جيب vx.r يتم سحبه بواسطة جيب شروكي

[ناصر حامد الغنامي]

جيب VX.R يتم سحبه بواسطة جيب شروكي :D
قام أحد ابناء عمومتنا بسيارته البريه بأسعاف عائلة كانت سيارتهم متعلقه في نفود الدهنا


وقام ايضا بسحب سيارة يوكن في نفس المكان ولم يتم تصويره لرفض صاحبه


http://www.youtube.com/watch?v=Bkk41GXPufs&feature=channel_page

[يوسف الغنامي]

شفيه الجيب طافي ولا وش قصته لأن من الفيديو مدري وش مخليه يوقف اصلن

[الراسي]

السلام عليكم

اشوف الجيب كنه متعلق فوق الطعس ولا وش سالفته طايح الطيحه ذي

[يوسف الغنامي]

والله اني مدري بعد بس شكله متعلق موب زين الجيب < اللي ما يطول العنب :p

[ناصر حامد الغنامي]

شفيه الجيب طافي ولا وش قصته لأن من الفيديو مدري وش مخليه يوقف اصلن
الجيب متعلق في راس الطعس والشروكي يسحبه
والمشكله ان مخرجنا مااحسن اخراج الصورة

[مِسّيَرّ]

:) كفوو الشيروكي وراعيه

[الـــحـــر]

;) ماني بخابرن ابوصعفق حق بران
شكل ابوعمر أعداه:p

[حاتم بن حمد الغنامي]

السلام عليكم ورحمة الله وبركاته

بدأت المنافسة بين الجيوب الشوروكي والفي أكس آر

الله يعين الي ماعنده منها شيء:)

[نادر سمايل]

OF OF OF :eek: الشيروكي ( جيب الحضر ) يسحب V X R هزلت :D

[يوسف الغنامي]

بشتري فكس عار

[عبدالمحسن الغنامي]

مكينة الشروكي اقوى من الفكسار والبترول اقوى منهن كلهن

[سطام الغنآمي]

فكس عار :D

عندنا زيووه :rolleyes:

الحين دريد بن الصمه غنامي؟؟؟؟

احسبنه واحدن مسجل بالغلط!!:D

[ناصر حامد الغنامي]

السلام عليكم ورحمة الله وبركاته

اشكر جميع الاعضاء على مرورهم الجميل

[الـــحـــر]

فكس عار :D
عندنا زيووه :rolleyes:
الحين دريد بن الصمه غنامي؟؟؟؟
احسبنه واحدن مسجل بالغلط!!:D
يذكرون انه غنامي :p

بس بدون سيف :D

[يوسف الغنامي]

ان كانهو غنآمي فهذا يدل على انه مثقف مررررررره مررره هههه بس ما عاد شفناه

[سطام الغنآمي]

يارجال قم تسوح في المنتدى ..وانت مسنتر عند جيبك

محد بسارقه:p

[يوسف الغنامي]

بس لا وقفت الجيب عند المنتدى خل المفتاح فيه نبي ناخذ لفه فيه انا وسطام وعبدالمحسن والشبآب حقين المنتدى نبي نروح القصيم عند لغف احمد ونسوي زيطه هنآك ههههههه ونسعف ونسوي فيها انا حنا العيال اللي اقوى شي في العالم

[يوسف الغنامي]

لغف احمد ))<< هذا ياطويل العمر مكان يتجمع فيه جميع انواع الشباب في القصيم عرابجه زاحفين خكاريه كول دلوخ خبول عاهات نفسيه ضغوطات اجتماعية خسائر اسهم كل اللي تبي تلقاهم وكل واحد معه سياره حالف انه ليخليها تبكي وتقول ليتني صرت زنوبه يادافع البلاء

يقع بين بريدة وحي المطار ...

من الساعه 2 الظهر لين المغرب وانواع التطعيس يوم الجمعه هو اللي تلقى فيه زحمه باقي الايام نص زحمه وكنت اربع وعشرين ساعه فيه كان معي باترول نيسان كانو مسميني الغنامي الوحش الرويوس المتمكن القاضي الحارق المارق لأني كنت لا جيت خليت كل المواتر توقف ورى تفرج واسوي حركات بهلوانيه الجيب مسميه حسين وكل اصدقائي يدرون ان اسمه حسين ايام ياشيخ < اووووماااا هاذي ياشيخ صعبه

[يوسف الغنامي]

الثمامه ياولد اسكت بس هاك اليوم اطعس على جيب فكس عار حق خالي لو درى قتلني واطعس واتسابق انا وواحد عصيمي من اهل مكه تعرفت عليه في راس طعس رقيت الا هو معي كيف الحال ما شاء الله جيبك زين وعزمه زين قلت ايه وانت الشاص حقك كويس قال موب حقي حق الشايب قلت انا بعد سارقه لين المفتاح حق الجيب اللي معي مكسور القطعه السوداء اللي على المفتاح مغير اشغله بالحديده يعني لو تركب معي تقول اني سارقه هههههه طعسنا شوي الا العالم متجمعه على شي وضحك قال العلم ويش قلت مدري تبينا نروح نشوفهم قال ايه مشينا رحنا يمهم يوم جينا لقينا بزر على جيب لكزس مغرس وناشبن له عتيبي زاحف يقول بسحبك والبزر يقول لا وعيا يفتح الباب حق السياره ومقفل كل شي ويتليميون عليه الناس يصورونه واللي يقول نبي نحطها في المنتدى واللي يقول نبي نسوي ونفعل عاد انا وقفت اتفرج العتيبي الملحوس قال وخرووو وخررووو وركب على كبوت الجيب وقال خمس طعشر ريال من يزود من يزوووووووووود وفتحوا الحراج على الجيب اللكزس المغرس يعني شي خيال ههههه

[إياد الروقي]

مشكور على الموضوع

[عـبـد الـعـزيـز الـروقـي]

مشكور على الموضوع
تقبل مروري

[سلمان العطاوي]

مشكور والله يعطيك العافيه
على الموضوع المميز
دمت....................بخير