النقل الجماعي

[ابو فراج]

هذه القصيده لشاعر فراج غريب الغنامي رحمه الله
وهي قصيده موجهه لشاعر مقحم دحيم الغنامي ولايحضرني رد الشاعر مقحم
اتركم مع القصيده
http://www11.0zz0.com/2009/04/10/19/392138232.jpg

ليتني سافرت فالنقل الجماعي=وان نزل لطف الحشى انزل مع نزوله
يالطيف الروح ماللخوف داعي=وان تركتك نعنبوها من رجوله
من يحبك مايخاف من الافاعي=وادري انك ماتهياء بالسهوله
مايجيبك لانظام ولاتباعي=والمحب اليا بغاء شي اوقفوله
ياحلي الحايل العفراء الرباعي=يالجمال اللي من ايام الطفوله
صبتني بالخد الابيض والذراعي=والكفوف البيض زاهيتن حجوله
يوم سلهم قلت يلمحبوب واعي=من نضر عينك عرفت اللى تقوله
ياعيون اللي من المرقاب زاعي=طار من راعيه سيره في رجوله
رحت ماعلمتني بسمك رباعي=كيف ادور في البلد عرضه وطوله
العهد به من وراى قصر الظلاعي=في عفيف اللي هل البر أهبطوله
جاء من اطراف الشفى زين المراعي=يوم نوء الوسم صدق في حلوله
راح يامقحم وراع الحب ظاعي=مثل منهو ضاع فالمضماء ذلوله
ماقدر غير التوجد والدواعي=يوم عدا فالجبل ماشاف حوله
غير درب الجايعات من السباعي=شافهن قبل السباع اتشوف زوله
ثم قعد قدام يدرن السواعي=روعنه ماقدر ياخذ نعوله
دوره يابو سند من دون ساعي=خذ على شاني مع العربان جوله

[نواف الغنامي]

الله يرحم ابو عطا الله ويسكنه فسيح جناته ..

قصائده كلها درر رحمة الله عليه ..

سلمت اخوي ابو فراج على نقلك هذه القصيده ..

وشكرا ..

..

[ابو فراج]

تسلم يانواف على مرورك
وجزاك الله خير
تحياتي لك

[غيمار]

الله يرحمه قصائده جزله واشكرك يابو فراج على ايرادها

[ابو فراج]

تسلم ياغيمار على مرورك العطر
تقبل تحياتي

[حاتم بن حمد الغنامي]

السلام عليكم ورحمة الله وبركاته

والله يبو فراج من دون حلفان أن قصيد فراج بن غريب رحمه الله تعالى

له نكهة خاصة.

فقصائد فراج بن غريب من نوع السهل الممتنع وهو القصيد

الذي تتوقع أنك تقدر تجيب مثلة لكن اذا حاولت تعجز عن مجاراته.

بيض الله وجهك يبو فراج

[يوسف الغنامي]

الله يرحمه ويسكنه الجنه وقصيدة رائعه في صديقي النقل الجماعي هههه

[ابو فراج]

حاتم بن حمد

تسلم يالغالي وأشكرك على مرورك العطر
والله لايهينك ويعطيك العافيــــه
تحياتي لك يبن العم

[ابو فراج]

الله يجزاك خير يايوسف
واشكرك على مرورك
تحياتي لك

[راعي العرفا]

الله يرحمه رحمتن واسعه وصح لسان ناقلها
ونتمنى المزيد

[ابو فراج]

تسلم ياراعي العرفا
والله يجزاك خير
وسوف نوافيكم بالمزيد

[عبدالمحسن الغنامي]

الله يرحمه
قصائده لا تنسى على مر الزمن قصائد خالده
مميزه كما قال الاستاذ حاتم كونها من السهل الممتنع





















تقبل مروري

[ابو فراج]

الله يجزاك بالخير ياعبد المحسن
والله يقبل منك
ويشرفني مرورك يالغالي
تحياتي لك

[سلمان العطاوي]

الله يرحم اموات المسلمبن
وقصيده رائعه