نبذة قصيرة

[المحترف]

بسم الله الرحمن الرحيم
السلام عليكم ورحمة الله وبركاته
نبذة قصيرة كتبتها على عجاله واتمنى تنال اعجابكم ومناسبتها هنا في المنتدى وصلتني اخبار
ان واحد من الربع يحاول معرفة من هو المحترف حتى انه توقع انني لست من القبيلة ههههه
وحبيت احط عن المحترف نبذة قصيرة
((( نبذة قصيرة )))

الا ياناشدن عني تفضل = وماللطيب عندي غير طيب
ترى الأسماء فالنت معروفه = لقب جاني ولابه مايعيب
لقب من شاعرٍغالي وأعزه = مثل مالقبو تغلب كليب
وانا الي محترف نظم القوافي = ارتبها وانا فيها الأديب
ولي فالبحر لاجيته مهابه = يصيب امواجه الشمَخ نحيب
انا من لولو البحر اتخير = وغيري يعسف الرك الرتيب
انا الجربان ربعي يامنشًد = عما عين المعادي و الحريب
وخالي جده الثالث جويعد = نفسهم يكسر العضم الصليب
ذوي شعوي هلي من لاعرفهم = هل الوقفات فاليوم العصيب
وكم من عايلٍ ذاق المنيه = سبب سطواتهم ماله طبيب
يعرفون المواقف وتعرفهم = وعندي شاهد القول الصويب
كرام ضيوفهم تذكر كرمهم = على طيب الشبب صدرٍ رحيب
ولابه زود عن باقي القبيلة = لهم ميراث من نفس القليب
لهم جينات من غنام الاول = وراثة جد مافيها طليب
غنانيمٍ لهم فالمجد عزه = مواقف تجعل الجاهل يشيب
وهذا موجز ونبذه قصيرة = جواب الي يظن اني غريب
المحترف دمتم بوود

[يوسف الغنامي]

ونع ـم فيك وسبب قولك القصيدة هو سؤال أحد أعضاء هذا المنتدى هو ان فيه واحد سئلك عن اسمك ورفضت الاجابه واكتفيت ان تبين انك من ذوي شعوي ونع ـم وسسبعت انعام فيك :msn-wink:

[ناصر حامد الغنامي]

ونعم والله يالمحترف اسم على مسمى . والله يبارك في السؤال اللي خلاك تكتب هذه القصيدة الجميلة التي تعتبر بمثابة سيرة ذاتية لك .

تقبل مروري وخالص تحياتي .

[المحترف]

ونع ـم فيك وسبب قولك القصيدة هو سؤال أحد أعضاء هذا المنتدى هو ان فيه واحد سئلك عن اسمك ورفضت الاجابه واكتفيت ان تبين انك من ذوي شعوي ونع ـم وسسبعت انعام فيك :msn-wink:

لايايوسف ماسألني سأل ناس عن اسمي ومن اكون وهم وصلو لي المعلومه انه سأل عني وسؤاله مافيه شي بس كان فكرة لي اكتب هالابيات يالغالي وسلامتك

[المحترف]

ونعم والله يالمحترف اسم على مسمى . والله يبارك في السؤال اللي خلاك تكتب هذه القصيدة الجميلة التي تعتبر بمثابة سيرة ذاتية لك .
تقبل مروري وخالص تحياتي .

الجمال والروعه في مرورك يابوحامد ومشكور على هالأطراء

[المحترف]

ونعم والله يالمحترف اسم على مسمى . والله يبارك في السؤال اللي خلاك تكتب هذه القصيدة الجميلة التي تعتبر بمثابة سيرة ذاتية لك .
تقبل مروري وخالص تحياتي .

ناصر اذا تكرمت ابيك تتواصل معي خذ ايميلي ولا ارسل لي ايميلك

وياليت الادارة تفتح عندنا الرسائل الخاصة عن طريق المنتدى اوا انا ماعرفت ارسل لاحد

يابو حمد شوفو لنا الوضع

[مِسّيَرّ]

غنانيمٍ لهـم فالمجـد عـزه=مواقف تجعل الجاهل يشيـب

االله الله يالمحترف ..
ماقول الا صدق من سمّاك المحترف ..

