.,,, اي شاعــــــــر متــــمكــــــن ,,,.

[عزيز النفس]

السلام عليكم ورحمة الله وبركاته ..

اليوم نبي نلعب طاروووق مع اي شاعر

حاكم الغنامي .
خالد الغنامي.
عبد الله الغنامي.
السفير.
الحر النادر.
ذيب الغنانيم.

ااااااي شاعر ...

وانا ادري انكم كلكم شعار ..


يالله ..



سلام الله سلام الشاعر اللي ما علاه خلاف = يعرف الشعر ما يجهل طواريقه وقيفانه
بغانا الشاعر الي لا تحيزم يحتمّ الميقاف = ولا نبغا ردي المعرفه لو زانة الحانه





متى ما جا اي شاعر الله يحييه ..


..

[سطام الغنآمي]

يالله حي الشعّار .. الله الله فالابيات الجزله

<==< اقرب مخرج :)

[ياسر الغنامي]

هلا يامرحبا ياشاعر هجرس وغنا القاف=وجاب البيت حسب المتفق ماختل ميزانه
يجيك العلم وافي لا جلست بمجلس العراف=علوم كنها صرف الذهب فالاذن رنانه

[عزيز النفس]

هلا بك والله يا ياسر ..

اشهد انك شاعر ...

ومستمره المحاوره ..




يدوم الك البقاء يالي ترحب والقلوب انضاف = وانا خابرك شاعر والفتى في درب جدانه
وانا بنشدك يوم البرق يبرق والرعد رجاف = وان انته عن دروب السيل جعل اوطانك اوطانه

[ياسر الغنامي]

الله يبقيك ياعزيز النفس
وشهاده نعتز فيها ومنكم نتعلم
ومشكور


نبا نلعب على العمق ونبا نلعب على الاطراف=وتحقيق الهدف مضمون بامر الله سبحانه
نشوف البرق عنا شرق برقه جايله رفراف=عسا واد الرمه لاسال مايشتال سكانه

[عزيز النفس]

الله الله

شاعر متمكن

ما شاء الله عليك ..

مــــــــــــــــــــستـــــــــــــمرين ..



نبا نشيل الحمول الكايده يارجل بالكتاف = وعسى ربي يكافينا شرور ابليس واعوانه
واثرك قريبٍ منا ولكن وين ما تنشاف = وانا ضني بحق الجار ما تنساه جيرانه

[ياسر الغنامي]

كنوز البحر مثل اللول والمرجان والاصداف=ثمينه كلها ياصاحبي والدانه الدانه
لكن انته من اهل المدن ولا تسكن الارياف=او انك في طوارف كشب وتذريك ضلعانه

[عزيز النفس]

ترانا ياصحيبي نعرف الطيب من الخواف = وما فالقلب يضهر عن طريق الفم ولسانه
وانا يا صاحبي في ظلم دار العدل والانصاف = وانا اضنك من اهل الدار وانك ضمن عربانه

[ياسر الغنامي]

لاتخطب فالمساجد دون تصريح من الاوقاف=ترى صوتك طويل وروع المذن وورعانه
ونعم بربعنا في كل ديره كاملين اوصاف=غلاهم في صميم القلب واوردته وشريانه

[حاكم الغنامي]

الله الله


صح لسانك ياعزيز النفس

وصح لسانك ياياسر الغنامي


مبدعين الاثنين


تقبلو اعجابي وتحياتي


واصلووو

[عزيز النفس]

انا اعرف الحمول الكايده مايرجعن خفاف = ومنهو يرتكي للحمل شال الحمل بمتانه
واذا كان العطاوي راح ثم عدا على المشراف = يشوف الضلع ولا مايشوف الضلع بعيانه

[عزيز النفس]

اشــــــــــــــــــــــــــــــــــــــــــــــــ ـــــــــــــــكرك


مشرفنا العزيز على هذه الشهاده ...


التي اعتبرها وسام شرف لي ..



.....

[ياسر الغنامي]

زبون الوافيه مايقبل الارباع والانصاف=وانا ادر انك زبون للوفا تتعب على شانه
لمحنا الضلع لاكن حاجبه عنا شجر وسناف=ترى لوكان اشوفه ياصديقي قلت لك عانه

[ياسر الغنامي]

تفاصيل ابقاك الله شرفنا وجودك




حاكم الغنامي صح بدنك والابداع تواجدك

لاهنتم ومشكورين

[مِسّيَرّ]

والله انكم مبعدين (وترووعوووون)
هههههههههههههههههه


واصلوا لليوم الثاني والسهره الثانيه ..

وانا معكم واطعّ فالصّف ..

<< في صف عزيز النفس :p

[يوسف الغنآمي]

كفوووو شعار وقصيدن طيب واصلوا الابداع :cool:

[عزيز النفس]

الا يالي تغرف من البحر ياهيه يالغراف = انا اشهد جبت يارجال لولوه ومرجانه
وخذ مني شهادة حق معكم فالملف تنضاف = انا اشهد جبت جزل الشعر يارجال وسمانه

[يوسف الغنآمي]

ياوجه الله ماشالله تبارك الله ابداع ياعزيز النفس ابداع

< متآبع :)

[عزيز النفس]

اخوي AlGaNaMe
.:.الأمير كحيلان.:.

واخوي يوسف ..

لاهنتوا ..

وبيض الله وجيهكم ..


وشهادتك افتخر بهاااا ...


...

[يوسف الغنآمي]

الا شهادتنا فيك مجروحه ماشالله عليك شاعر انت وياسر والله اللعب اللي عليه الكلام

[ياسر الغنامي]

نغرف من البحر وانت البحر يامتعب النزاف=وشهادتكم وسام الحرب وانواطه ونيشانه
لقيت افضل بطاقه فالبطايق حقت الصراف=وباقيت البطايق حشو جيب ولالها خانه

[ياسر الغنامي]

AlGaNaMe الأمير كحيلان


يوسف

مشكورين لتشريفكم وتشجيعكم لاهنتو جميعا