الغنامي
03-20-2009, 10:47 PM
يامل قلـبً طـاوي الهـم طاويـه=وهم العـرب يبعـد وهمـه قربيـا
من هاجسً في خاطري ماقدر ابديـه=الله يجـازي مـن غدالـي سببيـا
حالـي مثـل زرعً توقـف سواقيـه=غادً سمـاد وداخـل العـود وبيـا
وقتً مضى طلعت زهـوره تغطيـه=واليـوم قامـو يجمعونـه حطبيـا
اعوي عـوا ذيـبً بعيـدً مساريـه=جايـع وحدنّـه كــلاب العربـيـا
من صاحبً ممشاي فاخت مماشيـه=يامـا تحملّـت السهـر والتعبـيـا
وقتً مضى عينـي لعينـه تراعيـه=لسود العيـون الناعسـه والهدبيـا
له نظرةً فيـه والـي نظـرةً فيـه =نظـرةً غريـم طالـبً لـه طلبيـا
تقول كيف الحال " طيّب ؟" واقول ايه=واقصى الضمايـر غاديـاتً لهبيـا
وياهاجد المرقـاب صعـبً مراقيـه=صعبً طلوعـه ياعريـب النسبيـا
واشوف الي صيـدً بعيـدً مراميـه=ماياصلنّـه مسـرعـات الندبـيـا
اخذت الي مده وانـا فـي حراويـه=امشي لهن بالرجـل واحيـان حبيـا
واليوم مايقـدر يجينـي ولا اجيـه=كنيّـت مابـي ليـن حالـي ذهبيـا
م/ن
من هاجسً في خاطري ماقدر ابديـه=الله يجـازي مـن غدالـي سببيـا
حالـي مثـل زرعً توقـف سواقيـه=غادً سمـاد وداخـل العـود وبيـا
وقتً مضى طلعت زهـوره تغطيـه=واليـوم قامـو يجمعونـه حطبيـا
اعوي عـوا ذيـبً بعيـدً مساريـه=جايـع وحدنّـه كــلاب العربـيـا
من صاحبً ممشاي فاخت مماشيـه=يامـا تحملّـت السهـر والتعبـيـا
وقتً مضى عينـي لعينـه تراعيـه=لسود العيـون الناعسـه والهدبيـا
له نظرةً فيـه والـي نظـرةً فيـه =نظـرةً غريـم طالـبً لـه طلبيـا
تقول كيف الحال " طيّب ؟" واقول ايه=واقصى الضمايـر غاديـاتً لهبيـا
وياهاجد المرقـاب صعـبً مراقيـه=صعبً طلوعـه ياعريـب النسبيـا
واشوف الي صيـدً بعيـدً مراميـه=ماياصلنّـه مسـرعـات الندبـيـا
اخذت الي مده وانـا فـي حراويـه=امشي لهن بالرجـل واحيـان حبيـا
واليوم مايقـدر يجينـي ولا اجيـه=كنيّـت مابـي ليـن حالـي ذهبيـا
م/ن