حاكم الغنامي مشرفنا الغالي بيني وبينك موضوع .,’,.

[عزيز النفس]

السلام عليكم ورحمة الله وبركاته


اسمحولي بالعب مع اخينا ومشرفنا الغالي حاكم الغنامي ..
وهذا شرف لي اللعب مع حضرة سموه ..



سلام الله سلام ٍ وسمحولي ياجماعه فيه = ابا أخصه لحاكم مشرف الحله وشاعرها
ليا مني ذكرته قمت اجر البيت وأغنيه = وترى الشعار دايم ما تخالف في مشاعرها





..

[حاكم الغنامي]

هلا:)

شكرا على الاطراء

ولنا الشرف للعب مع فخامتكم....


الايامرحبا من خاطرٍ ...ماتطلبه.. يعطيه!=مثل عدٍ تحاشر فوقه اقرومٍ بباعرها
انا ماهمني سرك لونك عننا تخفيه=بضاعه بس حبينا ...بعد بادت نسعرها!!

[عزيز النفس]

يدوم الك البقاء ياشاعر ٍ كل العرب تطريه = وصيته فأول الشعار ذاع وذاع فاخرها
وانا مدري وش الي حدكم للكذب مدري ليه! = واظنك ياصحيبي تعرف القصه وخابرها



هههههه

[حاكم الغنامي]

انا صيتي مشرفني ومثلك ياولد غاويه =على عز وكرامه باني ابيوتي واعمرها
تحسبني مثل وجهك كلام المهزله شاريه =خطايه عن دروبٍ تفرح العدوان قاصرها

[عزيز النفس]

مادام انه بدأ منكم خطأ وانا الخطا مبديه = وناس ٍ تبتديبه ياولد والله ما اعبرها
انا ابيع القشر لا جات حزاته ولا نشريه = وبعض الناس ما ودي على جرحة خواطرها

[حاكم الغنامي]

انا حاكم ولد غنام لآصاب الهدف راميه =نهار الحرب مافرق بمسلمها وكافرها
ليا ضاق الضعّيف مانكلف نفسنا نرضيه=يصك ابراسه اكبر عايره عينه تعايرها

[عزيز النفس]

ياحاكم والتعزوي مايصح الا على راعيه = نهار الحرب ويش فعول ربعك ويش مشهرها
انا ليلي وليلك طال مار اليل لا تسريه = ابيك تقول ويش فعول ربعك كان تقدرها

[حاكم الغنامي]

فعولٍ راسيه كل الفخر من طيبها تحريه=على امثالك حلفت بعزت المعبود مذكرها!!
تهرج ياعزيز النفس بأول ليلك وتاليه=تراك اللي حروف اسمه عجز للناس يظهرها؟!؟!؟!؟!

[حاكم الغنامي]

صح لسانكـ يالذيب

عزيز النفس مبدع وماشاء الله عليك :)


والى لقاء اآآآآخر





تصبح على خيييييير

[عزيز النفس]

اباك تعدها كاننها الرجال ما تخزيه = تعذر مار مثلك ما نعاين في تعذرها
ابهرج وانت عوّد عن طريق الموت لا تاتيه = وانا اسمي كل ربعي خابرينه قبل اخبرها

[عزيز النفس]

صح بدنك ..

والله انك شاااااااعر ومبدع ..

وانا ماشفت ردك الاخير الا بعد وضع البتين ..

لاكن تشرفت بالعب معك ..

http://www.3tt3.net/up/upfiles/uXL98438.gif (http://www.3tt3.net/up/)



..

[مِسّيَرّ]

والله ينخاف منكم انتم يااااااااعزيز النفس وحاكم ..


مع ان حصل بينكم بعض المناوشات والمناورات الميدانيه ..

لكن كل واحد يصلح سيارته:p

تحيتي

[سلطان الغنامي]

انا حاكم ولد غنام لآصاب الهدف راميه =نهار الحرب مافرق بمسلمها وكافرها
ليا ضاق الضعّيف مانكلف نفسنا نرضيه=يصك ابراسه اكبر عايره عينه تعايرها

ابك ابك ابك

هذي والله البيوووووووووووووت اللي ماتلعب


صح لسانك

عزيزي النفس صح لسانك والحمد لله جت فيك ماهي فيني ههههههه

[الحر النادر]

هههههههههههههه


الله يرج بليسك ياحاكم

مبدع وربنا وربك الله

تحسبــــــــــــــــــــــــــــني مثل وجهــــــــــــــك كلام المهزله شاريـــــه
خطايه عن دروبٍ تفرح العدوان قاصــــــــــــــــــــــــــــــــــــــــرهـــــ ـا

الله الله االلله اااللله اااللله االللله اكبر عليك



صح لسانك ياعزيز النفس
((((تراك اللي حروف اسمه عجزللناس يضهرها)))))

ههههههه صحت السنتكم ياليتني حاضر الطاروق مباشررررر:d

[الحر النادر]

سلطان الغنامي


يجيلك يووووووووم معي هههههههه

[خالد الغنامي]

حاكم وعزيز النفس

الله الله طاروق كايف وحريقة ....صح اللسنتكم مدد لا عددد..

نار وقاز.. وبارود وفتيله..
مصايب ياثنينكم

لكن هنا تلعب الخبره دورها...
حاكم شهادة لله منت بسيط وخبره... والله يكفينا شرك...

وعزيز النفس
ما شاء الله عليك ماسك اعصابك... وهذا المطلوب...

[عزيز النفس]

مسير

سلطان الغنامي

الحر النادر

خالد الغنامي

اشكركم جميعا على المرور والاطراء ..

مروركم شرف لنا ..

..

[عبدالله الغنامي]

صصحة ألســنتكم

والله شعّآر الله لا يهينكم

الله يذكرك ياحاكم بالخيـر

مشكورين جميعاً...,

[مخاوي الذيب]

شعار ومبدعين الله يكفينا شركم

[كاتم الأحزان]

مـشـكـووور ع الـطـرح .