بلا روح

[السفير]

بسم الله الرحمن الرحيم

السلام عليكم ورحمة الله وبركاته

ايها الاخوة حبيت أشارك معكم بقصيدة متواضعه أتمنى أن تعجبكم وتنال ذائقتكم
وهي أول مشاركة لي ......

لي مدة مع الناس ماشي بلا روح=أضحك وأسولف مير ماني بمرتاح
بأسباب من قلبي على بعده يفوح=فوح الدلال يشادي القلب لا فاح
ما تدري أني منّك وفيك مجروح=جرح ٍ تبى تفنى الخلايق ولا راح
لا جيت أبسلى وأبعد الهم وأروح=أبقضي أوقاتي على الدرب سواح
يلدني طيفك وأقول ألك مسموح=أنته سلبت الروح وفداك يا صاح

[عبدالله الغنامي]

انته سلبت الروح وفداك ياصاح الله الله
صح لسانك

[خالد الغنامي]

اسمحلي اخوي بهذي المداخل اليوم بسوي نفسي الدكتور غسان...

لي مدة مع الناس ماشي بلا روح(فيه تقل) لو قلت لي مدة ياناسي ما شي بلا روح / كان استقام الوزن
أضحك وأسولف مير ماني بمرتاح (الشطر هذا قمه في الابداع)
بأسباب من قلبي على بعده يفـوح (ابداع)
فوح الدلال يشادي القلب لا فـاح
ما تدري أني منّك (ُثم) وفيك مجـروح أشوف الشطر انه ناقص حرفين لو اضفنا ثم استقام الوزن
جرح ٍ تبى تفنى الخلايق ولا راح يعجز الشعود ان يصف جماليات هذا البيت
لا جيت أبسلى وأبعد الهم وأروح ابداع متواصل
أبقضي أوقاتي على الدرب سواح ابداع
يلدني طيفك وأقول ألك مسمـوح
أنته سلبت الروح وفداك يا صاح

ياليت تعيد النظر بالي بالخط الاحمر والنص هذا يخفي خلفه شاعر قادم فلا تقف وحاول تكثر من قراءة القصائد

وتقبل مروري واعجابي واحترامي...

صح لسانك مدد بلا عدد..

[سطام الغنآمي]

ما تدري أني منّك وفيك مجـروح
جرح ٍ تبى تفنى الخلايق ولا راح


صح لسانك (سفير) :)