محا وره

[زبن الرفيل]

محا وره تعد من اشرس المنا زلات نين الشاعرين
هايف العطاوي::وحمود ال بريك

هايف العطاوي
مرحبا ترحيب بالاصحاب مع فنجال دلّه=يبهج صدور الرجال ويرضي اذواق النشاما
كان بن عقرب على خبري على مذهب وملّه=بعد ماشرقت عليه الشمس وانزاح الظلاما
حمود عبيد
البقى بك يالعطاوي والخواطر مسفهلّه=احترمنا لاجل تلقى من طرفنا لاحتراما
انت مثلي عارف فاخر زمن لاخيار قلّه=لاغلبيه يالعطاوي لاحلال ولا حراما
هايف العطاوي
كان علمك خير خير وكان غير الخير لله=يلحقك شرهه يابن عقرب ويلحقك الملاما
انت من بعض الليالي فيك غبن وفيك ذلّه=كن ماربي خلق لك مخ في وسط العظاما
حمود عبيد
البنادم مايحاسب كود باللّي في سجلّه=وانت ياهايف صديقي لابراه ولااتهاما
يالعطاوي زلتك محسوبة(ن) بالفين زلّه=والله اني لو بغيت احاسبك ياما وياما
هايف العطاوي
الشجر ماعاد لايثمر ولا يسعفك ضلّه=مابقا الاّ الجذع يابس والغصون اللّي تواما
انت لو انك ذكي وكل وقتك حاسبن لّه=كان مافوّت وقت من الصلاة ولا الصياما
حمود عبيد
انت تطلع من مجلات وتدخل في مجلّه=وانت ياهايف نعرفك لاشداد ولا سناما
الوعد بكره ليامن جات حلّه صوب حلّه=واينعت روس الطغاة اللّي دنا منها الصراما
هايف العطاوي
كل رجل له مقام وكل رجل في محلّه=ياعزيزين الجناب ويارفيعين المقاما
انت قدر نعمة المولى وصل الفرض صلّه=لاتعاكس في الاصول ولا تجاهل في النظاما
حمود عبيد
ياالعطاوي كل حجّة بالثّبوت وبالادلّه=وانت ساقتك القراده في مكان الاتهاما
الجمل لاثقل حمله ماهقيت انه يشلّه=لو تسوقه بالعصا والا تقوده بالخطاما
هايف العطاوي
انت لو قلبك فطينٍ كان علمي فاطنٍ لّه=مانت بأعمى مير اشوفك عن سنع علمي تعاما
انت من كبر الهقاوي كل حملٍ راسيٍ لّه=كارثه كنك امريكا في قضية فيتناما
حمود عبيد
العطاوي كل حرف من رفيقه يستغلّه=لابركة في نجاد ولا بركة في اباما
ان سمعناكم ممله وان تركناكم مملّه=كلمةٍفي لافتتاح وكلمتين في الختاما

محا وره جديده
انقله لكم:وسلامتكم

[فهد الباجد]

اخوي زبن الرفيل سلمت يمينك على النقل تحياتي لك

[نوح فايح الغنامي]

محاوره قويه جداً
تسلم يمينك

[فيصل الـروقي]

اخوي زبن الرفيل سلمت يمينك

[يـزيـد الـقـبـوري]

تسلم يمينك

[ابو فارس]

تسلم يمناك مع التحيه ...

[إياد الروقي]

مشكور زبن الرفيل على نقل المحاورة .. لاهنت

[بعيد النظر]

حــمـــود عـبــيــد
الـبـنــادم مـايـحـاسـب كـــــود بـالــلّــي فـــــي سـجــلّــه... وانـــــت يــاهــايــف صــديــقــي لابــــــراه ولااتــهــامــا
يـالـعـطـاوي زلــتــك مـحـسـوبــة(ن) بـالـفـيــن زلّـــــه ...والله انــــي لــــو بـغــيــت احـاســبــك يــامـــا ويــامـــا

البيت الي شفع للمحاورة عندي .


شكراً لك يازبن على نقل المحاورة ذي .