ياماحلا المكشات والجو غايم

[عبدالله الغنامي]

بيتين ايام الربيع الي وصل دعيكان والدير الي هناك واقول قول ابن هذال سلام وتحيه يا الديره الحيه يالي قضينابك ايام الاعيادي.....................................اما البيتين فهي

يامحلا المكشات الجو غايم=في دعبةٍ ماقط ضينٍ وطتها
نسرح مع الدعبان والخبل نايم=وام الحوير قدمنا بغبرتها
واذكر خليلي كل ماجت نسايم=وامسك محاجر عيني قبل عبرتها
معي الي عن هروج الخبل صايم=عشاهم نعيمٍ تموح ذنبتها

وسلامتكم اخوكم [عبدالله الغنامي ]:)

[سطام الغنآمي]

سلمت ياعبد الله .... قصيده رائعه ذكرتني بالبر :)

بس الدعبان وش ؟

[يوسف الغنآمي]

بيض الله وجهك ياعبدالله على القصيدة

الدعب هههههههه هو زي الحفرة الجحر او شي زي كذا يعني والله اعلم .
اعتقد يا تفاصيل ماش شكل اللغه العربيه مأثرتن علاك

[عبدالله الغنامي]

مشكورين على مروركم والدعب هو الحفر الي تجمع فيها مياه الامطار وشاكر لكم جميعاً

[عبدالله الغنامي]

فيه خطاء بالبيت الاول والعذر والسموحه منكم الشطر الثاني هي عبلةٍ وليست دعبةٍ وسامحونا يالربع

[عبدالله الغنامي]

:)والله يالربع معقوله ماحد قراها غير ثنين ولا تقرون ولا تضيفون مرور

[يوسف الغنآمي]

الاخطاء المطبعيه ماهيب مشكله ومشكور على التعديل الحين القسم الواحد لا صار فيه مشاركات جديده مثلن مشاركتين وكتبت قصيدتك ياعبدالله وجا واحد ونزل موضوع جديد في نفس القسم اللي نزلت فيه قصيدة راح يكون الموضوع في الواجهه يعني اللي يبي يشارك في اي موضوع جديد يبي يلقآه ويختار نفس الموضوع على شان كذا يتأخر الرد على موضوعك ;)

[عبدالله الغنامي]

مشكوووووور يوسف وشاكر مرورك