بس تكوين علاقات صداقه قويه صعب مع اي احد لابد من اختيار الاصدقاء بحذر مواي واحد تصادقه
نفسه
عبدالله الغنامي
10-12-2010, 07:17 PM
الأختلاط م الناس يكسبك خبره فيهم اما بالنسبه لتكوين الصداقات انا عقدتي الوحيده تكوين الصداقه :p

طيب مع أو ضد

نـظآآآآم سآهر ..؟ :p
بنت العطاوي
10-12-2010, 07:57 PM
اممممممم
ساهر ذا مالي شغل فيه اخلي اللي بعدي يرد
كاسر الحوم
10-13-2010, 01:47 PM
طبعا مالك شغل فيه . الله يستر لو تسوقن . جبتن العيد ..

. وبالنسبه لساهر , والله منه فائدهـ . اولا تقليل الحوادث . من الناس المتطفلين اللي يجي يمشي ميتين .هذه العينه .

نصهم مايركدهم الى ساهر. وبالنسبه . ان ساهر زودها في نفس الوقت . وانا اقول . ضد ساهر في حاله القسائم .

يعطيك قسيمه خمس ميه ريال وانت تمشي ميه وخمسين . واقول اني في نفس الوقت مع ساهر , عشان الجهال

والحوادث ... والسرعه غير القانونيه ...


طيب مع او ضــد ..

نظام السعودهـ،،
عبدالله الغنامي
10-13-2010, 08:20 PM
^^
مـــــــــــع ,,, مـــــــــــــع ,, مـــــــــــــــع

لكن ما هو سعوّدة سووق الخضره :p

يعني السعوده في جميييع القطاعااآت اللي سمعنا فيها ولا شفناها ,


نفـسه ,,...
عبدالله الغنامي
10-15-2010, 05:20 PM
بما إن ماحد جاوب

اجل مــــــــع

طيب مع أو ضد

تشابك الأيدي بين الأزوآج .. في الأسواق والأماكن العامه ..,؟؟ :p
بنت العطاوي
10-19-2010, 04:36 PM
مع
عادي مافيها شي (نبي شوي رومانسيه)
طيب نفسه..
عبدالله الغنامي
10-19-2010, 10:45 PM
مـــــع :$

طيب مع أو ضد

الحرب ضد إيرآن ..؟ :p
مخاوي الذيب
10-20-2010, 12:07 AM
والله ما ندري
عبدالله الغنامي
10-20-2010, 03:28 AM
ليه ما تدري ..؟ :p

نفسسه
بنت العطاوي
10-20-2010, 06:42 AM
ضد
انا مع السلام والامن في كل مكان ((لا للحروب والدمار ))
نفسه
عبدالله الغنامي
10-20-2010, 11:08 AM
مــــــــــــــع

خلنا نكسر شوكة المجووس والشيعه الله يلعنهم :@ << حاقد

طيب مع أو ضد

فيتامين واااآآو { الوآسطه }
مبارك حمد الغنامي
10-20-2010, 11:14 AM
فيتامين واو مفيد جداً ودام الدعوى زمبليطه مع بس عساها تفيد خخخ

مع أو نظام ساهر كنظام له إنعكاسات إجتماعيه وأمنيه ؟
مخاوي الذيب
10-20-2010, 02:32 PM
انا مع الحرية الشخية مادامت تحت مظلة الاسلام ومتبع فيها هدي النبي صلى الله علية وسلم
عبدالله الغنامي
10-20-2010, 07:20 PM
ضـــــــــد نظام سآهر

طيب مع أو ضد

نظام (( تـم )) :p

راح يجينا نظاام اسمه اقدع ههههههههههه على قولة واحد الله يستر عليه .
بنت العطاوي
10-20-2010, 07:23 PM
المشاركة الأصلية كتبت بواسطة عبدالله الغنامي http://www.gnanim.com/vb/images/gnanim/buttons/viewpost.gif (http://www.gnanim.com/vb/showthread.php?p=35846#post35846)


http://www.gnanim.com/vb/clear.gif
ضـــــــــد نظام سآهر

طيب مع أو ضد

نظام (( تـم )) :p


راح يجينا نظاام اسمه اقدع ههههههههههه على قولة واحد الله يستر عليه .






عبدالله وضح السؤال وش تم؟؟؟
عبدالله الغنامي
10-20-2010, 07:30 PM
نظام تم هذا نظام جديد يطلع اللوحات اللي مغطينها عن سآهر :p

نظام مروري يعني مثل ساهر وغيره من الأنظمه اللي مدري وش تبي :p
بنت العطاوي
10-20-2010, 07:36 PM
ماعندي اي فكره عنه :d
اترك اللي بعدي يعلق
بس هذي اخر مره لكم تجيبون سؤال عن السيارات والانظمه
حقتها :pمانعرف عنها شي:d
كنت ابي اسوق وكرهتوني في السواقه:d
عبدالله الغنامي
10-20-2010, 07:37 PM
طيب انا مـــــــع وضد نظام سآهر لكن اللي يتحايل ع الدوله ويغطي اللوحه مسوي فيها ذيب انا ضد تسذا :p

طيب مع أو ضد

ان يكون العام الدراسي يبداء مع بداية العاام ..؟
ضابط ؛ خـفـر
10-22-2010, 09:09 PM
مع

مع أو ضد الكتابات على ابواب المدارس أو الجدران ؟
عبدالله الغنامي
10-23-2010, 02:48 AM
هههههههههههههههههه

