عزيز النفس

[سلطان الغنامي]

الايا ناس من عيّن عزيز النفس غايب ليه =ثمان ايام ماشفناه مدري وين منزاله
انا ماشفت غيره يمشي لموته على رجليه = علامه طير ابن برمان جاب الداب مشتاله

[مِسّيَرّ]

السلام عليكم ورحمة الله وبركاته

سلطان الغنامي ...

ابيات جميله جداً ..

انا ماشفت غيره يمشي لموته على رجليه00علامه طير ابن برمان جاب الداب مشتاله



ايه تكفى احشر عزيز النفس فالزاويه ...

والله يقويك واانا في صفك للابد

[عبدالحكيم الغنامي]

ابيات رائعة وننتظر رد عزيز النفس

[يوسف الغنامي]

هآ هآ هآ قال احشر عزيز النفس قاااااال
هههههههههههههه ايه هين يجي عزيز النفس ويحشرك ياسلطان وانت ومسير وانا في صف عزيز للموت :)

[عزيز النفس]

هلا والله بسلطان ..

وعذرنا على التأخييييير ..



ترى الغايب معه عذره واذا جا للعرب يبديه = وعزيز النفس غايب ياولد من كثرة اشغاله
يسج العبد في دنياه والمكتوب ما يخطيه = ومن لاراح يم الموت جاه الموت من حاله



..

[حاكم الغنامي]

الله الله


ترى الغايب معه عذره واذا جا للعرب يبديه
وعزيز النفس غايب ياولد من كثرة اشغاله


صح لسانكـ ياعزيز النفس

ماسكـ صفكـ ياعزبز النفس :)

ولاهان سلطان وصفه


وصح لسانك ياسلطان

تقبلوا تحياتي

[عزيز النفس]

صحــــــــــــــــــــــت ابدانكم ..


ومشكورين على اطرائكم ..



تحيه خااااااااااااصه للي بصفي ...

..

[سلطان الغنامي]

هلا ياعزيز النفس


اهيم بغربتي مامثلي اللي مع العرب طاريه = ليا حل بديارٍ كل خلق الله توحاله
نسيت انا عزازٍ كلنا وانت الهدف مخطيه =وانا نفسي سقيمه من عزيز النفس واشكاله

[سلطان الغنامي]

مسيييييييييييير

دامك بصفي ماراح احاتي حد ههههههه

[سلطان الغنامي]

عبدالحكيم


الرائع انت

[سلطان الغنامي]

يوسف الغنامي


حاكم الغنامي


هذولا وانتم مشرفين وضدي


الله يجيب خالد الغنامي يجي بصفيي هههههههههههه

[يوسف الغنامي]

الله الله

متابع وبقوة

[عيون الصقر]

متابعين وصحت ألسنت الشعار

[عزيز النفس]

اعذرنا على التأخير ....:)



تقوله مار حنا ياولد طاريك ما نوحيه = ولا قد ذاع طاريكم جنوب الدار وشماله
عزاز نفوس انا داري وكل ٍ خابر ٍ ماضيه = وعز النفس عاده عندنا والناس رحاله

[يوسف الغنامي]

هالله هالله العبوا ايه ياسلام على الابيات الزآنه

[غنــامي متغطرس]

الله الله ..

ابـداع x ابــداع

انــا في صف عزيز النفس ولا فيــه قصــور ابن الع ــم سلطــان

< يوسف امسكـ الصف زين ولا تراني ابي احــل محلكـ عجـل علي ههههههههههه

[خالد الغنامي]

يوسف الغنامي


حاكم الغنامي


هذولا وانتم مشرفين وضدي


الله يجيب خالد الغنامي يجي بصفيي هههههههههههه

سلطان ....

ما طلبت شي وانا اخوك ....

اان في صفك ولا هام عزيز النفس....

كلكم مبدعين الله لا يضركم...

بس لا اوصيك على عزيز النفس حده على الصالي....



[[تقديري واحترامي]]

[يوسف الغنامي]

الله الله هههههههههههههههههههههههههه
:p

[عيون الصقر]

ايه ايه

متابعين انا ضد عزيز

[عبدالله الغنامي]

الله الله

صحة السـنتكم,,,

مبدع ياولد خآلي ْ { سلطآن }

لاهنت يالغالي

مبدع يا عزيز النفس

[مخاوي الذيب]

الى في المدرج يتفرج ....... تحاشروا جعل ربي يقويكم

[عقاب الروقي]

مشكوووووور والله يعطيك الف عافيه

[كاتم الأحزان]

مشكور أوخي ع الموضوع المميز والله يعطيك العافيه تقبل مروري

[عقاب الروقي]

مــــشــــكـــور
اخــــوي علــى
مـــوضــوعك
الراقي
والله يعطيك العافيه