الطبخـــه

[ابو فراج]

قصيدة الشاعر فراج غريب الغنامي رحمه الله
http://img101.herosh.com/2009/04/10/360831508.jpg (http://www.herosh.com)

صلح لي الطبخه تراى الراس منداش=بعدن عن اللجات فلة حجاجي
ثم قرب اللي فزته سبق الارماش=جاء فالبواخر قاطعات الهماجي
متخيره من شركته والثمن كاش=وافق مزاج امصممه مع مزاجي
يفز مثل الطير يوم القدم ناش= بنزيمه اللي يوصله للبواجي
صافي وجاين له مع الحزم نشناش=نشناش ندرن عقبه السيل راجي
عليه صندوق المعاميل وفراش=واخلاص من عند الحمد والعواجي
ابا اخذ اغراضي وابا روح طراش=متذكرن بيت الشعر والسراجي
ابغى ديارن حبها ابلشني ابلاش=ريحت هواها لضماير علاجي
لوكان شوف البر مايبرد الجاش=يكسر صميم القلب كسر الزجاجي
راحت صحاري نجد صاجن ومنقاش=وش ياخذ المنقاش من بطن صاجي
والبر باقن به بطانيج واخياش=واكوام رملن مع دروب العجاجي
واهل الدبش خلوه والعامل انحاش=وانته ليابرقت مامن خراجي
ياعاشقن بيض الصحاري والادباش=رد الشبوك ودها للحراجي
واجلس على التلفاز واسمر على طاش=واصبر على ريح السمك والدجاجي
عش بين حمران الجلامد والاحباش=عيشت غريبن عن مرابيه لاجي

[عزيز النفس]

الله يرحم الشاعر فراج ..

ويسكنه فسيح جناته ..

وبيض الله وجهك على نقل قصائد والدك رحمه الله ..

ونتمنى منك تزويدنا ايضا بالبقيه ..

ونتمنى منك وضع قصائدك انت !!!

ولا يخفى علينا انك شاعر ومعروف !!

وشكرا ..

..

[ابو فراج]

جزاك الله خير ياعزيز النفس
واشكرك على مرورك
تحياتي لك يالغالي

[غيمار]

الله يرحم الشاعر فراج الغنامي

ويعطيك العافيه على ايراد القصيد

[عبدالمحسن الغنامي]

يعطيك العافيه على الايراد
نتمنى نشوف قصائدك

















تقبل مروري

[ابو فراج]

تسلم ياغيمار
وشكرك على مرورك
تحياتي لك

[ابو فراج]

اشكرك مرورك يا عبدالمحسن

وبالنسبه الى قصائدي عن قريب

تحياتي لك

[غنامي]

قصيدة رائعه رحم الله الشاعر وشكرا على الايراد
وأنتظر المزيد

[ابو فراج]

الله يقبل منك يالغنامي
واشكرك على المرور
تحياتي لك

[حاتم بن حمد الغنامي]

السلام عليكم ورحمة الله وبركاته

حياك الله يبو فراج وشعر فراج بن غريب رحمه الله تعالى من أجزل شعر

الغنانيم بدون مبالغة ولاأدري لماذا تطرب لشعره الاسماع ولكن كما ذكرت

سابقا أنه من شعر السهل الممتنع الذي يصعب على الكثير الأتيان بمثله .

وكما وعدتك سابقا سيكون لفراج بن غريب ديوان الكتروني خاص به إن شاء

الله تعالى وهو قليل في حقه رحمه الله تعالى وننتظر فقط الانتهاء من تركيب

الديوان الالكتروني خلال اسبوع أو عشرة أيام بالكثير إن شاء الله تعالى ،

وسيكون ثورة في عالم المنتديات القبلية إن شاء الله تعالى لأنه سيحتوي

على أعلام شعراء الغنانيم ومنهم والدك رحمه الله.

[غنامي]

وفقكم الله جميع وخطوات مباركه وجهود مشكوره ياحاتم

[ابو فراج]

بيض الله وجهك ياحاتم بن حمد الغنامي
وجعلك تسلم يالغالي
ويشرفني مرورك
وهذي ماهي كثيره على واحد مثلك
وأشكرك جزيل الشكر على المتابعه
وتحياتي لك يالغالي

[عين الذيب]

مساكم الله بالخير
ومشكور يابو فراج على هالجواهر من الابيات ولاتبخل علينا يابو فراج والله يرحمه ويسكنه فسيح جناته

[سلمان العطاوي]

الله يرحم اموات المسلمين
ولاهان من نقلها