اجامل وايتسم واضحك وانا في داخلي مقهور

[فهد الحميدي أبـ معاذ ـو]

أجامل وابتسم واضحك وانا في داخلي مقهور
احاول اكتم احزاني ورى صدري وأخبيها


♥♦≈♦♥


أحاول اكتم همومي واخبيها وأنا مجبور
واحاول قد ما أقدر أبعد عن حراويها


♥♦≈♦♥


لو اني كنت بنطقها مع انها واقفة بالزور
... ولكن لازم اكتمها ولا ابين معانيها


♥♦≈♦♥


ولو بعض البشر تدري وتكشف خافي المستور
... أببلش في شماتتها وابتعب من حكاويها


♥♦≈♦♥


طبيعه ماتفارقهم طبيعة من قديم عصور
... ورا حكي القفى تطرد وتنبش في خوافيها


♥♦≈♦♥


واذا طاح الرجل مرة وصار من الزمن مكسور
... تجيله طعنه بظهره تفاجأ مادرى فيها


♥♦≈♦♥


تفاجئ مادرى باللي بيصير ومن وراه يدور
...وخابت هقوته فيهم بعد ماكان هاقيها


♥♦≈♦♥


لجل هذا كتمت الهم في صدري وانا معذور
... همومي في وسط قلبي أخبيها واخليها


♥♦≈♦♥


واذا زاد الحزن فيني كني وحيد بعالم مهجور
... كأني بدنيتي وحدي وكل الناس جافيها


♥♦≈♦♥


واذا ودي أبوح بهم أبد ما اكتبه بسطور
... همومي بس في نفسي الحنها واغنيها


♥♦≈♦♥


مصير الهم يترحل وأعيش بدنيتي مسرور
...مصير الهم ينساني ونفسي ما يعنيها


♥♦≈♦♥


مصير القلب لو يظلم يجي يوم ويشوف النور
...مصير الناس تتبدل وتتغير مماشيها


♥♦≈♦♥


اذا صار الذي ودي أبيح خافي المستور
...واخلي الناس تدري بي وبهمومي أبكيها


♥♦≈♦♥


ولكن بكتم همومي واخبيها عن الجمهور
... وطبع الهم مايهنى بغير ظلوع راعيها

[يوسف الغنامي]

وٍآذِآ طَآحِ آلرٍجَل مٍَرٍة وٍصِآرٍ مٍَنٍ آلزٍمٍَنٍ مٍَگسِوٍرٍ
... تِجَيًلهُ طَعُنٍهُ بُظِهُرٍهُ تَِفٍآجَأ مٍَآدُرٍىٍ َفٍيًهُآ


يًآسِسِسِلآمٍَ عُليًگمٍَ يًآَفٍهُدُ آلحِمٍَيًدُيً َقٍِصِيًدُة رٍآئعُة تِشُشُشُگرٍ عُليًهُآ

[عبدالمحسن الغنامي]

سلامتك من القهر و الهم وانا اخوك

قصيده جميله

[مستمعن الفكر]

صح لسانك ملايين

[عبدالعزيز الوبصاني]

صح لسان ... سلامتك من القهر

اخوي فهد

قصيدة اكثر من رائعة