ســـــــــــــــــــــــــــــــــــــــــؤال؟

[الراســــي]

السلام عليكم ورحمة الله وبركاته

سمعت أن الجداعين من قبيلة عتيبه وأنهم من الروقه ومن ذي عطيه فياليت من عنده معلومه عنهم يفيدني إذا كانو من قبيلة عتيبه ومن أي العتبان بالضبط .........................؟

[يـزيـد الـقـبـوري]

الجداعين من ذوي عطية من الروقة من عتيبة

[فيصل الـروقي]

مشكور يا يزيد

[الراســــي]

ذوي عطيه تسعه وهم
الغنانيم،والمغايره،والقساسمه،والحبرديه،والمهادله،و السلسه،والخراريص
والفراهده، والمورقه! بس لقيت واحد يحلف انهم من ذوي عطيه
مدري هل أسم الجداعين فخذ من القبائل اللي عديتها ولا وش السالفه؟

[يـزيـد الـقـبـوري]

كل الي اعرفة قلته لك

واتمنى الاعضاء يفيدونك زياده

[طلال الغنامي]

الراسي

كيف حالك انا ودي اعرف انت غنامي قبل اجاوبك

اذا كنت غنامي اكيد تعرف فخوذ ذوي عطيه واظنها موجوده هنا في قسم ذوي عطيه

[إياد الروقي]

ان شاء يفيدونك الاعضاء

[عيسى العتيبي]

الراسي

والله مالك لايم يوم تسئل

والربع اللي زارين عليك مالهم حق

وانا ابي اقول اللي عندي والله يعني على الزرايا

انا حسب معرفتي ان الجداعين يرجعون فالحبرديه

جديع بن حبرود

[الراســــي]

أخوي عيسى الزرايا مادرينا عنها
وصدقت الجداعين طلعو من الحبرديه واللي انا اعرفه ان ذوي عطيه تسعه مثل ماذكرتهم

[عبدالله الباجد]

ان شاء الله يفيدونك الاعضا

[ابو رامي]

الراسي الله يمسيك بالخير
سؤالك ماهو غلط
الجداعين فعلآ من ذوي عطيه بس مثل ما قال عيسى هناك من يعتقد انهم هم والحبرديه فخذ واحده ولاكن هذا في السابق أما الأن بعد تباعد الخوامس لابد ان نعدهم فخذ ويسمون بأسمهم وهم احد فخوذ ذوي عطيه
احترامي لشخصك ولتسائلك

[مخاوي الذيب]

ما عليك من الزرايا
عموماً الجداعين قبيله عزيزة علينا وهم من ذوي عطية من الروقة قبيله مستقله مثلهم مثل الغنانيم واغلبهم سكان هجرة الفيضة بجوار هجرة دغبج هجرة المحاقنة

[بناخي مطير]

أعوذبالله ماتعرف الجداعين ولاتعرف ذوي عطية هههههههههه

[الراســــي]

ابو رامي ـ مخاوي الذيب ـ عيسى العتيبي
ياليت بعض الناس مثلكم منطقه منطق رجل
سؤالي مافيه شي قلت الجداعين فخذ من القبائل اللي ذكرتها ولا وش السالفه ؟ (وعلى قولة الشاعر)


الطيّب يتمحله ثلاثين زله *** واللاش ماني عن زراويه داري