ضـد لكن الشعب ما يخلي حركاته :p

مع أو ضــد ,,,

أستخدام الجلد في توبيخ الطلاب أو الطآلبآت ..,,؟
أرستقراطي
10-27-2010, 10:51 PM
مع قلباً وقالباً ,

ياخي أموت ولا أنسى أيام مبطي ( الله يذكر أيام , الللي - الهوز - البرتقالي حق الكهرب )

طيب خلونا نشطح بكم شوي

مع أو ضد سياسة الاعلام السعودي في الاونه الاخيرة

.
بنت العطاوي
10-27-2010, 11:22 PM
ضد وبقوه
طيب مع او ضد السكوت عن حقك وانت تشوف غيرك ياخذ مكانك اللي انت احق فيه منه
عبدالله الغنامي
10-28-2010, 12:40 AM
^^^
ضـد .. لكن اذا صار ما باليد حيله الشكوى لله :)

مع أو ضـد

أن يكون نظام الحكم جمهوري ...؟ :p << جبت العيد
بنت العطاوي
10-29-2010, 01:56 PM
ضد
طيب ......نفسه
عبدالله الغنامي
11-02-2010, 12:51 AM
امم :p

ضـد :p

مع أو ضد

فيتآمين { وآو} { الواسطه}
غنامي ضايع
11-02-2010, 03:17 PM
ياخي عليكم طلعات فيه مثل يقول خالف تعرف وانا بناء علي هالمثل ابي اجي عكس في كل حاجه \ وشرايك ضفر صح \
بنت العطاوي
11-02-2010, 04:46 PM
تبي الصراحه عبدالله
انا مع الواسطه لان الحين كل شي يمشي بها وش نسوي زمن معكوس
طيب نفسه
كاسر الحوم
11-04-2010, 08:18 PM
مع في حاله ان الواسطه لاتضر احد تاتي بمصلحت شخص ولاتضر اشخاص انا مع ...


اما اذا كانت الواسطه تضر اشخاص وتاتي بمصلحتي انا وفيها ظلم لا كذ1 اكون ضد ..

نفسه ..
عبدالله الغنامي
11-05-2010, 01:20 PM
مـع كلام كاسر الحوم ^^

طيب مع أو ضد

التسامح في كل شي حتى لو تعدى عليك الأخرين ..؟
عبدالله الغنامي
11-15-2010, 09:12 PM
ورآو لهادرجه السؤال صعب :p

...,
أبو إياد
11-16-2010, 12:43 AM
ضد وليس مع التعدي
ومع العفو عند المقدره
بنت العطاوي
11-23-2010, 06:33 AM
مع
التسامح
في حدود بس مو كل من غلط علي اسامحه وين الكرامه
واللي مايغلط على احد من الناس مايسمح لـ الناس تغلط عليه

طيب...نفسه
عبدالله الغنامي
11-23-2010, 10:31 AM
في حدود المعقول مع

لكن اذا زاد الغلط لابد من المعآرضه والمطالبه بالحقوق ,

مع أو ضد

إن تصرف للطلاب مكافئات كما سمعنا في الأونه الأخيره { طلاب المدارس طبعاً وليس الجامعات }
مخاوي الذيب
11-23-2010, 08:38 PM
ما ضنيت والله :no: بعدين يعطونهم فلوس لية :confused: نحمد الله تعالي تعليم مجاني :shiny01: الله يرحم ايام زمان التعليم مع الضرب والتعليق بالرجلين في الفسحة يتجمعون عليك الفراشين يمسكونك ثم فلكة لين تحرول :icon1366::icon1366:

انا ضد
عبدالله الغنامي
11-24-2010, 07:27 AM
^^
ههههههههههههههههههههههههههههههههه

اي والله الله يرحمها ايام

طيب انت ضد وانا ضد بعد

خلنا نشوف الباقين ,,

نفسسه
بنت العطاوي
11-24-2010, 12:18 PM
انا رايي من رايكم ضد
قلب جدتي
11-25-2010, 12:40 AM
بالنسبة للموضوع الاساسي وهو صرف مكافئة للطلاب في التعليم العام

هذا مو قرار جديد هو فعلا تصرف لكن للقرى الصغيرة المنتشر فيها الامية

مناطق في الجنوب مثل القرى التابعة لبيشة وغيرها

وطبعا انا معها في هذي الحالة لانها حافز لطلب العلم

لكن صرف مكافئة لطلاب المدارس على العموم بصراحة هناك جهات أولى

يعني تضيع الفلوس في يد بزران ومخلي تطوير الوسائل التعليمية أو ترميم المباني

يكوووون غباء صراحة

طيب مع أو ضد

فتح مراكز رعاية الفتيات ترعاها الحكومة مثل الرئاسة العامة لرعاية الشباب لكن خاصة بالبنات
كاتم الأحزان
11-26-2010, 06:24 PM
مشكووور عبد الله الغنامي بس مافهمت تقبل مروري
عبدالله الغنامي
11-27-2010, 08:57 AM
^^
كاتم الأحزان هذا موضوع متجدد تشوف وش قال العضو اللي قبلك يطرح فكره انت تقول مع هالفكره او ضدها وتضع فكره اخرىا يعني ما اعتقد انه بهالصعوبه يالغالي :)

شسمه قلب جدتي انا مع لكن ما يكون فيه تصوير وعرض مباريات وبطولات وغير ذالك يعني ترفييه فقط :)

نفسه