[المحترف]

غنانيمٍ لهـم فالمجـد عـزه=مواقف تجعل الجاهل يشيـب
االله الله يالمحترف ..
ماقول الا صدق من سمّاك المحترف ..

ماعليك زود يامسير وصح اختيارك وشاكر مرورك

[ناصر حامد الغنامي]

ناصر اذا تكرمت ابيك تتواصل معي خذ ايميلي ولا ارسل لي ايميلك
وياليت الادارة تفتح عندنا الرسائل الخاصة عن طريق المنتدى اوا انا ماعرفت ارسل لاحد
يابو حمد شوفو لنا الوضع



أهلاً وسهلاً بك أخي المحترف ويشرفني التواصل معك ولكن نظام الرسائل الخاصة مغلق حالياً وهذه المشكلة نعاني منها جميعاً وأرجو من أبو باسل ومسير السماح بالرسائل الخاصه للتواصل مع الأعضاء

[أبو جمانة]

ونعم فيك وفي ربعنا

طبعاً فيه إبداعات شعرية من إخواننا الغنانيم ولكنهم يخفون أنفسهم بأسماء مستعارة .

وطبعاً نور إبداعاتك يالمحترف لا يمكن أن يتأثر تحتى مسمى أي معرف .

[نادر سمايل]

بسم الله ماشاء الله قصيده تنبئ عن مولد شاعر ذو شأن عظيم ,,,هنئياً لكل غنامي .
واعجبني جداً بيتك ... لهم جينات من غنام الاول /// وراثة جد ما فيها طليب .
يدل على خلفيه علميه متقدمه . مشكوووووور والله يعطيك الف عافيه .

[سطام الغنآمي]

لحفظ الحقوق انا مع تغيير الالقاب ووضع الاسم الحقيقي .. ويوضع اللقب تحت الاسم الحقيقي

شاعر يالمحترف وعساك للقوه وصح لسانك..

[المحترف]

ونعم فيك وفي ربعنا
طبعاً فيه إبداعات شعرية من إخواننا الغنانيم ولكنهم يخفون أنفسهم بأسماء مستعارة .
وطبعاً نور إبداعاتك يالمحترف لا يمكن أن يتأثر تحتى مسمى أي معرف .

الأبداع يابو جمانه مروركم على متصفحي المتواضع وأشكرك على الاطراء

دمت بوود

[المحترف]

بسم الله ماشاء الله قصيده تنبئ عن مولد شاعر ذو شأن عظيم ,,,هنئياً لكل غنامي .
واعجبني جداً بيتك ... لهم جينات من غنام الاول /// وراثة جد ما فيها طليب .
يدل على خلفيه علميه متقدمه . مشكوووووور والله يعطيك الف عافيه .

مشكور على الأطراء نادر سمايل تحياتي لك

[المحترف]

لحفظ الحقوق انا مع تغيير الالقاب ووضع الاسم الحقيقي .. ويوضع اللقب تحت الاسم الحقيقي
شاعر يالمحترف وعساك للقوه وصح لسانك..

صح كلامك
وصح بدنك
سطام مرورك يسعدني

[حمد السندي]

أنا اشهد أنك شاعر
وبيض الله وجهك على هالنبذة
وقصيدة في محلها
أشكرك
وتقبل مروري.

[المحترف]

أنا اشهد أنك شاعر
وبيض الله وجهك على هالنبذة
وقصيدة في محلها
أشكرك
وتقبل مروري.
شهاده اعتز فيها ياحمد اشكرك على الأطراء والشاعر والله مقبول السندي ومن مثله ولاانا والي مثلي مانجي في بحر مقبول نقطه الله يرحمه ويرحم موتا المسلمين ,
وبيض الله وجهك ومن يسمع