هيا عاد ،، استلموا !!

[سلطان مطلق الغنّامي]

.
.

الليلة الليلة على راس طلحه
ـــــــــــــــ واللي عليه الدور ماني بقايل

لبّسته الشلحه ولاهيب شلحه
ـــــــــــــــــ لابايتٍ عنده ولاني بقايل !

:)

مروا لو تشجيع والمحاورة باستلام ثنين من عباقرة المحاورة ان ارادوا الاكمال

الطاروق هذا شاذّ عن الملة الشعرية ولايؤاخذ المبتدع في ما ابتدع :)


العذر وانا هاااارب من هنا بكل ما اوتيت من قوة >>>>>>>>>>>>>>>>>

...

[سلطان مطلق الغنّامي]

.
.

لامجير لي منكم ايها القناديل المضيئة حتى في الفيس بوك :)

http://gnanim.com/vb/picture.php?albumid=21&pictureid=229



..

[الشاوي]

ياأخصام ابن جمهور مافيه صلحه = والشعر ينشد من نعاني بقايل

يامسلم الاسكان لوجيه كلحه = كثر البنا ونص المباني بقايل

[نوح فايح الغنامي]

صح السانكم مبدعين
متابعين

[سلطان مطلق الغنّامي]

.
.

صح لسانك يا الشاوي :)

هههههههههههههههههه كلح وجه العدو قل امين

كثر البنا ونص المباني بقايل :)

البيت الاول لاتعليق ،، :)

حياك الله

..

[عبدالله الغنامي]

الله واكبرر صصح لسانك يابو ديمه وصصح لسانك يالشآوي

طارووق ممتع

متابع لكم ,,,

[سلطان مطلق الغنّامي]

.
.

هلابك يابو فايح حياك الله

طبيت مجالكم عابر سبيل وهارب الى المستحيل :)

وانا بعد متابعك معك يانوح نبي نشوف وش يبي يصير في هالمتصفح :)

تحياتي لك

اخوك : سلطان

..

[سلطان مطلق الغنّامي]

.
.

عبد الله :)


التعليق اللي تحت البيتين مهم جداا يا بو علي وهو تنصل علني من المتابعة وهروب

من وزر هذا الطرح ،، بعدين تعال ،، وراك ماتهرجني يومنا في تمايم عبد الله مشعل :)

اهرجك ومديني الطرشااا على قول المصاريه ،، حتى يوم طلعنا سوى اقول لك ياعبد الله

وصلني لسيارتي الحمى كسرت عظامي ،، ومطنشني ماغار اشرت لليموزين يوصلني الباب الثاني :)


هلابك يا بو عابد وتقديري لك


اخوك : سلطان

..

[عبدالله الغنامي]

هلا ابو ديما

بس انت تقول لا يؤاخذ المبتدع في ما ابتدع << وانا اخالفك في هالنقطه المبتدع لابد ان يوقف عند حده كي لا تنتشر بدعته ^_^

اما موضوع تمايم سميي << حسيت أنك موقف على جابر وجاي للأستراحه مشي :)

حاولت امشيها يابو ديما بس عيّت لا تمشي والله ^_ِ~

[صريح]

صح لسانك ودائما مبدع

وصح لسان الشاوي

وبيض الله وجيهكم قافية صعبة أس اثنين ههههههههههههههه

[سموالذات]

طاروق نادر وممتع يابوديما
صح لسانك وصح لسان الشاوي
ومتابعين

[عيون الصقر]

صحت السنتكم



متابعين

[سلطان مطلق الغنّامي]

.
.

هههههههههههههههههههههه عبد الله الا وقف المبتدع من نفسه ^_*

بعدين بالنسبة للمواقف تعرفني طبعي طبع شياب اوقف ابعد واحد عشان

انسّل بدري بس هاك الليل تورطت مادري وين وقفت قرمبعي :)


حياك الله ياغالي

اخوك : سلطان

..

[سلطان مطلق الغنّامي]

ههههههههههههههههههههههه هلابك ياصريح

صعبة اوس ثنين ،، شقراوية ومعدي ابو ثامر هناك

مرّ علي البارح بيتين ابشرك بس وطيت رجلي :)

حياك الله ووجهك ابيض وصح بدنك ياغالي

تحياتي لك

اخوك : سلطان

..

[سلطان مطلق الغنّامي]

.
.

سمو الذات صح بدنك

وطاروق نكبة :)

ابي الفكة بس مادري وش اسوي :(



هلابك وغلا

تحياتي لك

اخوك : سلطان

..

