طلال الغنامي
05-07-2009, 11:13 AM
السلام عليكم ورحمة الله وبركاته
قصيده للشاعر سعد بن عسير الغنامي يرحمه الله
قصتها بعد الكمام عندما مر الشاعر ذات يوم واذا بالشيخ صالح بن حمد المغيري جالسن لحاله يغني وقد تردت
احواله بعد ماطرحه الكبر فتذكر سعد الوقت الاول وتهيض وهاجت قريحته بالدرر التي تداولتها الاجيال الى اليوم
يقول سعد:
.
هيّض علي اللي يجرّ الغَنَاني = في راس مرقاب ٍ مويق ٍ لحاله
في راس مرقاب ٍ شمال المحاني = يجرّ صوته لين لجّت حِياله
دارك عليّه يالمغنّي تراني = صبري قليل وخاطري به زَعاله
هيّضتني واخلفتني من مكاني = واخلفت قلبي لين لجلج محاله
يابن حمد خلك صبور ٍ امساني = وماراح من شي ٍ على الله بداله
منوّل تسوق مشرهفات الاذاني = شول ٍ يقهّر له خلافه عياله
تسوقهن مع البِرَق والطماني = وواد الجرير اليا اعتقب نبت جاله
مع الاد روق مشيّدين المباني = يرعون نبته مع جراير خياله
يرعون نبته بالجنوب المتاني = فالوقت الاول يوم لحقه مجاله
سلفان عوج ٍ ماتشيل العواني = تخضّ نجد اليا تطارد ارهاله
وان جاهم العسّاس والنبت حاني = ذكرلهم نبت ٍ جديد ٍ خياله
شدوا طلوع الشمس من كل شاني = ووقت العشي كل ٍ موطّن رحاله
وان وايق الصايح براس البياني = وقال افزعو ذودي غدوبه رجاله
عنّو من العذره بنات الحصاني = وكل ٍ فصخ عن مِرشحتها جِلاله
وركبوا علاهنه وركبنهن جناني = قامت تصاهل ماتردّه حباله
ولحقوا على خمس وثلاث وثماني = وكل ٍ نهضها فازع ٍ من قِباله
هذاه معه مصقّل ٍ هندواني = وهذا معه شلفا تحزّم بشاله
تطلّقوا مثل القطا السرّحاني = وغطّا نفلها نايف ٍ من جباله
لحقوا قطيع ٍ غادي ٍ به فلاني = وحاسوه في حزم ٍ تطارد سهاله
وردّوه كيد ٍ غصب ماش ارضياني = بشلف ٍ تبارق في يداهم سِلاله
........................... = ............................
وبرقا على ايمنهم تضد اقحطاني = وتردهم يمّ اليمن عن شماله
اسفل منازلهم طويق اليماني = يكفّ منزلهم شناخيب جاله
في راي من يروي رهيف السناني = خيّال زيزوم الرمك في اقتاله
وخيّال عفراً ربّعت فالمثاني = حامٍ الها واد الرشا من عَيَاله
..
والقصيده اطول من ذلك ولكن هذا ما توفر لدي واعذروني على القصور
وارجو من لديه اضافه او تعديل لا يبخل علينا لحفظها وتوثيقها فالمنتدى
ودمتم سالمين
طلال الغنامي
قصيده للشاعر سعد بن عسير الغنامي يرحمه الله
قصتها بعد الكمام عندما مر الشاعر ذات يوم واذا بالشيخ صالح بن حمد المغيري جالسن لحاله يغني وقد تردت
احواله بعد ماطرحه الكبر فتذكر سعد الوقت الاول وتهيض وهاجت قريحته بالدرر التي تداولتها الاجيال الى اليوم
يقول سعد:
.
هيّض علي اللي يجرّ الغَنَاني = في راس مرقاب ٍ مويق ٍ لحاله
في راس مرقاب ٍ شمال المحاني = يجرّ صوته لين لجّت حِياله
دارك عليّه يالمغنّي تراني = صبري قليل وخاطري به زَعاله
هيّضتني واخلفتني من مكاني = واخلفت قلبي لين لجلج محاله
يابن حمد خلك صبور ٍ امساني = وماراح من شي ٍ على الله بداله
منوّل تسوق مشرهفات الاذاني = شول ٍ يقهّر له خلافه عياله
تسوقهن مع البِرَق والطماني = وواد الجرير اليا اعتقب نبت جاله
مع الاد روق مشيّدين المباني = يرعون نبته مع جراير خياله
يرعون نبته بالجنوب المتاني = فالوقت الاول يوم لحقه مجاله
سلفان عوج ٍ ماتشيل العواني = تخضّ نجد اليا تطارد ارهاله
وان جاهم العسّاس والنبت حاني = ذكرلهم نبت ٍ جديد ٍ خياله
شدوا طلوع الشمس من كل شاني = ووقت العشي كل ٍ موطّن رحاله
وان وايق الصايح براس البياني = وقال افزعو ذودي غدوبه رجاله
عنّو من العذره بنات الحصاني = وكل ٍ فصخ عن مِرشحتها جِلاله
وركبوا علاهنه وركبنهن جناني = قامت تصاهل ماتردّه حباله
ولحقوا على خمس وثلاث وثماني = وكل ٍ نهضها فازع ٍ من قِباله
هذاه معه مصقّل ٍ هندواني = وهذا معه شلفا تحزّم بشاله
تطلّقوا مثل القطا السرّحاني = وغطّا نفلها نايف ٍ من جباله
لحقوا قطيع ٍ غادي ٍ به فلاني = وحاسوه في حزم ٍ تطارد سهاله
وردّوه كيد ٍ غصب ماش ارضياني = بشلف ٍ تبارق في يداهم سِلاله
........................... = ............................
وبرقا على ايمنهم تضد اقحطاني = وتردهم يمّ اليمن عن شماله
اسفل منازلهم طويق اليماني = يكفّ منزلهم شناخيب جاله
في راي من يروي رهيف السناني = خيّال زيزوم الرمك في اقتاله
وخيّال عفراً ربّعت فالمثاني = حامٍ الها واد الرشا من عَيَاله
..
والقصيده اطول من ذلك ولكن هذا ما توفر لدي واعذروني على القصور
وارجو من لديه اضافه او تعديل لا يبخل علينا لحفظها وتوثيقها فالمنتدى
ودمتم سالمين
طلال الغنامي