"ولا تلبس الخاتم ليا طاح فصه... ولاتشرب المالح يغثك هماجه" قصيدة لمبارك العتيبي

[ناصر حامد الغنامي]

السلام عليكم ورحمة الله وبركاته
هذه إحدى القصائد التي أحتفظ بها للشاعر مبارك العتيبي اتمنى أن تحوز على رضاكم وتنال إستحسانكم.

الله من قلب(ن) غدى منه نصه=ويصد لو جاله ورى الناس حاجه
مايلتفت في حاجت(ن) ماتخصه=والهرج فا اللي مايخصك سماجه
وليا أرتخا هرج أقرب الناس قصه=نفعت ضعيف الراس ضحكة حجاجه
إما غدا لك داخل الحلق غصه=وألا غدى جرح(ن) صعيب(ن) علاجه
ولا تلبس الخاتم ليا طاح فصه=ولاتشرب المالح يغثك هماجه
وإن كان مافي الحي عين(ن) مبصه=لاتسكنه يعميك ناعم عجاجه
الشاعر مبارك العتيبي

[يوسف الغنامي]

ولا تلبس الخاتـم ليـا طـاح فصـه**ولاتشـرب المالـح يغثـك هماجـه
وإن كان مافي الحي عين(ن) مبصـه**لاتسكنـه يعميـك ناعـم عجـاجـه

الله الله بيض الله وجهك على الأيراد

[حمد السندي]

أشكرك ياأبو حامد من بعيد أعماقي
وطرحك مميز وليس لنا غنى عن مدادك النافع.

[سطام الغنآمي]

إما غدا لـك داخـل الحلـق غصـهوألا غدى جرح(ن) صعيب(ن) علاجه

صح لسانك يامبارك وسلمت يمينك ياناصر

[عبدالمحسن الغنامي]

وليا أرتخا هرج أقرب الناس قصـهنفعت ضعيف الراس ضحكة حجاجـه

اعجبني البيت

صح السانك

[سلمان العطاوي]

وليا أرتخا هرج أقرب النـاس قصـه ** نفعت ضعيف الراس ضحكة حجاجـه
الله الله
صح لسان شاعرها
مشكور اخو وماقصرت

[صمت الجرووح]

الله بيض الله وجهك صح لسانك

[عـبـد الـعـزيـز الـروقـي]

صح لسان شاعرها