من اللي وده يلعب

[الهااوى]

طاروق خفيف والفاضي يسجل حضوره

[نوح فايح الغنامي]

هات الطاروق يابن عمي

[نوح فايح الغنامي]

ياسلامي عليكم من ضميرن صريح=ملعبتكم رهيبه زاد شعارها
اضبط الداريابوزيد ولاستريح=معركتكم عليهم ولعت نارها

[نوح فايح الغنامي]

ياسلامي عليكم من ضميرن صريح=ملعبتكم رهيبه زاد شعارها
اضبط الدار يابوزيد ولااستريح=معركتكم عليهم ولعت نارها

[الهااوى]

مرحبا يابو فايح وانت صدرك يفيح=فوح دلة كريم زود بهارها
مير ياراكب الناقه تحرص تطيح=لابركت بك يراكبها على زارها

[ابن نما]

يا سلام يا سلام

ابدعتو



متابعين يا مبدعين

[الهااوى]

ابن نما شكرا على المتابعه يالغالي

[سامي العتيبي]

نوح فايح صح لسانك
الهاوي صح لسانك

[الهااوى]

الاخ سامي صح بدنك
والله لايهينك وموعدنا
الليله ان شاء الله يابوفايح

[سموالذات]

صحت السنتكم
وبالتوفيق لكم تقبلو مروري

[نوح فايح الغنامي]

مارعنتر على المشراف هب اله ريح=يطرد الناقه اللى رايم احوارها
فيه واحد جريح وفيه واحد طريح=والمدينه عليهم قفل اسوارها

[الهااوى]

مد ربي ولامدت يدين الشحيح=تبت يدينه ايمنها مع يسارها
اجذب الدلو والا انزل على الجم ميح=طيع شوري وكب القوم واشورها

[نوح فايح الغنامي]

المفتش على القوات عانه يصيح=والعلوم المصيبه جاتك اخبارها
ينبح الذئب لكن مايعرف النبيح=يعوي الذئب لاجا الرمي وغبارها

[الهااوى]

ليه ما امدحك يامن تستحق المديح=المدايح لناس شاعت اذكارها
مايصح الله يعافيك غير الصحيح=والحقيقه نباها مانبا غارها

[نوح فايح الغنامي]

عندنا طبهم نبغا نداو الجريح=والصقور المغيره تترك اوكارها
سمح الله طريقك يالعميل السميح=انت فارس عليهم تحفظ اعيارها

[الهااوى]

كان زندك نهار الضيق يقدح قديح=تتاتعز العرب وتحررديارها
مير يانوح حاول في صرار المنيح=يمكن تفك يابوفايح صرارها

[المشعاب]

صح السنتكم ومتابعين ولدي محاوره قريبه مع الهامور مبارك
ههههههههههههههههههههههههههههههه

[الهااوى]

صح بدنك يالمشعاب وسوف
نكون من المتابعين لابداعكم
ان شاء الله

[نوح فايح الغنامي]

فيه قوه لكن القلب يندح نديح=طاح في الغبه اللي يرتعص فارها
مارجل نهار العيد جاله نضيح=راح يطلق على الديبان في غارها

[الهااوى]

صح لسانك يابوفايح
واشكرك على تلبيه الدعوه
وان شاء الله يجمعناطاروق
ثاني بيض الله وجهك وتصبح
على خير

[نوح فايح الغنامي]

صح بدنك اخوي الشاعر الهاوي
محاوره ممتعه
لنا لقاء ان شاء الله

[نوح فايح الغنامي]

صحت ابدنكم ومشكورين على المرور العطر
احترامي لكم

[صقر روق]

صح لسانك يالهاوي وبيض الله وجهك
وصح لسانك يابوفايح شاعر مبدع تحياتي

[نوح فايح الغنامي]

المشاركة الأصلية كتبت بواسطة صقر روق http://www.gnanim.com/vb/images/gnanim/buttons/viewpost.gif (http://www.gnanim.com/vb/showthread.php?p=131843#post131843)


http://www.gnanim.com/vb/clear.gif
صح لسانك يالهاوي وبيض الله وجهك
وصح لسانك يابوفايح شاعر مبدع تحياتي










صح بدنك احترامي لك