[سلطان مطلق الغنّامي]

.
.

عيون الصقر هلابك :)

متابعة بس لازم تكون بدون نقد :)


مرحبابك ياغالي

تحياتي لك

اخوك : سلطان

..

[سلطان مطلق الغنّامي]

نزولا عند رغبة الاحبة في المتابعة وان كانت مجرد ممارسة للترويح فقط ،، :)
.
.

بعض الوجيه ان غرني فيه ملحه
ــــــــــــ ماغرني وش هو من العلم طايل


من يهتني بالزاد لازاد ملحه !
ــــــــــ قصر النهار وتالي الليل طايل
.
.

[الشاوي]

عدو من العرجون كم طاح بلحه = وقولو لبو ديما ترى العذق مايل

من قال له عد بطويق وتولحه = واحلم بأن الضلع جاك متهايل

[الشاوي]

شكرا لبو ديما وجميع من مر من الأخوه وطابت ايامكم ولياليكم جميعا

[سلطان مطلق الغنّامي]

.
.

الشاوي ،، الا شكرا لك ولروحك ولجمال حضورك ياغالي

توبة ماعاد اجي هالقسم حتى زاير بعد ههههههههههههه :)

تحياتي للجميع

..

[الشاوي]

توضيح لمن التبس عليه المقصود بالبيت التالي > اتصلبي واحد زعلان يقول انت راعي فتن قلت افا
ياذا العلم قال ويش قصدك فالبيت هذاه
يأخصام ابن جمهور مافيه صلحه = والشعر ينشد من نعاني بقايل

المقصود هو المرحوم ياذن الله قايل بن جمهوروهو شاعر علم معروف
وقصدي بأخصام يعني لو اننا اخلينا بشعرنا فسيكون هو خصمنا ولن يصطلح معنا لاأكثر من ذالك
لاتقولون كيف تجي > رشيد الزلامي يقول لصياف خصمكم فالأخره عبد الله المسعودي


التوضيح ترى ماهو لبو مطلق للي اتصلبي زعلان


ابو ديما بيض الله وجهك وصح لسانك على اعطائك لي فرصة التعلم منك ومجاراتك وابقى تلميذ في اكاديميتك االراقيه
الذي يتشرف من ينتسلب لها وشكرا جزيلا

[ابن نما]

طاروق جميل يا مبدعين

بيض الله وجيهكم

واقتحام متهور من ابوديما لعالم الفتل والنقص وهو اهل لذلك بكل تأكيد

تحياتي

[سلطان مطلق الغنّامي]

.
.


الغالي الشاوي ،،

الله يرحم قايل بن جمهور رحمة واسعة ،، ويتغمده برحمته واموات المسلمين اجمعين

انا بيني وبينك يا الشاوي قلت ياولد وش هالخصومة ,, لكن تجاوزتها ليقيني ان الغنانيم

جسد واحد مهما اختلفت الاراء وبعض التوجهات لكن يجمعهم الحب والتالف باذن الله

لاعليك لا لبس في ذلك ،، والشكر لك يامبدع

تحياتي

اخوك : سلطان

..

[سلطان مطلق الغنّامي]

ههههههههههههههههههههههههههههه

ابو راما وجهك ابيض ،، شفت كيف التهور :)

بس الغالين هنا اضفوا بمرورهم وتعليقاتهم جواً اخر

والحقيقة انها لم تكن الا محاولة لتحريك القسم نوعاً ما وترك بصمة وان

كانت متواضعة ،، يبقى الفتل والنقض عالم اخر ومراسه يصعب الا للمتمكنين

وهم كثر في منتدانا الغالي ،، وانا شخصياً والله اتعلم منهم واتابعهم باستمرار

كلي شكر لك ياعبد العزيز ياغالي

تحياتي لك

اخوك : سلطان

..

[إياد الروقي]

صح ألسنتكم وبيض الله وجيهكم

[سلطان مطلق الغنّامي]

.
.

صح بدنك و وجهك ابيض يا اياد ياعذب

تحياتي وشكري لك

اخوك : سلطان

..

[ميعاد]

صح لسانكم واعتلا شانكم يالمبدعين
و مشكورين على الابيات الجميلة ..

[سلطان مطلق الغنّامي]

.
.

صح بدنك ياميعاد

وشكرا جزيل الشكر لمرورك المضيء

تحياتي لك

اخوك : سلطان
..