ذيــــب الغنانيم .... من طول الغيبات جاب الغنايم ....... تفضل ..

[عزيز النفس]

السلام عليكم ورحمة الله وبركاته


الله جابك ياذيب ..

مافيه مسرىا ...


وانا يشرفني اللعب معك ..... طال عمرك...


استلم ...



سلام مني عد ما ذعذع النــــــود = واعداد ماتمطر وترعد سحـــــــــابه
لمحت انا ذيب الغنانيم موجود = ثم قمت اهلي عقب طول غيابه

[ذيب الغنانيم]

وعليكم السلام ورحمه الله وبركاته

هههههههه

الله يكفينا شرك وانا اخوك

والله انا الي اتشرف

ي
يا مرحبا حياك يامنبع الجود = يالشاعر الي حضي اليوم جابه
مافيه لاشرهه ولافيه منقود = والله يكافينا عقوبة عذابه

[عبدالله الغنامي]

الله الله
صح لسانك وبنتضار ذيب

[عزيز النفس]

الك البقاء واعداد ما خضّّر العود = وانا اشهد انك ذيب. ذيب الذيابه
وان كان صارالحبل بالحيل معقود = مايستطيع الذيب حله بنابه

[ذيب الغنانيم]

لا واخساره توله العود كمبود = والي مسوينه لحضرت جنابه
مما جراء ياخوك صاحبك ملهود = والكبد فيها مثل حام اللهابه

ههههههههههههههههه

[عزيز النفس]

منته على اللي صاير لك بمحسود = مار انتبه للرجل واحسب حسابه
وان كان صار الباب ياصاح مسدود = الخالق المعبود ما صك بابه


ههههههههههههههههههه

[ذيب الغنانيم]

ههههههههه الله لا يبلانا


جاني خبر قالوا تراء فيه نمرود = خرب علاك الوضع يوم اللتوابه
يقرا علاه القايله تالي الذود = هو مادرئ ان الله سريعاً حسابه

[عزيز النفس]

النا مع الطيب مواثيق وعهود = ولا الردي ياذيب انا ويش ابابه
وانا معك لاعودت بيضهن سود = والسيف عزه ياولد من نصابه

[ذيب الغنانيم]

والله ونعمينه ليا ثار بارود = الاد غانم ما تعرف المهابه
الاوله بوجيهنا سلم وبنود = ولا غصبناهم نهار الحرابه